Chongmalar 7:16 - Bible Inzootna Kathar

¹⁶ Inmani ngai'n woikhat inlet-ah wonkachaam khat-um tuikaraal omnunijei; kanisa emakli akasa iteii inkhat innum inmani chungnga kakaangsik omnunijei, Isa 49:10

Chongmalar 7:16 ပူးပေါင်းရင်းမြစ်များ

Matthew 13:21

Takkha inmani diang arajung kha inthuukmak jarra soot leidei matormu, Khawa chong jarra poongna emakli raalna aheiwa pha khan, inmani innot ah inmangjei.

Matthew 13:6

Takkha kani hongsa phakhan achiak teii ngaikha inwuoi jei; ajarchu arajung kha inthuuk ah leisimak, khale inruoiya achiak ngaikha innot ah acharjei.

Matthew 5:6

“Chuon katuun sikbit ah wonchaam tuikaraal ngaikha rawaan intha; ajarchu Pathian in inmani kha alaminkhop sik eii.”” Isa 55:1,2

Mark 4:17

Takkha inmani inrajung inthuuk-ah leisimu, khat-um inmani soot leideimatormu. Khawa chongkhan ajar-eya, poongraalna aheiwapha khanchu, inmani'n innot-ah mangna innei.

Mark 4:6

Halli kani ahongsuok pha, akadoong muchichiak ngaikha injuo charjei; ajarchu inrajung kha inthuuk-ah leisi matormak, muchichiak ngaikha innot-ah inleichar.

Luke 1:53

Ama'n won kachaam karaal ngaikha katha ah leiwaisip, halli inchong rakipkha kutkaruok ah leiminsi,

Luke 6:21

“Tuunna won kachaam nangni ngaikha rawaan katha ning eii ajarchu; nangnikha nawai minkhopsik eii.”” “Tuunna Kachap nangni kha rawaan katha ning eii ajarchu; ningla innuisik eii!””

John 4:14

Takkha kei'n kapesik tuikha ka-in ama khachu woikhat inlet-ah tuikaraal omnuni. Kei'n amadiang kapesik tui khan amadiang tuiring inchangta kumsoot ringna kha esik eii.””

James 1:11

Kani khan satheiya jo-eella halli reikuung kha ajuochar; aparkha ajuota halli apar katha kha ajuochuoi. Hiwa angnga inchong hi-um inmani inchongna chuonkhan inmangsik eii. Isa 40:6,7

Chongmalar 21:4

Pathian khan inmani ngai mitrathi kha inmit makheiya anuulpisik eii. Akathi kha omnunijei, inwai emakli kachap emakli kana kha omnunijei. Ajarchu akamaruo phurngai kha inmangsuojei.”” Isa 25:8; Isa 35:10; 65:19