2 Timothy 3:16 - Bible Inzootna Kathar

¹⁶ Ajarchu Chong inthiang rakip hi Pathian phuuksaan khanna eii, akatuun kha minchunasik, akamasial kha rakooknasik, akatuunmak kha mintuunnasik, halli akadik ringkhuo minchuna jarra nemna kaom kha eii.

2 Timothy 3:16 ပူးပေါင်းရင်းမြစ်များ

Matthew 13:52

Halli khan ama'n aleimasang, “Hiwa tinachu, marwaan Rengramma siamruoi ka eii Sinadan ocha rakip ngai'n ama neinaak bukna makheiya inphut phur kathar li maruo heikakeisuo inn-pupa khale in-ang.””

Matthew 21:42

Jisu'n inmani diang ati, “Chong inthiang in angme itikha nangni'n lateel ngai makchube? “‘Inn kasak ngai'n inhiai lungkha akil kasur lungkha ahong-inchang. Hiwahi Pumi itho eii; eini mit-en nachu inlakchuon eii!’’ ”” Minpkla 118:22,23

Matthew 22:43

“Jisu'n inmani diang ati, kha e-inle, David in Ratha ah amadiang angtho-thoa “‘Pumi’’ tia ikoime? David in ati,

Matthew 26:54

Kha katho inchu, angtho thoa Chong inthiang kha hintia asuoksik eii itikha huui tungniame?””

Matthew 26:56

Takkha hiwarakip ngaihi Pathian chongkachoi ngai imajia chong kha tungnasik ah kasuok eii.”” Khawa phakhan siamruoi ngai'n ama inmathaanna intaanjei.

Mark 12:24

Jisu'n inmani diang aleimasang, “angtuk nangni ningdik makme, angjarrame ningjetbo? ajarchu nangni'n Pathian chong inthiang emakli Pathian ranakkha jetmakchuwa eii.

Mark 12:36

Ratha Inthiang in David mursuo tak-ah aminti: “‘Pumi khan kei Pumi diang aleiti, Kei'n nang inhalpui ngaikha nakeii nuoiya kadamak laiseng. Kei kachangtiang hin in-ongro.’’ Minpkla 110:1

John 10:35

Pathian chong kajuotungjei inmani ngaidiang Pathian in pathian ngai tia akoi-inle (Pathian chong inthiang kha mangtheinuni),

John 3:20

Chuon kadikmak katho ngai'n war kha inleimatir, ajarchu inmani kadikmak chuonkha inlarte intia wardiang heiwamu.

Chuontho 1:16

“E ka-u ka-nai ngai,”” Jisu kasur inmani lamkakei Judas jarra David mursuoa Ratha Inthiang in matiang ileiminril “Pathian chongkha hongkatung sik-eii.

Chuontho 18:25

Ama'n John baptize thona bit ajet innum, Pumi Lamtiang kathatak ah inchuna kanei, malung kaluuttak le inruoiya Jisu jarra kasuok inthiangnga karil khat-um kaminchu inkhat eii.

Chuontho 20:20

Pathian diang malungthuulna khat-um eini Pumi Jisu Christa diang kangamna Jihudi ngaidiang um Greek ngaidiang um sakhi kapeya, nangni inna khat-um mipui karra karilla kanaminchuna khan, nangni nemnasik iteii kithen ommakti nangni'n ningjet.

Chuontho 20:27

Ajarchu Pathian lungdou rakip nangnidiang kei'n rilleiya kida ommakjei.

Chuontho 28:25

Khawa jarra inmani inkhatli inkhat inzootmu-ah in-inthenjei. In-inthen maklai Paul in inmani diang chongkhat aleiril, “Ratha Inthiang in Pathian chongkachoipa Isaiah inliingna-ah eini nipi-nipu ngaidiang ileiminril kha-eii.

Rome 15:4

Ajarchu angrakip chong inthiangnga ilei injiakha eini rakip ngai'n inchunasik-ah injia eii. Khawa jarra chong inthiangnga innaleipeii kadei karaat khat-um kamasok kha'n, eini rakip ngaidiang inngam nakha hong omte.

Rome 2:20

halli kamo ngaidiang kaminchu, kajetmak ngai sik-ah karu, ajarchu ningni'n Dan kha singna theina khat-um kadik rakip sip-ah aom tia ning jet.

Rome 3:2

Angrakip-ah inliakdoomma, mansakhet-ah Jihudi ngaidiang Pathian in chong karil sik-ah apeii.

Rome 4:23

“Amahi Pathian in kadik mi eii tia ilei chonghi”” atheinuo sik-ah ileimajia emak.

1 Corinthia 12:7

Mi rakip thanasik Ratha khan mirakip diang inlar.

Galatia 3:8

Pathian in zaatlop ngaikha inngamna jarra, amale inruoiya inngeiya nadasik hi, Chong Inthiangnga aleirilsa ejei. Khawa jarra Chong Inthiang in Chongkatha kha Abraham diang aleirilla: “Nang diangnga inphut Pathian in mi rakip rawaan apesik eii,”” aleiti. Inphut 12:3

2 Timothy 2:25

Ni-inhalpui ngaikha malung kadaiya namintuunsik eii, ajarchu Pathian in inmani diang malung thuulnasik aphakacha apesik eii halli akatuun kha inhongjetsik eii.

2 Timothy 4:2

Apha e-innum emak innum Pathian chongkha rilro, minjetro, ranro, halli malung masokpiro, halli deiraatna rakiple inruoiya minchuro.

Hebrew 11:1

Eini'n ningaidon ka-etak sik nimu matormak phurkha ngamna kha eii.

Hebrew 3:7

Ajarchu, Ratha Inthiang in iril angnga, “Awini nangni'n Pathian rasa ningjet inchu,

Hebrew 4:12

Ajarchu Pathian chong kha akaringchak le chuon kathochak, chemriam inni indou neek-ah kangei, ratha li malung inchunna, ru le ruthing injomna katung inthuuk ah ka-aat mator. Halli malung ngaidonna le manuomna ngaikha akathenkhoi mator kha eii.