Chongmalar 3:7 - Bible Inzootna Kathar

⁷ Philadelphia koisuok karoon marwaan tirton diang majiaro: “Inthiang li akadik ama diangnga inphut chongpui kha hi-eii. David sousung kha amadiang om, ama'n kot akhar pha, tuteii innum malong theinunu, halli ama'n kot amalong pha, tuteii innum khartheinunu. Isa 22:22; Job 12:14

Chongmalar 3:7 ပူးပေါင်းရင်းမြစ်များ

Matthew 16:19

Kei'n nangdiang marwaan Rengram sou kha kanapesik eii; nang in nuoipil chungnga nikhit kha marwaan khannum inkhitsik eii, halli nuoipil chungnga nimasuo kha marwaan khannum insuosik eii.”” Matt 18:18; Jn 20:23

Matthew 24:35

Marwaan li nuoipil chu lamangsik eii, takkha kei kachong ngaichu angtikniteii mangnuni.

Mark 1:24

“Angme keini diangnga nimanuom, Nazareth Jisu? Keini kanaminmangsik hin nijuobe? Kei'n nang kanajet, nangchu inthiang Pathian tirton kha na-eii!””

Luke 1:32

Ama kha kalian e-sik eii, halli insaangkhet Pathian sapa tia inkoisik eii, khat um Pumi Pathian in amadiang apa David reng in-ong nakha apesik eii. 2 Sam 7:12,13,16; Isa 9:7

Luke 4:34

“E! Nazareth Jisu, Angme keinidiang makheiya nimanuom? keini rakip kanamingmang sik-ah nijuobe? kei'n tu na-eme tihi kanajet, Pathian diang makheiya inthiangkha na eii!””

John 14:6

Jisu'n amadiang aleimasang, “Kei lam kha ka-eii, akadik kha ka-eii, khat-um ringna kha ka-eii; kei diangnga inphut elekleiya tuteii miring innum Kapa diang tungnunu.

Chuontho 3:14

Takkha nangni inchu mi inthiang khat-um mi katuun ama kha zootmakchu, mi kathat ama kha nangnisik ah Pilate diang masuonasik ningnijei, Matt 27:15-23; Mk 15:6-14; Luk 23:13-23; Jn 19:12-15

1 John 5:20

Akadik Pathian kha nijet nasik-ah Pathian Sapa khan ajuoa einidiang jetmatorna anapeii tihi nijet. Akadik Pathian khale eini'n niomsuom, Asapa Jisu Christa le eini'n niomsuom. Ama hi-eii akadik Pathian khat-um ama hi-eii hektik kaboi ringna.

Chongmalar 1:11

Hin ati, “Nimu ngaikha nang majiaro, halli nimajia larik kha koisuok sari ngaidiang minchoiro: Ephesus, Smyrna, Pergamum, Thyatira, Sardis, Philadelphia, khat-um Laodicea.””

Chongmalar 1:18

Kei akaring chak ka-eii! Kei kaleithi, takkha tuunchu kei kumsoot sik-ah karing kha ka-ejei. Kei'n akathi khat-um kathiram chungnga wai roonna ranak kanei.

Chongmalar 1:5

khat-um ngamna kaom sakhi ka-eii, akathi karra akaring masa, manmasituol reng rakip chungnga wai roonna kaom Jisu Christa diangnga inphut riangwai li kadai kha nangni chungnga omrase. Ama'n eini anaminriang, halli ama thisen khan manu ah inphut eini kha anakatan, Isa 55:4; Minpkla 89:27

Chongmalar 15:3

halli inmani ngai'n Pathian suok ka-eii Moses laa khat-um Keelngamteii laa kha inleisak: “Karaatkhet Pumi Pathian, Nang chuontho ngaihi angtuk ah kalok khat-um enzoot kaomme! Zaat rakipngai Reng, Nang lam ngaihi angtuk katuun khat-um kadik me! Suok 15:1

Chongmalar 16:7

Halli kei'n maichaam inn makheiya rasa inkhat in ileiti kha kaleijet, “Karaatkhet Pumi Pathian! Nang chongtan ngaihi atuun khat-um adik!””

Chongmalar 19:11

Hiwa thengli marwaan inlong kha kei'n kaleimu, khawa khan sakor kabang inkhat aleiom, sakor kaseppa raming kha Ngamna kaom khat-um Akadik inti; akatuun khan ama'n chong itanle inruoiya ama'n raal atho. Ezek 1:1; Minpkla 96:13; Isa 11:4

Chongmalar 19:2

Akadik li akatuun hi ama chongtan kha eii! anunchan kathamak khan nuoipilchung kaminchok zool-inthai numeisanu kha Pathian in chong atanjei. Pathian in numeisanu kha arachaakjei ajarchu numeisanu khan ama suok ngaikha aleithat.”” Innidan 32:43; 2 Reng 9:7

Chongmalar 2:1

Ephesus koisuok karoon marwaan tirton diang majiaro: “Akut changtiang arsi sari kamahuum khat-um soonna meiserkeii sari ngai karra si hongnga kaom ama diangnga inphut chongpui kha hi-eii.

Chongmalar 21:5

Halli reng in-ongna munna in-ong ama khan aleiti, “Tuunchu kei'n phur rakip ngaihi kabool mintharjei!”” Halli keidiang um ama'n analeiti, “Hiwahi majiaro, ajarchu hiwa chongngaihi akadik khat-um ngamna kaom kha in-eii.””

Chongmalar 3:14

Laodicea koisuok karoon marwaan tirton diang majiaro: “Ngamna li Akadik sakhi ka-eii Pathian kutbool rakip chungnga wai karoon Amen diangnga inphut chongpui kha hi-eii.”” Chongil 8:22

Chongmalar 4:8

Akaring khouring mili ngaikha inmurtha kuruk indouwiak, innuk inma inpum paraangnga imit indou halli suun zaan boiya laa insakkha minchatmu: “Inthiang, inthiang, inthiang, Karaatkhet Pumi Pathian kha eii, matiang um Pathian ka eii, tuun um Pathian ka-eii, khat-um akajuosik Pathian.”” Ezek 1:18; 10:12; Isa 6:2,3

Chongmalar 5:9

Inmani ngai'n laa kathar kha inleisak: “Larik kha kaleisik ah nang rahoi na-eii halli madanna ngaikha makoili kamalong sik-ah nang rahoi na-eii. Ajarchu nang kha innaleithat, halli nang thisen khan zaat rakip, chong rakip, phungli zaat rakip, halli manmasi miring rakip makheiya inphut Pathian sik-ah mi narachojei. Minpkla 33:3; 98:1; Isa 42:10

Chongmalar 6:10

Inmani'n rasa inringnga inleikheek, “Akaraatkhet Pumi, inthiang khat-um akadik! Nang in nuoipil chungnga kaom mi ngaikha chong natannasik halli keini kanathat ngai narachaak nasik kha angtuk alasootme?””