Chongmalar 5:9 - Bible Inzootna Kathar

⁹ Inmani ngai'n laa kathar kha inleisak: “Larik kha kaleisik ah nang rahoi na-eii halli madanna ngaikha makoili kamalong sik-ah nang rahoi na-eii. Ajarchu nang kha innaleithat, halli nang thisen khan zaat rakip, chong rakip, phungli zaat rakip, halli manmasi miring rakip makheiya inphut Pathian sik-ah mi narachojei. Minpkla 33:3; 98:1; Isa 42:10

Chongmalar 5:9 ပူးပေါင်းရင်းမြစ်များ

Matthew 20:28

hile in-angrip ah Miring Sapa kha sepa inthosik ah akajuo kha emak, takkha sepa kathosik halli mi rakip ngai kasanring sik ah aringkhuo kape ijuo eii.””

Matthew 26:28

“Ajarchu khawa chong-inkhitna, manu rakip ngaidamnasik ah akasar kei kathisen kha eii. Suok 24:8; Jer 31:31-34

Chuontho 20:28

Ama thisen tak-ah inaracho Pathian koisuok ngaikha kawaisik; nangni chungnga khat-um keelngam rahooi rakip chungnga ka-ensuisik malung minluutru, ajarchu Ratha Inthiang in nangni kha aka-ensuisik anadajei.

1 Corinthia 6:20

nangni chu aman apeya inaracho kha ning ejei. Khawa jarra ningtaksa pumpuiya Pathian minpaakru.

1 Corinthia 7:23

Pathian kha'n nangni aman teella innaracho ning-ejei; mi ngaisuok hong-ekhaimaru.

Ephesia 1:7

Ajarchu Christa thisen khan eini inakatan kha eii khachu, eini manu ngaikha inara-ngaidam kha eii. Pathian riangwai kha angtuk akalokme, Col 1:14

Ephesia 5:19

Ningmalung pumpuiya inpaak, minpaak laa, khat-um ratha laa kha karok-ah Pumi diang sak inlang inkhatli inkhat inkookru.

Colossia 1:14

amadiang eini manu ngai ngaidamna, nakatanna kha nimu. Eph 1:7

Colossia 1:23

Ningjetjei Pathian chong-inthiang makheiya ngamna leiilaak thuulmaru, ngamna cheiru, kacheet-ah ngirru, marwaan nuoiya kaom miring rakipdiang inriljei, halli hiwa chongkahoi sik-ah Paul kei-um suok kha ka eii.

Titus 2:14

Akathamak rakip makheiya eini nakatan nasik halli ama mi khabit ka-eii khat-um akatha kathosik-ah kangaaklan inthiang mi ngai namin enasik-ah ama'n apum takkha eini sik-ah nanphalpi. Minpkla 130:8; Ezek 37:23; Innidan 14:2

Hebrew 11:14

Khawa leikaril mi ngaikhan inmani'n inta ka-esik ram inkhat kha in-entok eii ti inthiangnga inlar eii.

2 Peter 2:1

Khawalaiya mi ngai karra akadikmak pathian chongkachoi ngaikha inlei-inlar, halli hiwa hile in-ang rip-ah akatuunmak ocha ngai'n nangni karra inlahong inlarsik eii. Inmani'n kakatanpa Karu kha hongzootnunu, halli inmani'n mangnasik ka-eii katuunmak minchuna kha laheichoi inta, inmanitak chungnga jetlei theileiya mangna kha inlaheichoi sik eii.

1 John 1:7

Takkha eini'n warkhan niring inchu, ama'n warkhan i-om keengnga, eini inkhatli inkhat ni-inchun halli Asapa Jisu thisen khan manu rakip makheiya inphut anaminthiang.

1 John 2:2

Christa hi eii eini manu ngaidamna sik-ah nanphalpi kha, eini sikbit emak takkha manmasituol pumpui manu sik ah eii.

Chongmalar 10:11

Khawa phakhan keidiang analeiti, “Woikhat inlet-ah nang in Pathian chongpui kha zaat ngai, manmasi miring ngai, chongngai, khat-um rengngai jarra akatamtak nalarilsik eii.””

Chongmalar 11:9

Zaat rakip, phung rakip, chong rakip, halli miring rakip ngai'n inmani inni kaluong kha nithum le her in-ensik eii halli inmani kaluong kha thaanna reiisik um leizootpimu.

Chongmalar 13:7

Pathian mi ngai chungnga raal tholi matornasik ah ranak inleipeii, phung rakip, zaat rakip, chong rakip halli mi rakip chungnga wai roonnasik ranak inleipeii. Dan 7:21

Chongmalar 13:8

Manmasituol inbool makheiya inthatjei Keelngamteii ringna larik-ah araming injiamak mi ngai elekleiya, nuoipil chungnga kaom mi rakip in ramsa kha chubei inthosik eii. Minpkla 69:28

Chongmalar 14:6

Hiwa thengnga lairalak ah aleiilaak marwaan tirton inkhat insaangnga wuongnga i-om kha kei'n kaleimu, ama'n hektik kaboi chongkahoi kha nuoipil chungnga kaom miring rakip, phung rakip, chong rakip, khat-um zaat rakip diang rilsik ah achoi.

Chongmalar 15:3

halli inmani ngai'n Pathian suok ka-eii Moses laa khat-um Keelngamteii laa kha inleisak: “Karaatkhet Pumi Pathian, Nang chuontho ngaihi angtuk ah kalok khat-um enzoot kaomme! Zaat rakipngai Reng, Nang lam ngaihi angtuk katuun khat-um kadik me! Suok 15:1

Chongmalar 17:15

Marwaan tirton innum keidiang analeiti, “ Zool-inthai numeisanu in in-ongna nang in nimu tui ngaikha zaat ngai, mi ngai, manmasi miring ngai khat-um chong ngaikha in-eii.

Chongmalar 4:11

“Keini Pumi li Pathian! Lurna, khoya, khat-um thomatorna ranak ngaihi kachang sik-ah nang rahoi na-eii. Ajarchu ang rakip ngaihi nang kutbool kha eii, halli nang lungdou nuoiya ang rakip ngai'n injir le inruoiya inring.””

Chongmalar 5:12

halli rasa inringnga laa inleisak: “Inleithatjei Keelngamteii kha thomatorna ranak, neilenung, lungsing lungwar, ranak, khoya, lurna khat-um minpaakna kachangsik kha rahoi eii!””

Chongmalar 5:6

Khawa tisuoli kei'n akaring khouring mili khat-um upa ngai'n inkahiil reng in-ongna mun laicheiya Keelngamteii ngirra kaom inkhat kaleimu. Keelngamteii kha inleithat angnga kaleimu. Keelngamteii kha araki sari khat-um amit sari indou, khawa ngaikha manmasituol pumpuiya injuotir Pathian ratha sari ngaikha in-eii. Isa 53:7; Zech 4:10