Chongmalar 7:4 - Bible Inzootna Kathar

⁴ Halli keidiang innati, khachu Pathian madanna bi inmachalla indeeng mi ngai teelramol kha 144,000 (lakh khatle lising soommili leimili) in-eii. Inmani ngaikha Israel phung soomleini makheiya in-eii.

Chongmalar 7:4 ပူးပေါင်းရင်းမြစ်များ

Matthew 19:28

Jisu'n inmani diang ati, “Kei'n nangnidiang inthiangnga kiti eii khachu Miring Sapa in ama apoinale inruoiya Manmasituol Kathar khan ama reng in-ongna khan in-ong pha, nangni anakajui soomleini ngai um reng in-ongna khan ningla in-ong sik eii, halli Israel zaat soomleini ngaikha chong katansik ni-eii.”” Matt 25:31; Luk 22:30

Luke 14:22

Suokpa khan aheiti, “‘Karu, nang nachongpeii dungjuiya kathosikjei, halli tuunnum mun angjet alaruok.’’

Luke 22:30

Nangni'n kei Rengramma kei khamtuol khan kabak ka-in ning esik eii, halli nangni'n reng in-ongna munna in-ong ningta Israel zaat soomleini chungnga wai ningroonsik eii.

Chuontho 26:7

Khawa ngamna kha munasik ah eini phung soomleini ngai'n suunli zaan Pathian kha malung kaluut ah chubei inleitho. Khawa ngamna jarra eii, E reng, kei kadiang Jihudi ngai'n noonkuung innape hi.

Rome 9:27

Halli Isaiah in Israel ngai jarra aleiril: “Israel sangai kha tuipui neeldi angnga intam innum, mi lekkhat bit kha eii asanringsik. Isa 10:22,23

James 1:1

Pathian khat-um Pumi Jisu Christa suok ka-eii James kei'n: Manmasituol pumpuiya inchekchaiya kaom Pathian mi ngai rakip kha khoya thona kanei. Matt 13:55; Mk 6:3; Chuon 15:13; Gal 1:19

Chongmalar 14:1

Hiwa thengnga kei'n kalei-en, khawa phakhan Keelngamteii khan Zion chingbungnga ngirra aleiom; ama le inruoiya kangir mi ngaikha ama raming khat-um Apa raming kha inmachalla injia, miring ngai teelramol khachu lakhkhat le lising soommili leimili (144,000) in-eii. Ezek 9:4; Chonglar 7:3

Chongmalar 14:3

Miring lakhkhat le lising soommili leimili (144,000) ngai'n reng in-ongna mun, akaring khouring mili, khat-um upa ngai ma-ah inngirra laa kathar kha inleisak, laa kathar kha inmani bit-in inleijet. Inmani ngaihi nuoipil chungnga ikatan ngaibit kha in-eii.

Chongmalar 7:5

Judah phung makheiya miring 12,000, Reuben phung makheiya miring 12,000, Gad phung makheiya miring 12,000,

Chongmalar 9:16

Keidiang innaleiti sakor raalmi ngai teelramol kha: crore soomni (200,000,000) in-eii.