1 Timothy 6:2 - Bible Inzootna Kathar

² Christian karu ngai suok eya kaom rakip in inmani kha mateek marasu, ajarchu inmani kha-um kangamna ngai in eii, khawa neek achu inmani kha kathadoomma sepa thoru, ajarchu inmani chuonna nemna kapeii ngaikha inmani'n inminriang ka-ngamna ngaikha in eii. Hiwa ngaihi minchu inlang rilpiru.

1 Timothy 6:2 ပူးပေါင်းရင်းမြစ်များ

Matthew 23:8

Takkha nangnichu Ocha intimaru; ajarchu nangni Ocha chu inkhat bit eii, halli nangni rakipchu unai ning-eii.

Matthew 25:40

Rengpa khan inmani diang heimasangta, “‘Kei'n nangnidiang inthiangnga kanatipi, kei ka-u kanai kasiinkhet chungnga nangni'n angrakip ningtho kha, keisik ah ningtho eii!’’ ””

Matthew 6:24

“Tu inkhat innum karu inni suok ematornutun; ajarchu inkhat amatir li inkhatpa kha aminriang sik eii, emakli ama'n inkhat sik nangir li inkhatpa kha donnuni. Khawa jarra nangni'n Pathian li sialsum inni suok emator nutun.””

Chuontho 1:15

Halli nikhuo lekkhat thengsuoli ka-ngamna mi ngai inraja ah rajakhatle soomni daam inlei-intuup ah, chongkarilsik Peter aleingir.

Rome 11:17

Halli inna inling olive abaak lekkhat ngaikha akiakjei halli ramma kamoong Olive thingkuung bakkha khawakhan inminjomjei. Khawajarra nangni zaatlop ngai-um ramma kamoong olive thingkuung ka-ang ning eii, halli atuunchu ningni'n Jihudi ngai Ratha lamtiang jetna kacheet ringkhuo kha ningchan ejei.

Rome 8:29

Khat-um Pathian in ikoisuok mi ngai khachu ama asapa ka-ang enasik-ah ikhoithensuo ejei, khawa jarra ama sapa kha kangamna ngai rakip karra mansakhet esik eii.

Galatia 5:6

Ajarchu Christa Jisu le ni-inchunna suungnga wuntan emakli tanmak iteii inteina ommakjei, takkha arei ka-eii khachu minriangle inruoiya chuon katho ngamna khan eii.

Ephesia 1:1

Pathian lungdou nuoiya Christa Jisu tirton ka eii Paul kei'n, Ephesia ah kaom inthiang Pathian mi ngai khat-um Christa Jisu diang huoikajou ah akaom ngaidiang: Chuon 18:19-21; 19:1

Ephesia 1:15

Nangni in Pumi Jisu ningngamna khat-um Pathian kajet mi rakip ngaikha ningminriang itihi kajetniya inphut, hiwa jarra,

Ephesia 3:6

Inphuumma kaom khachu chongkahoi khan ajar eya Zaatlop ngaikha Israel ngaile bateii in-esuom, khat-um Pathian in Christa Jisu diangnga chong inkhitna kha inchansuomma taksa inkhatbit insuungkhur in ejei. Col 1:26,27

Colossia 1:2

Colossae ah kaom Pathian mi ngai khat-um Christa diang ngamna kaom ule nai ngaidiang: Pa Pathian riangwai khat-um kadai kha nangni chungnga omrase.

Colossia 1:4

Ajarchu Christa Jisu diang ningngamna khat-um Pathian ka-ngamna miring rakip diang ningminriang kha keini'n kinjet.

Colossia 4:1

Karu ngai, katuunna khat-um katha-ah ningsuok ngaikha inliingnaru, ajarchu marwaanna nangni-um Karu om itihi ningjet. Eph 6:9

2 Thessalonia 1:3

Ule naingai, eini'n apha rakip-ah nangnisik bit-ah Pathian niminpaaksik eii. Ajarchu hiwahi eini'n thosik-ah rahoi suok, ajarchu nangni ngamna kha hong-insoon halli nangni rakip in inkhatli inkhat ning-inriang kha-um ahonglok.

1 Timothy 4:11

Hiwa inchuna ngaili indikna ngaihi inmani diang peru.

1 Timothy 5:1

Upa kha kese ah ranmaro, khawa rathuulla napa angnga malung masokpiro, halli khangdong ngaikha nanai ngai angnga,

Titus 2:1

Takkha nangchu akadik minchuna khale inzootna ngaikha nang in naminchusik kha eii.

Titus 2:15

Hiwa ngaihi minchuro halli thomatorna ranak kha inliingna inlang masokro khat-um rakookro. Inmani tuteii inkhat innum nang kha kamo eii tia namumarusu.

Titus 3:8

Hiwahi akadik chong kha eii. Hiwa jar ngaihin nangni'n kalurdoomma ningngaidon kha kei'n kamanuom, ajarchu Pathian kangamnajei inmani'n chuonkatha ngaikha inmalung kaluut-ah inthonasik eii. Hiwa ngaihi mi rakip sik-ah akatha khat-um nemna kaomthei kha eii.

Hebrew 3:1

Pathian in ikoi, Christian ulenai ngai! Pathian ijuotir Thiampu Kaliankhet ningamna-ah nirilsuok Jisu kha eini'n ngaidonru.

Hebrew 3:14

Ajarchu eini'n inphutni makheiya ninngamna kha ahekni katung kacheet-ah ninmahuum tit inchu, eini niraya-ah Christa le tum kachangsuom ngaikha ni-ejei.

1 Peter 5:1

Kei'n koisuok karoon inkhat kachangnga koisuok karoon ngaidiang kanati, khawa khachu keihi Christa poongna raalna jarra sakhi ka-eii halli kei'n akalajuosik lurlian nakha kalachansik eii. Kei'n nangnidiang kanatinook

2 Peter 2:10

aru ka-ekhet ah inmani taksa manuom kachok khat-um Pathian thomatorna kha kazootmak ngai, Hiwa akatuunmak ocha ngai'n chimu khat-um inkuor angar, halli chungtiangnga lurna kanei ngaikha kayana neimu; khawa rathuulla, inmani'n inmani kha kase-ah inleiril.

Jude 1:8

Hiwale in-angnga, hiwa mi ngai'n akadikmak mangtalar inmu dungjuiya manu intho-ah inpum ngaikha inminchok; inmani'n Pathian wairoon kha zootmu, halli chungtiangnga kalurra kaom inmani ngaikha kase-ah inril.