Chongmalar 12:4 - Bible Inzootna Kathar

⁴ Aramei kalek-ah lairalak ah kaom arsi semthumma semkhat ngaikha nuoipil chungnga juozeemthaak. Numeisanu khan nai neili neimak ijuonei nai kha eisik tia saraikhuo khan numeisanu ma-ah ngirra aleiom. Dan 8:10

Chongmalar 12:4 ပူးပေါင်းရင်းမြစ်များ

John 8:44

Nangnichu ningpa Seitan makheiya ning eii, khat-um ningpa imanuom kha nangni-um ningthozoot. Inphutna makheiya ama chu mi kathat eii khat-um akadik khan supngir ngirmak, ajarchu amadiang akadik kha ommak. Ma'n maleisei aril kaalkhan, a-ngaiya ama diangnga kaomkha iril eii, ajarchu maleiseipa eii khat-um maleisei rakipngai pa eii.

1 Peter 5:8

Inringchakru, insingtheiru! nangni kana-inhalpui Seitan kha sabakkai inraam angnga aloonna om, halli miring inkhat einasik-ah a-enna aom.

Chongmalar 12:7

Hiwa thengnga marwaanna raal aleisuok, Michael khat-um ama marwaan tirton ngai'n saraikhuo chungnga raal inleitho, halli saraikhuo khat-um ama marwaan tirton ngai innum raal kha inleidei; Dan 10:13; 12:1; Jud 9

Chongmalar 12:9

Saraikhuo inthang kha injuodeengjuon, tiallaiya maruul kha eii araming kha Seitan inti, manmasituol pumpui diang maleisei katho. Ama khat-um ama marwaan tirton ngaikha nuoipil chungnga injuodeengjuon. Inphut 3:1; Luk 10:18

Chongmalar 13:2

Ramsa kha huumpui samang ang, akeii kha sawom keii ang halli abai kha sabakkai bai ang. Saraikhuo kha ramsa diang ama ranak, ama reng in-ongna mun, khat-um ranak katamtak aleipeii. Dan 7:4-6

Chongmalar 13:4

Mi rakip in saraikhuo diang chubei inleitho ajarchu saraikhuo khan ramsa diang ama ranak kha aleipeii. Mi rakip in ramsa kha-um chubei inthoa inleiti, “Tume ramsa le in-ang? Tume ama chungnga raal katho matorsik?””

Chongmalar 16:13

Hiwa thengnga uichok ka-ang ratha kathamak inthum kei'n kaleimu. Ratha kathamak inthum ngaikha saraikhuo, ramsa khat-um kadikmak Pathian chongkachoipa mur makheiya inhongsuok eii.

Chongmalar 17:18

“Nang in nimu numeisanu kha nuoipil chung reng ngai chungnga waikaroon khuopui inthang kha eii.””

Chongmalar 20:2

Ama'n saraikhuo kha aleisur, khachu tiallaiya maruul—khachu Seitan kha eii—halli Seitan kha thirruiya kum lisingkhat sik-ah akhit-ah aleida. Inphut 3:1

Chongmalar 8:10

Inthum huuina marwaan tirton khan ama tampalooi kha aleitum. Khawa phakhan meiser kakai ka-ang arsi inthang inkhat kha tuidung ngai semthumma semkhat halli tuiring ngai semthumma semkhat chungnga lairalak makheiya inphut ajuota. Isa 14:12

Chongmalar 8:11

(Arsi raming kha “Kakha”” inti.) Tui ngaikha semthumma semkhat kha akhajei, halli khawa tui ka-in miring katamtak kha inthijei, ajarchu tui kha akakha uoljei. Jer 9:15

Chongmalar 8:12

Mili huuina marwaan tirton khan ama tampalooi kha aleitum. Khawa phakhan kani kha semthumma semkhat koijei, tha kha semthumma semkhat koijei, halli arsi ngaikha semthumma semkhat inkoijei, halli semthumma semkhat kawarsik inra-aang kha mangjei, khawa jarra suunna semthumma semkhat kawarsik kha warmakjei halli zaanna semthumma semkhat kawarsik kha-um warmakjei. Isa 13:10; Ezek 32:7

Chongmalar 8:7

Mansakhet marwaan tirton khan ama tampalooi kha aleitum. Khawa phakhan macheek li meilom kha thisen le inchunna nuoipil chungnga inleita. Nuoipilchung kha semthumma semkhat, han thingkuung ngaikha semthumma semkhat kha aleikaang halli akadum leihar rakip ngaikha aleikaangjei. Suok 9:23-25; Ezek 38:22

Chongmalar 8:8

Halli inni huuina marwaan tirton khan ama tampalooi kha aleitum. Meilom chingpui ka-ang inkhat tuipuiya juodeengluut. Tuipui kha semthumma semkhat kha thisen alei-uol,

Chongmalar 8:9

tuipuiya kaom khouring ngaikha semthumma semkhat kha inleithi, halli tuipuiya kaom rakuong ngaikha semthumma semkhat kha aleiminmangjei.

Chongmalar 9:10

Inmani ngaikha inramei indou halli ailuweet angnga innabel, inramei khan eii inmani'n mi ngaikha tha ra-nga rachaaknasik ranak innei kha.

Chongmalar 9:19

Sakor ngai'n ranak kha inmur khat-um inramei khan innei. Inramei ngaikha maruul lu ka-ang indou, halli inramei khan mi ngai inkatook-ah inrachaak.