Chongmalar 3:4 - Bible Inzootna Kathar

⁴ Takkha Sardis ah kaom nangni lekkhatchu ningpuon ningdiar ngaikha minchok makchu. Nangni ngaikha kei le puon kabang thoningta ningsi suomsik eii, ajarchu khawa sik-ah rahooi ningsuok.

Chongmalar 3:4 ပူးပေါင်းရင်းမြစ်များ

Matthew 10:11

“Nangni'n khuopui emakli khuo inkhat ningluut ah ningheiwa pha, tuka-ang inkhat in nangni karok ah kanadon ngai entokru, halli khawa munkha ningmathaan maklaiseng amale omsuomru.

Mark 16:5

Ajarchu (kaloktak lung alei eii) inmani'n thaankha inleiluut, khawakhan inchuol puonkabang inluk khangdoong inkhat changtiang in-ongnga kaomkha inleimu, halli inmani'n inleingak khat-um inleichi.””

Luke 20:35

Takkha kahongsik khang khat-um kathiya inphut ringna kamusik rahoi ejei tia inlei mi ngai khachu inn neinunu khat-um inn kanei ti omnunijei.

Luke 21:36

Ajuo kasuoksik poongna rakip ah inkhitmak khat-um Miring sapa kekuungnga nangni'n ningngir matornasik apha rakip ah kadei karaat e-inlang nichakru.””

Chuontho 1:15

Halli nikhuo lekkhat thengsuoli ka-ngamna mi ngai inraja ah rajakhatle soomni daam inlei-intuup ah, chongkarilsik Peter aleingir.

2 Thessalonia 1:5

Hiwa rakip ngai'n Pathian chongtan khachu adik tia amalar, nangni'n ningpoong khan ajar-eya Pathian rengram sik-ah nangni rahoi ning-eii.

Jude 1:23

meikhur makheiya mi ngaikha kasut inlang sanru, kachile inruoiya mi leiilaak ngaidiang minriang chuonkha thoru, takkha taksa imanuom manu innootjei inret inruo ngai khachu matirru.

Chongmalar 1:11

Hin ati, “Nimu ngaikha nang majiaro, halli nimajia larik kha koisuok sari ngaidiang minchoiro: Ephesus, Smyrna, Pergamum, Thyatira, Sardis, Philadelphia, khat-um Laodicea.””

Chongmalar 11:13

Khawapha takkhan rinook kangar inkhat aleisuok; halli khuopui kha semsoomma semkhat chu aleiminmang, halli miring lising sari aleithat. Kathimak mi ngaikhan kachi khat-um inlaile inruoiya marwaan Pathian kha inleiminpaak. Chonglar 6:12; 16:18

Chongmalar 14:4

Hiwa mi ngaihi numeisa le pum la-inchunmak inthiangnga kaom ngaikha in-eii; inmani ngaihi pum inthiang pasal ngaikha in-eii. Inmani ngai'n Keelngamteii sinarei injui. Manmasi rakip karra ikatan ngaikha in-eii halli Pathian khat-um Keelngamteii diang inpe masa ngaikha in-eii.

Chongmalar 19:14

Marwaan raalmi ngai'n sakor kabang ngai inchuongnga khat-um inthiang linen puondiar kabang inluk-ah ama nukkha inleijui.

Chongmalar 19:8

Moinu diangkhan inthiang linen puondiar kha inluk sik-ah inpejei.”” (Linen puon ichoi jetna khachu Pathian mi ngai chuontho katha tina eii.)

Chongmalar 3:18

Kei'n nangni diang nati kate, nangni ning-inchong nasik, kei kadiang makheiya soonna inthiang kha rachoru. Jakpui karuoi ningpum kha-um makhunasik puondiar kabang kha-um rachoru. Ningmit ningkanootli nangni'n ningmu nasik-ah sariak kha-um rachoru.

Chongmalar 3:5

Raal kamator ngaikha inmani itho angnga puondiar kabang inthosik eii, halli kei'n inmani raming ngaikha ringna larik makheiya khainuning. Kapa khat-um ama marwaan tirton ngai maikuungnga kei'n inmani ngaihi kei kami in-eii tikata kamalarsik eii.”” Suok 32:32,33; Minpkla 69:28; Chonglar 20:12; Matt 10:32; Luk 12:8

Chongmalar 4:4

Reng in-ongna mun kakahiil khan reng in-ongna mun soomni leimili um om, khawa mun ngaikhan upa soomni leimili in puondiar kabang khat-um soonna renglukhu inkhu-ah in-in-ong.

Chongmalar 6:11

Inmani rakip ngaikha akabang puondiar inchuol inleipeii, halli apha lekkhat aleiilaak suokngai khat-um Pathian kangamna ngai rakip kha nangni innathat angnga inthatsik kasuok kha inthatsuo katung kha ngaakdiru inleitipi.

Chongmalar 7:9

Hiwa thengnga kei'n kalei-en, khawa phakhan kei'n tuteii innum inteel matormaksik mipui katamtak kha kama-ah kaleimu! Inmani ngaikha manmasi, phung, zaat khat-um chong rakip makheiya mi ngaikha in-eii, Inmani ngaikha reng in-ongna mun li Keelngamteii ma-ah inchuol puondiar kabang inluk-ah khat-um inkut-ah kanou buo inchoiya inleingir.