1 Timothy 5:6 - Bible Inzootna Kathar

⁶ Takkha taksa hoina ah apum inpesuok chuulmeinu kha aring innum kathi a-ejei.

1 Timothy 5:6 ပူးပေါင်းရင်းမြစ်များ

Matthew 8:22

Takkha Jisu'n ama diang aleimasang, “Kanuk najuiro,”” “Halli akathi ngaikhan inmani intheinuo ah inphuum rasu.””

Luke 12:19

Khale inruoiya rawaan katha mi! ka intisik tia atheinuoa alei inngaidon, nang in kum angjetsik-ah arei ka eii neinaak katha ngaikha nabuk ah nadajei, ringkhuo hi kahoithei ejei, kabak, ka-in thoinlang natheinuoa hoitaro!’’

Luke 15:13

Nikhuo sootlekleiya neipangpa'n ama achangsik kasouk ngaikha khoomchunna ram kalaak inkhattiang aleisi, khawakhan ama'n neinaak rakip kathamak lamma aminheksuojei.

Luke 15:24

Tichu kei kasapa hi kathi makheiya kahongringnook ejei, ama hi kamangkha eii, halli nimunook ejei,’’ khale inruoiya inmani'n karokpui inleiphut.””

Luke 15:32

Eini'n kahoi nithoa nirokpuisik adik, ajarchu nanai pahi leikathi ejei, halli ahong ringnookjei, amahi aleimangjei takkha nimunook ejei.’’ ””

Luke 16:19

“Apha inkhat inchong karaang mi inkhat aleiom ama'n aman katamkhet puonlidiar inluk ah nisuo rakip katui kathai abak ah kahoiya aleiom.

Luke 7:25

Ang ka-enme ningni'n ningsuok ah ningsi? puondiar katha inluk ah kaom mi ka-en ningsibe? Enru, enzoot kaom puondiar inluk mi khachu reng inna nimusik eii.

Ephesia 2:1

Apha matiangchu nangni chong ningjuimak khat-um ningmanu jarra ratha lamtiang ningleithi kha eii.

Ephesia 2:5

eini'n nimanu roonna nileithiya nileiom innum, ama'n Christa le inruoiya anaminring. Riangwai jarra nangni ringna ningmu kha eii. Col 2:13

Ephesia 5:14

Khawa jarra hin tia aril, “Akazaal nangni intheitru, khat-um kathi makheiya ringtru halli Christa in nangni diang awarsik eii.””

Colossia 2:13

Nangni um apha khatchu ningmanu khat-um sinadan kaommak zaatlop ning-eii jarra ratha lamma akathi kha ninglei-eii. Takkha Pathian khan nangni kha Christa le inruoiya naminring. Pathian in eini manu rakip ngaikha ngaidamjei; Eph 2:1-5

2 Timothy 3:6

Inmani lekkhat in mi ngai inna inluut-ah manuomna rakip in ruoinarei iruoijei halli inleitho manu ngai'n minpoongnga kaom akasuol numeisa ngai insurra inlei-ompui,

James 5:5

Hiwa nuoipilchung ringkhuo hin nangni taksa hoina li inchong karaang ringkhuo-ah ningomjei. Thina nikhuo sik-ah nangni'n ningpum katha-ah ningwaijei.

Chongmalar 18:7

Apum takdiang inpe ama lurna khat-um hoina angnga numeisanu chungnga poongna khat-um raalna kha petaru. Ajarchu numeisanu khan amalungnga ati: “‘Rengnu ka-eya kei'n hin ka-in-ong! Kei chuulmei emong, Kei kapoong tihi mununing!’’

Chongmalar 3:1

Sardis koisuok karoon marwaan tirton diang majiaro: “Pathian ratha sari khat-um arsi sari kamahuum ama diangnga inphut chongpui kha hi-eii. Nangni angme ningtho tikha kei'n kajet; nangni akathi ning-ejei innum, kinlaring iti inpaakna kha nangni diang om tikha kei'n kajet!