2 Timothy 1:13 - Bible Inzootna Kathar

¹³ Christa Jisu le inruoiya eini ni-inchunna ka-e inngamna khat-um inriangna khan om chak-ah juinasik, nang sik-ah minkhina kei'n kinaminchu akatuun chong ngaikha kacheet ah mahuumro.

2 Timothy 1:13 ပူးပေါင်းရင်းမြစ်များ

Rome 2:20

halli kamo ngaidiang kaminchu, kajetmak ngai sik-ah karu, ajarchu ningni'n Dan kha singna theina khat-um kadik rakip sip-ah aom tia ning jet.

Rome 6:17

Pathian kha minpaak om, tichu aphakhat ningni'n manu suok ninglei eii, takkha atuunchu nangnidiang kadik minchunna rakip kha ningmalung suungnga ningkeiluut jei.

Philippia 1:27

Nangni diang arei kaom inkhatchu nangni ringkhuo omchan rakipkha Christa chongkahoi dungjuiya erase, kei'n nangni kanapha kaheiwa innum kaheiwa matormak innum, nangni ngai rakip in ratha khatbit ah kacheet ah ningngirra ningom, khat-um ngamna chongkahoi khan malung khatbit-ah ningdeisuomma ning om tihi kei'n kajet sik eii.

Philippia 4:9

Kei kachongngai khat-um kachuontho ah ning inchuli ning imu ngaikha chuontak-ah thoru. Halli einidiang kadai kanape Pathian in ana-inruoipuisik eii.

Colossia 1:4

Ajarchu Christa Jisu diang ningngamna khat-um Pathian ka-ngamna miring rakip diang ningminriang kha keini'n kinjet.

1 Thessalonia 5:21

Takkha chong rakip ngaikha enminru: akatha kha kacheet-ah mahuumru

1 Timothy 1:10

zool-inthai ngaisik, pasalli pasal zool-inthai ngaisik, kathamak ah mi kasur ngaisik, maleisei karil ngaisik, kadikmak sakhi kapei ngaisik emakli katha chongminchu kajuimak ngaisik-ah ibool eii.

1 Timothy 1:14

Eini Pumi riangwai khale inruoiya Christa Jisu diangnga kaom inngamnali minriang nakha ama'n kei kadiang katamma anajuobunthuon pijei.

1 Timothy 6:3

Atuka-ang in intei ka eii kathamak chong kaminchu khat-um Pumi Jisu Christa kadikchong halli ratha lamtiang minchunna kazootmak mikha,

2 Timothy 1:1

Pathian lungdou dungjuiya Christa Jisu tirton Paul in Christa Jisu le inruoiya inchunna suungnga eini'n nimu ringna chong-inkhitna kha rilthang nasik,

2 Timothy 1:14

Nang nadiangnga inapeii akatha ngaikha eini suungnga karingnga kaom Ratha Inthiang ranak jarra indatharo.

2 Timothy 2:2

Sakhi katamtak ngai maikuungnga kei diangnga ningjet kanaminchuna ngaikha lei-inlang rilpiro, halli ngamna kaom mi, mileiilak ngai kaminchu mator ngaidiang um pero.

2 Timothy 3:14

Takkha nangsik achu, akatuun kha nalei inchu jei halli na-inngamna khan kacheet-ah omtaro. Ajarchu nakaru ngai kha tu ngai in-eme nang in najetjei;

2 Timothy 4:3

Ajarchu mi ngai'n chongkatuun kha inrangai zootmakpha alahongsik eii. Takkha inpumtak in inmanuom kha jui inta halli inmani'n angme inrangaizoot karilpi ocha ngaikha kheel kheella inmanisik bit-ah inlakhoom chunsik eii.

Titus 1:9

Ngamna kaom chongpui khat-um Pathian chong le injom chong ngaikha kacheet-ah amahuumsik eii. Hiwa lamma ama khan akadik minchuna khan mi ngaikha masok matorte halli akadik kazootmak mi ngaidiang nangni itho ngaikha dikmak tia minmu matorte.

Titus 2:1

Takkha nangchu akadik minchuna khale inzootna ngaikha nang in naminchusik kha eii.

Titus 2:8

Kheetsik kaommak akadik chong ngaikha inliingnaru, ajarchu nangni inhalpui mi ngaikha'n eini jarra akathamak iteii rilsik inmumakli injakkha erasu.

Hebrew 10:23

Eini'n nirilsuok ni-inngamna kha kacheet-ah mahuumrui, ajarchu ama chong-inkhitna kha nida theinasik eini'n Pathian kha ni-ngamna.

Hebrew 3:6

Takkha Sapa khan Pathian innsuung iroon angnga Christa hi ngamna kaom kha eii. Eini ningaidonna khan kacheet-ah inngamna khat-um ni-in-orpuiya ahekna katung nimahuum inchu, eini ama innsuung mi kha ni-ejei.

Hebrew 4:14

Khawajarra eini'n nirilsuok ngamna kha kacheet-ah ma-ourui. Ajarchu Thiampu Kaliankhet inkhat Pathian omna katung kasi Jisu, Pathian Sapa kha eini'n ninei.

Jude 1:3

Minriang kaom kasap ngai, eini rakip in nimusuom sanminringna jarra kei'n nangni diang majia nasik-ah kamalung aluutthei, Pathian in ami ngaidiang apha rakip sik-ah ipejei ngamna kha mathaan maru tihi kei'n nangnidiang majiamak khat-um namasokmak kathamak kha ejei.

Chongmalar 2:25

Takkha kei'n kajuo maklaiseng, nangni diangnga kaomjei ngaikha kacheet-ah mahuumru.

Chongmalar 3:11

Kei innottheiya kajuosik eii. Tuteii innum nangni renglukhu kha nakasut theimaknasik, nangni diangnga kaom kha kacheet-ah mahuumru.

Chongmalar 3:3

Ngaidonru, nangni diang naminchu khat-um ningjet ngaikha juiru halli manu ah inphut ningmalung thuulru. Nangni ning-intheimak inchu, kei'n nangni diang inruup kajuo angnga kajuosik eii, halli nangni angtik pha ah kajuosikme tikha jetnutun. Matt 24:43,44; Luk 12:39,40; Chonglar 16:15