Chongmalar 4:8 - Bible Inzootna Kathar

⁸ Akaring khouring mili ngaikha inmurtha kuruk indouwiak, innuk inma inpum paraangnga imit indou halli suun zaan boiya laa insakkha minchatmu: “Inthiang, inthiang, inthiang, Karaatkhet Pumi Pathian kha eii, matiang um Pathian ka eii, tuun um Pathian ka-eii, khat-um akajuosik Pathian.”” Ezek 1:18; 10:12; Isa 6:2,3

Chongmalar 4:8 ပူးပေါင်းရင်းမြစ်များ

Chuontho 20:31

khawasik bit-ah kumthum katung kei'n suunli zaan mitrathi sarra nangni rakip kinaminchu kha ngaidon inlang nangni kadei karaat eru.

2 Corinthia 6:18

Kei'n ningpa ka-esik eii, halli nangni'n kasanu, kasapa ngai ning-esik eii, Kamator khet Pumi khan ati.”” 2 Sam 7:14; 1 Khang 17:13; Isa 43:6; Jer 31:9

1 Thessalonia 2:9

Ulenai ngai, nangni'n keini angtho thoa chuon kintho halli poongna kindei kha inthiangnga leingaidon ningte! Keini'n Pathian Chong Kahoi kha nangnidiang kinrilpha nangni tu-inkhat um naminpoong maknasik ah suun li zaan chuon kinleitho.

1 Timothy 4:16

Napum khat-um naminchuna khan insingtheiro, hi ngai rakip hi thochak inlang omro, ajarchu hiwa natho inchu, nang nachong karangai ngaili nang napum takkha sanringnasik eii.

2 Timothy 4:2

Apha e-innum emak innum Pathian chongkha rilro, minjetro, ranro, halli malung masokpiro, halli deiraatna rakiple inruoiya minchuro.

Hebrew 13:8

Jisu Christa khachu miyanni, wini, halli apha rakip ah in-angrip.

Chongmalar 1:4

John diangnga inphut Asia ramsuungnga kaom koisuok sari ngaidiang: Tuun Pathian ka-eii, matiang um Pathian ka eii, khat-um akajuosik Pathian diangnga inphut, halli ama reng in-ongna ma-ah kaom ratha sari diangnga inphut, Suok 3:14; Chonglar 4:5

Chongmalar 1:8

“Kei Inphutna (Alpha) khat-um Insuona (Omega) kha ka-eii,”” Akaraatkhet Pumi Pathian in ati, “Tuun Pathian ka-eii, matiang um Pathian ka eii, khat-um akajuosik Pathian.”” Chonglar 22:13; Suok 3:14

Chongmalar 11:17

inleiti: “Akaraatkhet Pumi Pathian, tuun Pathian ka-eii halli matiang um Pathian ka-eii! Keini'n nang kinnaminpaak ajarchu nang in nata ka-eii ranak kha naleijei halli wai karoon naphutjei!

Chongmalar 14:11

Inmani karachaak meikakaang meikhu kha hektik omnuni, ramsa khat-um ama ramil chubei katho emakli ama raming kha jetnabi kadeeng inmani ngaisik suun zaan boiya poongmachum ti omnuni.”” Isa 34:10

Chongmalar 14:3

Miring lakhkhat le lising soommili leimili (144,000) ngai'n reng in-ongna mun, akaring khouring mili, khat-um upa ngai ma-ah inngirra laa kathar kha inleisak, laa kathar kha inmani bit-in inleijet. Inmani ngaihi nuoipil chungnga ikatan ngaibit kha in-eii.

Chongmalar 15:3

halli inmani ngai'n Pathian suok ka-eii Moses laa khat-um Keelngamteii laa kha inleisak: “Karaatkhet Pumi Pathian, Nang chuontho ngaihi angtuk ah kalok khat-um enzoot kaomme! Zaat rakipngai Reng, Nang lam ngaihi angtuk katuun khat-um kadik me! Suok 15:1

Chongmalar 15:7

Hiwa thengli akaring khouring ngai karra akaring khuoring inkhat in kumsoot akaring Pathian raangna soonna kheengkam sari kha marwaan tirton sari ngaidiang aleipeii.

Chongmalar 16:14

Inmani inthum kha inlak chuon ngai katho raikhuo ngai ratha ngaikha in-eii. Hiwa ratha kathamak inthum ngai'n Karaatkhet Pathian Nikhuo nikhan raal thonasik-ah manmasituol reng rakip ngai kakhoomchun sik-ah insuok ah inleisi.

Chongmalar 16:7

Halli kei'n maichaam inn makheiya rasa inkhat in ileiti kha kaleijet, “Karaatkhet Pumi Pathian! Nang chongtan ngaihi atuun khat-um adik!””

Chongmalar 19:15

Amurra inphut chempui ka-ngei aheisuok, khawa chempui khan ama'n phungli zaat ngaikha amatorsik eii. Ama'n phungli zaat chungnga thirramol choita wai aroonsik eii, halli Akaraatkhet Pathian raangna khan thota theibomju kha theibomtui soomna khan akeiiya atousik eii. Minpkla 2:9; Isa 63:3; Jo 3:13; Chonglar 14:20

Chongmalar 19:4

Upa soomni leimili khat-um akaring khouring mili ngaikhan reng in-ongna munna in-ong Pathian diangkhan inbok-ah chubei inthoa inleiti, “Amen! Pathian minpaakru!””

Chongmalar 21:22

Khuopui khan kei'n Biak-inn mumong, ajarchu akaraatkhet Pumi Pathian li Keelngamteii khan Biak-inn kha in-eii.

Chongmalar 3:7

Philadelphia koisuok karoon marwaan tirton diang majiaro: “Inthiang li akadik ama diangnga inphut chongpui kha hi-eii. David sousung kha amadiang om, ama'n kot akhar pha, tuteii innum malong theinunu, halli ama'n kot amalong pha, tuteii innum khartheinunu. Isa 22:22; Job 12:14

Chongmalar 4:4

Reng in-ongna mun kakahiil khan reng in-ongna mun soomni leimili um om, khawa mun ngaikhan upa soomni leimili in puondiar kabang khat-um soonna renglukhu inkhu-ah in-in-ong.

Chongmalar 4:6

Khale inruoiya reng in-ongna mun ma-ah crystal inthiang angnga inthiang meengsial tuipui ka-ang inkhat um om. Reng in-ongna mun kakahiil raki mili ngaikhan anuk ama khat-um inpum paraangnga inmit indou akaring khouring mili in inkahiilla inom. Ezek 1:22

Chongmalar 4:9

Akaring khouring mili ngai'n reng in-ongna munna in-ong kumsoot-ah akaring amadiang minlurna, khoya thona khat-um minpaakna laa insak rachamma,

Chongmalar 5:6

Khawa tisuoli kei'n akaring khouring mili khat-um upa ngai'n inkahiil reng in-ongna mun laicheiya Keelngamteii ngirra kaom inkhat kaleimu. Keelngamteii kha inleithat angnga kaleimu. Keelngamteii kha araki sari khat-um amit sari indou, khawa ngaikha manmasituol pumpuiya injuotir Pathian ratha sari ngaikha in-eii. Isa 53:7; Zech 4:10

Chongmalar 6:1

Keelngamteii in madanna sari ngai karra mansakhet madanna makoiya imalong kha kei'n kaleimu, halli akaring khuoring mili ngai karra akaring khouring inkhat in ruo inri rasa angnga inringnga “Heiwaro”” ijuoti kha kei'n kaleijet,

Chongmalar 6:6

Kei'n akaring khouring mili ngai rasa ka-ang inkhat inmani karra rasa inkhat kaleijet, rasa khan hin aleiti, “Gehu pouwa khat kha nisuokhat chuonthoman, halli satun pouwa inthum kha nisuokhat chuonthoman. Takkha olive kuungli theibombil khachu minmang maru!””

Chongmalar 7:11

Marwaan tirton rakip ngaikhan reng in-ongna mun, upa ngai, halli akaring khouring mili ngaikha inkahiilla inleingir. Inmani ngaikhan reng in-ongna mun ma-ah inlu inkuunna Pathian kha chubei intho-ah

Chongmalar 7:15

Khawa jarra eii inmani ngai'n Pathian in-ongna mun ma-ah inngirra ama biak-inn hin suun zaan boiya ama sepa inthohi. Reng in-ongna munna in-ong ama'n inmani ngaihi inruoipui chakta asansik eii.