Chongmalar 6:9 - Bible Inzootna Kathar

⁹ Khawa thengnga Keelngamteii khan ra-nga huuina madanna kha makoiya aleimalong. Kei'n Pathian maichaam nuoiya Pathian chong kaleiril khat-um ngamna ka-eii sakhi inleipeii jarra inleithat mi ngai ratha ngaikha kaleimu.

Chongmalar 6:9 ပူးပေါင်းရင်းမြစ်များ

John 16:2

Synagogue makheiya nangni innapuutsik eii, halli nangni kanathat mi khan Pathian sik-ah chuon kitho eii tia a-ngaidon nasik aphakha aheiwajei.

2 Corinthia 5:8

Keini'n hiwa taksa innhi mathaanna Pumi le omsuom nasik innkha keini'n kinmanuom khetkha eii; khawasik khan keini kinratha karok eii.

Philippia 1:23

Tichu keihi lam inni karra sinasik-ah upka-inchaak-ah kaomjei. Halli Christa le omsuomnasik-ah kei'n hiwa ringkhuohi kamathaan zoottheijei, ajarchu hiwahi kheella katha chuonkha eii.

Philippia 2:17

Khale inruoiya kei kathisen ringkhuohi dooiphur phurpeii angnga nangni inngamnakha Pathian diang ningpeluut inchu, kei'n rokkata nangni ngaile karoknahi kamalarsik eii.

2 Timothy 1:8

Eini Nipumi jarra sakhi kapesik injak mui; halli Christa sik surra innada keisik um injak maru. Khawa neek-ah Chong Kathasik jarra ranak ngarna Pathian in inape angnga poongna suungkhan tum kha leiru.

2 Timothy 4:6

Keisik achu ka-inpesuok nasik phadan ahongnaijei; hiwa ringkhuo hi kamathaan nasik kei sik-ah apha anaijei.

Hebrew 12:23

Marwaanna inraming injia Pathian salutir ngai karok-ah inchunna khan ningheiwa ejei. Mi rakip chongkatan, halli mi katha ngai ratha puikamintung Pathian diang nangni ningheiwa ejei.

Chongmalar 1:2

Halli John in imu rakip ngaikha arilsuokjei. Hiwa hi-eii Pathian diangnga inphut chongpui khat-um Jisu Christa in imalarjei akadik ngaikha.

Chongmalar 1:9

Kei John ka-eii, nangni le suopui inchang, Christa nuk kajui ni-eii jarra ama rengram mi ka-eii nangni le kangaaklal omlekleiya poongraal kadaisuom inkhat kha ka-eii. Kei'n Pathian chong khat-um Jisu in akadik innamalarpi chongngai karil jarra Patmos inti tuiram khan kei innada.

Chongmalar 14:18

Hiwa thengli mei ka-ensin aleiilaak marwaan tirton inkhat maichaam inn makheiya iheisuok kha kei'n kaleimu. Ama'n kooiteii ka-ngei kachoi marwaan tirton diang rasa inringnga aleiti, “Nang kooiteii kha inliingnataro, halli nuoipil chungnga kaom theibomkuung makheiya theibomkara ngaikha rakhooltaro, ajarchu theibomkara ngaikha inminjei!””

Chongmalar 16:7

Halli kei'n maichaam inn makheiya rasa inkhat in ileiti kha kaleijet, “Karaatkhet Pumi Pathian! Nang chongtan ngaihi atuun khat-um adik!””

Chongmalar 19:10

Kei'n ama kekuungnga ka-inbok li ama diang chubei thosik kaleiti, takkha ama'n keidiang analeiti, “Khawa kha thomaro! kei-um nangle inruoiya Jisu'n ileimalarjei akadik ngaikha kamahuum khat-um ka-ngamnajei inmani ngai khale suok kha ni-esuom. Pathian kha chubei thoro!”” Ajarchu Jisu'n imalarjei akadik chong khan eii Pathian chongkachoi ngai ranak changna kha.

Chongmalar 2:13

Kei'n hunme ning-om tikha kajet, khawa khan Seitan in-ongna mun om. Nangni'n keidiang kadik-ah ningom, halli ngamna kaom kei sakhi ka-eii Antipas kha Seitan omna nangni khuopui khan inthatlai khannum nangni'n ngamna kha mathaan makchu.

Chongmalar 20:4

Hiwa thengli kei'n reng in-ongna mun ngaikha kaleimu, halli reng in-ongna mun ngaikhan in-ong inmani ngaidiang chongtan nasik-ah ranak leipeii. Halli Jisu ileimalar chongkadik khat-um Pathian chong inleiril jarra inleithat mi ngai ratha kha kei'n kaleimu. Inmani ngai'n ramsa khat-um ramsa ramil diang chubei leithomu, halli inmani ngai'n ramsa ramil kha inmachalla khat-um inkut-ah madanna bi leideengmu. Inmani ngai'n inhongringnga Christa le inruoiya reng inchangnga kum lisingkhat kha wai inleiroon. Innidan 7:9,22

Chongmalar 8:3

Soonna ah inbool berou haalna kheemkam kachoi leiilaak marwaan tirton inkhat heiwa ah maichaam inn khan ajuongir, amadiang berou katamtak kha Pathian mi ngai'n Pathian diang inni ngaikhale minchunli reng in-ongna mun ma-ah kaom soonna ah inbool Pathian maichaam inn khan juokapeii sik-ah aleiom. Amo 9:1; Suok 30:1,3

Chongmalar 9:13

Hiwa thengnga kuruk huuina marwaan tirton khan ama tampalooi kha aleitum. Khawa phakhan Pathian maikuungnga ngirra kaom soonna ah inbool maichaam inn rakil mili makheiya kaheisuok rasa inkhat kei'n kaleijet. Suok 30:1-3