1 Peter 2:8 - Bible Inzootna Kathar

⁸ Khat-um aleiilaak inthiang chong in ati, “Hiwa lunghi miringngai kaminsuisik eii, halli inmani ngaikha minba nasik lung um a-eii.”” Inmani'n insuina ajarchu inmani'n inthiang chong kha leingamnamu, hiwahi inmani sik ah Pathian lungdou eii. Isa 8:14-15

1 Peter 2:8 ပူးပေါင်းရင်းမြစ်များ

Luke 2:34

Halli Simeon in inmani diang rawaan aleipeiya Mary diang aleiti, “ Hiwa naiteii hi Israel ngaidiang insuina khat um sanminringna angjet kapesik-ah Pathian in ikadang ejei. Ama'n Pathian injettheina eta miring angjet in enhal-inta inrilsesik eii,

Rome 9:22

Hiwa kadik le in-angrip ah Pathian in i-ngaidon kha itho eii, ama'n aranak kha minmuzoot jarra araangna kha amalar, takkha ama'n minmang sik-ah iminsuuk raangna inchang, inmani diang ama malung daina kha aom.

1 Corinthia 1:23

takkha keinichu Jihudi ngaidiang ka-ook khat-um zaatlop ngaidiang chongriam ka eii, Christa in cross-ah ithi jarra kinril.

2 Corinthia 2:16

Ajarchu inmangnga kaom ngai sikchu, thinasik tur-rim kha eii, takkha ringna kamungai sikchu hongringna sik sariak rimkahoi kha ejei. Hanchu hiwa chuonsik tume rahoikasuok?

Galatia 5:11

Takkha keisik achu, ulenai ngai, tuun katung wuntan nasik hi arei kaomdoomma kalaril inchu, angsikme kei tuun katung innalaminpoong hi? Khawa ngaikha akatuun e-inchu, Christa Cross jarra karilna hin poongna masuoknuni.

1 Thessalonia 5:9

Pathian in eini hi ama raangna kha kamusik-ah inakadang emak, takkha eini Nipumi Jisu Christa jarra sanminringna kamusik ah inakadang ejei,

1 Peter 2:6

Ajarchu Pathian chong in ati, “Enru, kei'n Zion na lung kiphun kha, kei'n Zion sik-ah kikadang akilla kaom kalurthei lung kha ejei; halli atu ka-ang in ama kha inngamna kanei'n angtik niteii injakna omnunijei.””Isa 28:16

1 Peter 2:7

Han hiwa lung kangamna nangni kha aman katamthei ning eii, takkha aka-ngamnamak inmani diangchu, inn kasakpa'n kathamak eii tia ikalekjuon lungkha, lung karra kathakhet lungkha aleiminchang jei, Minpkla 118:22

2 Peter 2:3

Hiwa akatuunmak ocha ngai mahamlian jarra inbool thurchi nangnidiang inril ngaikhan nemnasik inlathosik eii. Ajarchu tiallaiya inphut inmani chongkatanpa insuuk suojei, halli inmani Kaminmang sikpa kha intheiya omjei.

Jude 1:4

Ajarchu Pathian kajetmak miring lekkhat in jetlei theileiya eini karra inheiluutjei, inmani'n eini Pathian riangwai chongpui kha aleiitiang inchoiya akadikmak chuontho nasik-ah lam inminchang jei, halli inkhatbit ka-eii eini Karu khat-um Pumi Jisu Christa kha inmani'n zootmu. Inmani'n mangna inmunasik eii tikha Pathianchong khan apha matiang aleirilsuokjei.