2 Timothy 3:13 - Bible Inzootna Kathar

¹³ halli mi kathamak ngaile katha omchan katho ngaikhan inmani maleisei intho inta halli mileiilak ngai kha-um maleisei inminthosik eii, akase in ena-ah inphut kheella kase in esik eii.

2 Timothy 3:13 ပူးပေါင်းရင်းမြစ်များ

2 Corinthia 6:8

Keini kayana innanei khat-um kaya makna innanei; keini innaminjak halli innaminpaak. Keini maleisei karil angnga innalei, kha-ennum keini akatuun kha kinril;

1 Timothy 4:1

Tichu Ratha'n inthiangnga ati, khawa khachu mi lekkhat in akalahong sik pha ah ngamnahi inlamathaan sik eii, halli inmani'n maleisei ratha ngai halli raikhuo ngai minchuna kha inlajuisik eii.

2 Timothy 3:8

Jannes le Jambres in Moses diang inzoot makthei angnga, malung kaziingjei khat-um ngamna jarra kasuoljei hiwa mi ngai innum akadik kha zootmu, Suok 7:11

Titus 3:3

Apha inkhat-ah eini ngaihi akamo, chongkajuimak, akadikmak halli taksa hoina li taksa imanuom rakip ngai suok nilei eii. Eini akathamak khat-um kara-ot nilei eii; leiilaak mi ngai'n eini naleimatir halli eini'n inmani nileimatir.

2 Peter 2:20

Inmani Nipumi khat-um Nakasanpa Jisu Christa jetna-theina jarra, nuoipilchung kathamak ranak ah inphut aheikasuokjei mi ngaikha woikhat inlet-ah asurli inmani amator inchu, inphutna omchan kathamak kha neek-ah ajuohekna ah hiwa mi ngai omchan hi kase detkha esik eii.

2 Peter 3:3

Mansakhet-ah, nangni'n hiwa hi jetru, khawa khachu nuk-intong nikhuoni ngaikhan inmani inpumtak taksa-manuom khan inringkhuo kamintor mi lekkhat ngaikha hong-inlar inta, inmani'n nangnikha inna-innuipuisik eii Jud 18

Chongmalar 12:9

Saraikhuo inthang kha injuodeengjuon, tiallaiya maruul kha eii araming kha Seitan inti, manmasituol pumpui diang maleisei katho. Ama khat-um ama marwaan tirton ngaikha nuoipil chungnga injuodeengjuon. Inphut 3:1; Luk 10:18

Chongmalar 13:14

Ramsa mansapa maikuungnga itho inlak chuon ngaikhan nuoipil chungnga kaom mi rakip ngaikha lamleiitiang aleiruoi. Chempuiya intookli kalaringtit ramsa kha khoya thonasik-ah mi ngaidiang khan ramsa ramil kha boolru tia chong aleipeii.

Chongmalar 18:23

Meiser meiwar kha woikhat inlet-ah nangdiang munuminjei; moipa li moinu rasa ngai-um woikhat inlet-ah nangdiang makheiya jetnuminjei. Nang phurngai kajuor mi ngai khan manmasituolla inraming kasikhet inlei-eii, halli akadikmak nang mitmalet dooi-ai khan manmasituol miring rakip ngaikha maleisei natho!”” Jer 7:34; 25:10