1 Timothy 2:8 - Bible Inzootna Kathar

⁸ Pasal rakip in biak-inn chubeithona rakip ah Pathian kanihi kei'n kamanuom, halli Pathian diang amalung inpesuok Pasal rakip in inkut thaangnga khat-um karaang li murruolsiak tholekleiya nisik kei'n kamanuom.

1 Timothy 2:8 ပူးပေါင်းရင်းမြစ်များ

Matthew 21:21

Jisu'n inmani diang aleimasang, “Kei'n nangnidiang inthiangnga kanati, khachu nangni'n inngamna ningneiya halli ning inngamsammak jei inchu, kei'n theichang kuungnga kitho angnga nangni innum kheella thomator ningte. Hiwa bit eleiya, nangni'n hiwa ching diang um, “‘Inphuk inlang natheinuo ah tuipui son juota-taro nati innum,’’ khawakha inthosik eii. Matt 17:20; 1 Cor 13:2

Matthew 5:44

Takkha tuun nangni diang kei'n kati: nangni inhalpui ngaikha minriangro, khat-um nangni kanaminpoong ngai sikbit ah nina neipiru,

Matthew 6:12

Halli keini chungnga kamasial ngai kinrangaidam angnga, Keini itho masialna ngaikha narangaidamro.

Luke 23:34

Jisu'n ati, “Kapa, inmani kha ngaidampiro! ajarchu inmani'n angme inthohi jetmu.”” Inmani'n rasi in-enna ama puondier inlei insem. Minpkla 22:18

Luke 24:50

Khawa phakhan inmani kha Bethany katung akeiruoiya halli akut duongpiya inmani kha rawaan aleipei.

John 4:21

Jisu'n numeisanu diang aleiti, “Numeisa, Keidiang ngamnaro, miring ngai'n Pa Pathian kha hiwa chingbung emakli Jerusalem ma chubei inthomaknasik aphakha aheiwasik eii.

Chuontho 10:2

Amachu ama innsuung mi ngai rakiple inruoiya Pathian kangamna, Pathian kachi, mi ngaidiang kasan, khat-um apha rakip ah Pathian diang kani alei-eii.

Chuontho 10:31

“‘Cornelius, Pathian in nanina kha anajetpijei, khat-um napena kha Pathian in anajetpijei.

Chuontho 10:4

Ama'n marwaan tirton kha a-enpha, achiya ati, “Angme hi, Pumi?”” Marwaan tirton khan amasangnga, “Pathian in nang nina khat-um napetheina rakip kha anajetpijei.

Chuontho 21:5

Halli nikhuo ajuohuuiya, keini'n kinheisuok pha, inmani innumei insa ngai rakiple inruoiya keini kha khuopui raalkhat katung innajuothakjei, khawa tuipui khamkhan kemurkhup kinthep ah nina kinnei.

Chuontho 7:60

Halli ama'n kemurkhup athep-ah, rasa inringnga akheek ah ati, “Pumi! hiwa manu hi inchungnga namachul pimaro!”” hiwa arilsuoli ama kha athijei.

1 Corinthia 1:2

Corinthna kaom Pathian koisuok ngaidiang, Jisu Christa diangnga inthiangjei, halli amun rakip-ah eini khat-um inmani Pumi ka-eii, Pumi Jisu Christa ramingnga chubei katho sik-ah ikoi rakip ngaidiang: Chuon 18:1

1 Corinthia 7:7

Kei'n nangni rakip kei kanamin angzoot. Takkha Pathian inape inlak kutchoi kha mi rakip in nineihet, inkhat in hiwa kutchoi khat-um leiilaak-in khawa kutchoi.

2 Corinthia 2:14

Takkha Pathian kha minpaak omchak rase! ajarchu Christa raalmatorna karok-ah sina khan raalring angnga Christa le inruoiya inchunna suungnga Pathian in apha rakip-ah anakeiruoi chak. Halli amun rakip-ah sariak rimkahoi angnga phuonnasik Christa jarra minjetnasik Pathian in naneiman eii.

Philippia 1:12

Ule naingai kei'n nangnidiang kanaminjetzoot, khawa khachu kei katakchunnga kasuok chuonngai rakiphi chongkahoihi kheella minloknasik eii.

1 Thessalonia 1:8

Ajarchu nangni diangnga inphut ah Pumi jarra chong kha Macedonia le Achaia rampumpui inthangbit emak, takkha Pathian ningngamna jar kha-um amun rakip atungjei. Khawa jarra khawa kheella eini'n rilsik arei iteii ommakjei.

1 Timothy 5:14

Khawajarra kei'n chuulmei kadoong ngaikha inn neisik hi kei'n kamanuom, sa neirasu, halli in innluo ngaikha boolrasu, khantho inlang eini ni-inhalpui ngai'n kathamak ah naril nasik ah amun pemui.

Titus 3:8

Hiwahi akadik chong kha eii. Hiwa jar ngaihin nangni'n kalurdoomma ningngaidon kha kei'n kamanuom, ajarchu Pathian kangamnajei inmani'n chuonkatha ngaikha inmalung kaluut-ah inthonasik eii. Hiwa ngaihi mi rakip sik-ah akatha khat-um nemna kaomthei kha eii.

Hebrew 10:22

Khawajarra kase katha jetna malung inthiangmak ah inphut malung inthiangle taksa ngaihi tui inthiang khan rasuthiang inlang kangamnatak le malung inthiang khan Pathian diang eini'n nairui. Levi 8:30; Ezek 36:25

James 4:8

Pathian koolla heiwaru halli ama'n nangni koolla aheiwasik eii. Ningkut ngaikha rasuru, nangni manu karoonngai! Ningmalung ngaikha minthiangru, nangni a-omchanbit katho-ngai!

1 Peter 3:7

Hiwa angnga pasal ngai innum ngaidonru, malung inmuwa ning numeile omsuomru, khat-um inmani kha nang neek-ah kasuol mi eii tia kaya inlang sepa thoru halli ningringkhuoa nangnile kaomsik kapoithei kutchoi eii ti-inlang leiru khawakha e-inchu nangni'n Pathian ningni rakip ah kana-ook omnuni. Eph 5:25; Col 3:19