Chongmalar 5:6 - Bible Inzootna Kathar

⁶ Khawa tisuoli kei'n akaring khouring mili khat-um upa ngai'n inkahiil reng in-ongna mun laicheiya Keelngamteii ngirra kaom inkhat kaleimu. Keelngamteii kha inleithat angnga kaleimu. Keelngamteii kha araki sari khat-um amit sari indou, khawa ngaikha manmasituol pumpuiya injuotir Pathian ratha sari ngaikha in-eii. Isa 53:7; Zech 4:10

Chongmalar 5:6 ပူးပေါင်းရင်းမြစ်များ

Luke 1:69

Asuok David phungrui makheiya, ama'n einisik ah akalian Nakatanpa Pumi anapejei.

John 1:29

Khawa ziingkhuo warra Jisu'n amadiang iheiwa kha John in aleimuwa, aleiti, “Enru, Pathian Keelngamteii, manmasituol pumpui manu karoonsuopa!

John 1:36

Ama'n Jisu ihongkha aleimuwa aleiti, “Enru, Pathian Keelngamteii!””

Chuontho 8:32

Ama ileiteel chong-inthiang munkha hi eii: “Keelngam inkhat thatsik inkei angnga amakha inkei, Keelngamteii in amul ka-ep ngai maikuungnga inraammak angnga. Ama chong inkhat-um leirilmak. Isa 53:7,8

Chongmalar 1:4

John diangnga inphut Asia ramsuungnga kaom koisuok sari ngaidiang: Tuun Pathian ka-eii, matiang um Pathian ka eii, khat-um akajuosik Pathian diangnga inphut, halli ama reng in-ongna ma-ah kaom ratha sari diangnga inphut, Suok 3:14; Chonglar 4:5

Chongmalar 12:11

Inmani'n ama chungnga raal inmator kha Keelngamteii thisen jarra khat-um akadik chongpui inril khan eii; halli inmani'n inringkhuo kapeii khat-um kathi sik-ah leichimu.

Chongmalar 13:8

Manmasituol inbool makheiya inthatjei Keelngamteii ringna larik-ah araming injiamak mi ngai elekleiya, nuoipil chungnga kaom mi rakip in ramsa kha chubei inthosik eii. Minpkla 69:28

Chongmalar 14:1

Hiwa thengnga kei'n kalei-en, khawa phakhan Keelngamteii khan Zion chingbungnga ngirra aleiom; ama le inruoiya kangir mi ngaikha ama raming khat-um Apa raming kha inmachalla injia, miring ngai teelramol khachu lakhkhat le lising soommili leimili (144,000) in-eii. Ezek 9:4; Chonglar 7:3

Chongmalar 17:14

Inmani ngai'n Keelngamteii chungnga raal inthosik eii; takkha Keelngamteii khan ikadang ngai, huoikajou khat-um ama nuk kajui ngaile inruoiya inmani chungnga raal kha inmatorsik eii, ajarchu ama hi Pumi rakip Pumi khat-um reng rakip Reng kha eii.””

Chongmalar 21:22

Khuopui khan kei'n Biak-inn mumong, ajarchu akaraatkhet Pumi Pathian li Keelngamteii khan Biak-inn kha in-eii.

Chongmalar 21:23

Khuopui khan kani emakli tha kha arei ommakjei, ajarchu Pathian lurna khan awarjei, halli Keelngamteii khan meiseer kha eii. Isa 60:19,20

Chongmalar 22:1

Marwaan tirton khan ringna tuidung, crystal angnga inthiang Pathian khat-um Keelngamteii in-ongna rengmun makheiya kajuoluong kha keidiang naleiminmu Ezek 47:1; Zech 14:8

Chongmalar 22:3

Pathian khomaak kamu iteii um khawa khuopui khan munuminjei. Pathian khat-um Keelngamteii in-ongna rengmun kha khawa khuopui khan omsik eii, halli ama suokngai in ama kha chubei inthosik eii. Zech 14:11

Chongmalar 4:8

Akaring khouring mili ngaikha inmurtha kuruk indouwiak, innuk inma inpum paraangnga imit indou halli suun zaan boiya laa insakkha minchatmu: “Inthiang, inthiang, inthiang, Karaatkhet Pumi Pathian kha eii, matiang um Pathian ka eii, tuun um Pathian ka-eii, khat-um akajuosik Pathian.”” Ezek 1:18; 10:12; Isa 6:2,3

Chongmalar 5:11

Woikhat inlet-ah kei'n kalei-ennook, khawa phakhan kei'n marwaan tirton lising lising rasa kha kaleijet! Inmani ngai'n reng in-ongna mun, akaring khouring mili khat-um upa ngai chungnga inleikahiil, Dan 7:10

Chongmalar 5:12

halli rasa inringnga laa inleisak: “Inleithatjei Keelngamteii kha thomatorna ranak, neilenung, lungsing lungwar, ranak, khoya, lurna khat-um minpaakna kachangsik kha rahoi eii!””

Chongmalar 5:13

Khawa phakhan marwaanna kaom, nuoipil chungnga kaom, nuoipil suungnga kaom, tuipuiya kaom khat-um manmasituolla kaom khouring rakip in laa insak kha kaleijet: “Reng in-ongna munna in-ong amadiang khat-um Keelngamteii diang, minpaakna, khoya, lurna khat-um raatna kha kumsoot erase!””

Chongmalar 5:14

Akaring khouring mili ngai'n inleimasang, “Amen!”” Halli upa ngai'n inbok-ah chubei inleitho.

Chongmalar 6:16

Inmani'n ching ngaidiang li lungpui ngaidiang inkheek-ah inleiti, “Keini chungnga juota inlang halli reng in-ongna munna in-ongpa mit-en khat-um Keelngamteii raangna makheiya inphut nathupro! Hos 10:8; Luk 23:30