2 Peter 1:6 - Bible Inzootna Kathar

⁶ nangni singna-theina chungnga pum-insur matorna thundelru; ningpum-insur matorna chungnga deiraatna thundelru; ningdeiraatna chungnga Pathian jetna kha thundelru;

2 Peter 1:6 ပူးပေါင်းရင်းမြစ်များ

Luke 21:19

Nangni deiraat nakhan ringna ningmusik eii.

Luke 8:15

Nuoipil hoina ah kachul aru ngai tinachu, Pathian chong inrangaili katha khat-um chongkajui malungnga inda ah inra maklaiseng kadei mi ngaikha in eii.

Chuontho 24:25

Halli akatuun le apum-insur khat-um akahongsik chongtan nikhuo jarra Paul in ahongril pha, Felix in achiya ahongmasang, “Tuunchu nang sitaro; kei'n aphakacha kamu pha, nahongkoi kate,”” ati.

Rome 15:4

Ajarchu angrakip chong inthiangnga ilei injiakha eini rakip ngai'n inchunasik-ah injia eii. Khawa jarra chong inthiangnga innaleipeii kadei karaat khat-um kamasok kha'n, eini rakip ngaidiang inngam nakha hong omte.

Rome 2:7

Mi lekkhat in kathakha inthochak-ah inom, halli poina, kayana khat-um kathi kaboi ringkhuo ka-entok rakip diang Pathian in hektik kaboi ringkhuo kha apesik eii.

Rome 8:25

Takkha eini'n nimumak phurra inngamna nida inchu, khawa sik-ah eini'n kadei karaat-ah ningaak-ah niomsik eii.

1 Corinthia 9:25

Kataansik mi rakip in katha tak-ah inpum inbool. Inmani'n kalamangsik ataanman renglukhu changnasik-ah intho kha eii, takkha einichu kamangmaksik renglukhu changnasik eii.

2 Corinthia 6:4

Angrakip rathuulla deiraatna, poongna khat-um intak rakip chungnga Pathian suok kinchangna kha kinmalarra eii.

Galatia 5:23

mi inriang khat-um atheinuo-ah insur mator, ngaihi eii. Hiwa ngai inhalpuisik Dan iteii ommakjei.

Colossia 1:11

Ama lurna lianna ranak dungjuiya, kadei karaat, khat-um kadei kangar emator nasik-ah ranak rakip-ah nangni namin-ngar rase,

1 Thessalonia 1:3

Ajarchu eini Pathian khat-um Nipa maikuungnga nangni inngamna kha chuonna ningtho, nangni minriangna khan chuon ranak-ah ningtho, halli Nipumi Jisu Christa diang ningngamna kacheet kha keini'n kinngaidon.

2 Thessalonia 1:4

Khawa jarra keini kinpum tak-in Pathian koisuokngai diang nangni jarra in-orna kinnei. Nangni'n ningtongpui poongraalna rakip-ah ningdei khat-um ngamna ningcheet jarra um in-orna kinnei.

2 Thessalonia 3:5

Pathian minriangna khat-um Christa in poongraal ideikha incheen doomma ningjetnasik Pumi'n nangni kha nanruoipui erase.

1 Timothy 2:10

takkha akatha chuon katho numeisa in Pathian kajet numeisa eii tia injetna.

1 Timothy 2:2

halli reng rakipsik khat-um aleilaak ranak kanei rakip sik, khawakha e-inchu einirakip in omchan katha khat-um Pathian kachi tak-ah kahoi kadaiya ringna neinite.

1 Timothy 3:16

Khat-um atuteii in hituk inthuuk eini Pathian sinadan hi zootmak thonunu: Ama'n manmasi taksa ah ajuo inlar, Ratha innum akadik eii tikha amalar, marwaan tirton ngai innum inmu. Ama kha zaat rakipdiang inrilsuok, nuoipilchung mi ngai'n inngamna jei, halli marwaan tiang inruoijei.

1 Timothy 6:11

Nang Pathian kajet mi, hiwa ngai rakip hi looiro, halli kadik, Pathain kajet, ngamna, minriang, kadeikaraat, khat-um malung inniam munasik ah kasong ero.

1 Timothy 6:3

Atuka-ang in intei ka eii kathamak chong kaminchu khat-um Pumi Jisu Christa kadikchong halli ratha lamtiang minchunna kazootmak mikha,

1 Timothy 6:6

Takkha ni-inei rakip ah nikhopthei inchu, Pathain kajet hi kheella inchongna eii.

2 Timothy 3:5

halli tuol tiangnga eini biaklam kajui omchan katho, takkha khawa inthiangtak ranak khachu inmani'n kazootmak inlahong omsik eii. Hiwa ka-ang mi ngaidiangnga inphut taandelro.

Titus 1:1

Paul, Pathian suok ka-eii khat-um Jisu Christa tirton um ka-eii. Pathian ikadang mi ngai ngamna kha kasansik khat-um eini biaklam in iminchu akadik khan inmani kakeiruoi sik-ah kei hi inakadang khat-um inatir kha eii.

Titus 1:8

Ama kha mi ngai kadonthei khat-um akatha kamanuom mi esik eii. Apum insur mator, kadik katho, inthiang khat-um nunchan katuun mi esik eii.

Titus 2:2

Upa ka eii pasal ngai'n inlermaru, khoya kaomtak-ah omru, ningpum insurru; ngamna khan cheetru, minriang kacheet eru khat-um kadei karaat eru ti-inlang minchuro.

Hebrew 10:36

Pathian lungdou kha thona sik-ah khat-um angme ama chong-inkhitna kha ralaangnasik ah nangni kadeikaraat sik hi arei ejei.

Hebrew 12:1

Khawajarra eini um, hiwatuk kalok suumphai ka-ang sakhi ngaikhan nakahiilla omjarra, karik rakip, khat-um beitheiya nakasur manu kha eini'n masuorui, halli eini matiangnga inda ruolsiak taanna kha kadeikaraat le inruoiya taanrui.

Hebrew 6:12

Keini'n nangni akadol esik hi manuommung, takkha kangamna li kadeiraat ngai ang inlang Pathian chong-inkhitna kamu eru.

Hebrew 6:15

Abraham chu kadeiraat kha lei-eii khawajarra Pathian chong-inkhitna kha ileimu eii.

2 Peter 1:3

Ama apumtak athana li apoina tum kachang sik-ah anakakoipa kha eini'n nijetna ah inphut, akatuun biaklam ringkhuo ah ringnasik arei kaom Pathian ranak rakip kha einidiang anapejei.

2 Peter 3:11

Hiwa phur rakip hi hinthoa alamangsik ejarra nangni angkachang mi ngaikha ning-esikme? Nangni ringkhuo kha inthiang khat-um Pathian diang inpesuok ning-esik eii,

Chongmalar 1:9

Kei John ka-eii, nangni le suopui inchang, Christa nuk kajui ni-eii jarra ama rengram mi ka-eii nangni le kangaaklal omlekleiya poongraal kadaisuom inkhat kha ka-eii. Kei'n Pathian chong khat-um Jisu in akadik innamalarpi chongngai karil jarra Patmos inti tuiram khan kei innada.

Chongmalar 13:10

Raalla insurli mikhumna ah indasik kasuok mi ngaikha insurra inkhumsik eii; chempuiya inthatsik kasuok mi ngaikha chempuiya inthatsik eii. Hiwa koinahi kadei karaat khat-um ngamna kacheet Pathian mi ngaisik eii.”” Jer 15:2; 43:11

Chongmalar 14:12

Hiwa koinahi kadei karaat Pathian mi ngai, Pathian chongpe ngai kajui khat-um Jisu diang kangamna inmani ngaisik eii.

Chongmalar 2:2

Kei'n ning-intho chuon ngaikha kajet; nangni chuon ningngar khat-um kadei ningraat tihi kajet. Nangni'n akathamak mi ngaikha zootmakchu halli tirton ka-emak takkha tirton kin-eii kati ngaikha nangni'n ning-ensuiya maleisei karil mi ngai in-eii tium ningmujei tikha kajet.