1 Timothy 5:22 - Bible Inzootna Kathar

²² Miring inkhat diang Pumi chuon minthonasik beiya inmani chungnga kutduongnga peluut nasik-ah innot emaro. Halli miring inkhat manu rakip chuonna nang inchelmaro, napumkha inthiangnga daro.

1 Timothy 5:22 ပူးပေါင်းရင်းမြစ်များ

Chuontho 13:3

Khawa phakhan inmani'n bu in-ngeiya inmani chungnga inkut induongnga, Pathian diang innipili, inmani kha inleitirjei.

Chuontho 18:6

Inmani'n ama intheida ah kase ah inranpha, ama'n apuon kathingnga inmani diang ati, ningthi kha ninglu chungnga chulrase, keichu khawa jarra kajetmak ka-eii, tuun makheiya inphutchu kei zaatlop ngaidiang sitakte.

Chuontho 20:26

Khawa jarra kei'n awini inthiangtak ah kimalar eii; nangni karra mi inkhat inmang suok-inchu, kei'n inmani thisen jarra kei iteii jetmong.

Chuontho 6:6

Tirton ngai ma-ah inmani inminngirra, halli inchungnga inkut induongnga Pathian diang innipijei.

Ephesia 5:11

Akara kaboi aziingna munna chuonkatho ngaile inchunmaru, khawa rathuulla inmani ngaikha malarru.

1 Timothy 3:10

Inmani ngaikha mansakhet ah ni-encheen masasik eii, halli inmani'n rahoi kasuok in-e-inchu deacon chuonkha thorasu.

1 Timothy 3:2

Kathamak noonkuung kaboi mi'n Koisuok karoon esik eii, ama kha numeisa inkhatbit ruothar esik, inlermak, malung insurthei, omchan katha, khuolmi kadonthei, halli kaminchuthei ah esik, Tit 1:6-9

1 Timothy 3:6

Ama'n ngamna ah kachang inkhat esik eii, kha e-inchu ama in-orna kha honglok nunijei halli Seitan angnga chongtanna mununu jei.

1 Timothy 4:12

Nang khangdoong na eii tia tuteii inkhat in enselmusit inthomaro; takkha nachongrilla kangamna ngaisik-ah, naomchana, minriangnga, ingamna ah, inthiangga minkhina katha inchangro.

1 Timothy 4:14

Pathian chong kachoi ngai'n inrilsuokle inruoiya upa ngai'n nang nachungnga kut induong pha ah najuope ratha kutchoi kha i-emak ti-inlang leimaro.

2 Timothy 1:6

Hiwa sik-ah nachungnga kei'n kakut kadapha Pathian nape kutchoi kha karingnga nada theinasik kei'n nangkha kanamin-ngaidon eii.

2 Timothy 2:2

Sakhi katamtak ngai maikuungnga kei diangnga ningjet kanaminchuna ngaikha lei-inlang rilpiro, halli ngamna kaom mi, mileiilak ngai kaminchu mator ngaidiang um pero.

Hebrew 6:2

baptize jarra minchuna halli kut duongpina jarra; kathi hongringna jarra khat-um hektik-kaommak chongtanna jar ngaihi eii.

2 John 1:11

Halli atu ka-ang in inmani kadon mi kha inmani kathamak chuontho khan ama innum ithopui suom ejei.

Chongmalar 18:4

Hiwa thengli marwaan makheiya inphut kei'n rasa inkhat kaleijet, “Kei kami ngai heisuokru! Numeisanu makheiya heisuokru! Numeisanu manu ngaikhan nangni inchelmaru; Numeisanu rachaakna khan nangni inchelmaru! Isa 48:20; Jer 50:8; 51:6; 45