Chongmalar 2:23 - Bible Inzootna Kathar

²³ Ama nukkajui mi ngaikha kathatsik eii, halli koisuok rakip ngai'n kei hi mi rakip malung khat-um inmanuom kajet wiakpa kha ka-eii tihi injetsik eii. Nangni itho itho dungjuiya kei'n ningthoman kanamaleiisik eii.”” Minpkla 7:9; Jer 17:10; Minpkla 62:12

Chongmalar 2:23 ပူးပေါင်းရင်းမြစ်များ

Matthew 16:27

Ajarchu Miring Sapa in Apa lurna lianna khan ama marwaan tirton ngaile inruoiya ajuosik eii, halli khawa phakhan ama'n mi rakip ama chuonleitho dungjuiya atum apesik eii. Matt 25:31; Minpkla 62:12; Rom 2:6

Luke 16:15

Halli ama'n inmani diang aleiti, “Nangni ngaihi miring ngai mit-en sik ah katha inleem ning eii, takkha Pathian in ningmalung ngaikha ajet, tichu miring ngai'n inminlur kha Pathian diangchu kathamak khet eii.””

John 21:17

Jisu'n woithum huuina amadiang aleiti, “John sapa Simon, Kei nanaminriangbo?”” Jisu'n woithum “Kei nanaminriangbo?”” tia aleirakel jarra Peter in amalungnga aleipoong. Simon in amadiang aleiti, “Pumi, nang in angrakip najet; kei'n nang kanaminriang tihi nang in najet.”” Jisu'n amadiang aleiti, “Kei keelngam ngai wairo.

John 4:16

Jisu'n numeisanu diang aleiti, “Si inlang naruothar juokoiro, halli heikirnook ro.””

Chuontho 1:24

Halli inmani'n Pathian inniya, mirakip malung kajetpi, nang in nikadang inni ngai karra inkhat kha keinidiang namalarpiro, “Kinpumi,

Rome 14:12

Khale inruoiya eini rakip in ama ama chuontho kha Pathian diang nilapesik eii.

Rome 8:27

Khat-um Pathian inchu eini rakip malungnga ana-en, khawa jarra nimalung suungnga Ratha i-ngaidon rakip-um ajet, ajarchu Pathian lungdou nuoiya Ratha'n mi rakip rathuulla Pathian diang ananipi.

2 Corinthia 5:10

Ajarchu eini taksa ringkhuo suungnga eini rakip in nileitho rakip dungjuiya, akatha e-innum, kathamak e-innum, eini rakip in nimusik rahoikasuok kha nimunasik, eini niraja-ah ama'n chong tannasik Christa maikuungnga nila-inlar wiaksik eii. Rom 14:10

Galatia 6:5

Ajarchu nangni rakip in ningphurrik kha ning-inroonsik eii.

Hebrew 4:13

Pathian diangnga inthup matorsik iteii ommak; ibool rakip ama maikuungnga inlar khat-um inlongnga kaom eii. Halli amadiang eini rakip nipumtak-ah nitho chuon jarkha nilape ngersik eii.

1 Peter 1:17

Khat-um mirakip kha thenkhoi lekleiya chongkatan ama kha nangni'n Pa tia ningkoi, khawa e-inchu hiwa manmasituol hinnum khuol-injil ang inlang Pathian kachiya ringru.

Chongmalar 2:11

Nangni ningkuor indou inchu, Ratha khan koisuok ngaidiang iti ngaikha rangairu! “Raal kamator inmani ngaikha woini huuina kathi khan katook nuni.”” Chonglar 20:14; 21:8

Chongmalar 2:7

“Nangni ningkuor indou inchu, Ratha khan koisuok ngaidiang iti ngaikha rangairu.”” “Raal kamator ngaidiang Pathian Rahuonna kamoong ringna thingkuung makheiya akara baksik-ah kei'n kapesik eii.”” Inphut 2:9; Chonglar 22:2; Ezek 28:13; 31:8

Chongmalar 20:12

Halli aleikathi ngaikha kalok kasiin thellekleiya reng in-ongna mun ma-ah inngirra inleiom kha kei'n kaleimu. Larik ngaikha inleimalong, halli larik inkhat ringna larik kha-um inleimalong. Aleikathi ngaikha larik ngaikhan lei-injia inmani chuonleitho dungjuiya chong inleitan. Dan 7:9,10

Chongmalar 20:13

Tuipui khan tuipuiya aleikathi ngaikha ahongpesuok, akathi khat-um kathiram innum inmani diangnga kaom akathi ngaikha inhongpesuok, halli inmani rakip ngai'n inleitho inchuon dungjuiya chongtanna inleinei.

Chongmalar 22:12

“Enru!”” Jisu'n ati. “Kei innot theiya kajuosik eii! Kei'n chuon thoman choikata kajuosik eii, halli mi rakip diang inchuontho dungjuiya kapesik eii. Isa 40:10; 62:11; Minpkla 28:4; Isa 40:10; Jer 17:10

Chongmalar 6:8

Kei'n kalei-en phakhan, ajia kasuomak sakor inkhat aleiom. Sakor kaseppa raming kha Kathi inti, halli Kathikhuo in ama nukkha aheijui. Inmani ngaidiang khan nuoipilchung semmili ah semkhat chungnga, chemma, bu kawaang li rirai minsuoknasik halli ramsa ngai inliingnali mi ngai thatnasik ranak kha inleipeii. Ezek 14:21