1 Peter 2:6 - Bible Inzootna Kathar

⁶ Ajarchu Pathian chong in ati, “Enru, kei'n Zion na lung kiphun kha, kei'n Zion sik-ah kikadang akilla kaom kalurthei lung kha ejei; halli atu ka-ang in ama kha inngamna kanei'n angtik niteii injakna omnunijei.””Isa 28:16

1 Peter 2:6 ပူးပေါင်းရင်းမြစ်များ

Matthew 12:18

“Enru, kei'n kikadang jei, kasuok, kiminriangpa kha, achungnga kamalung atai, Kei'n ama chungnga karatha kajuotirsik eii, halli ama'n zaat rakip diang kachongtanna kha arilsuoksik eii. Isa 42:1-4

Mark 12:10

Nangni'n hiwa Pathian chong inthianghi lateel makchube? “‘Inn kasak ngai'n nemna ommakjei tia indeengjuon lungkha akilla kaom nemna kaomkhet lungkha ahong eii

Luke 20:17

Jisu'n inmani diang ahei enna aleiti, “Angme, inthiang chong in iti? “‘Inn kasak ngai'n anemna ommakjei tia indeengjuon lungkha akilla kaom nemna kaomkhet lungkha ahong eii.’’Minpkla 118:22

Luke 23:35

Mipui'n inngirra inlei enpha khan, waikaroon ngai'n amadiang inleiril seya inti, “Mi ngai khachu nasan, Pathian inakadang Christa kha na e-inchu natheinuo ah insanro.””Minpkla 22:7

John 7:38

Keidiang inngamna mi kha, Pathian chong inthiang khan ileiti angnga, “‘Ringna tuiring ngai'n ama wonsuungnga inluongsik eii.’’ ”” Ezek 47:1; Zech 14:8

Chuontho 1:16

“E ka-u ka-nai ngai,”” Jisu kasur inmani lamkakei Judas jarra David mursuoa Ratha Inthiang in matiang ileiminril “Pathian chongkha hongkatung sik-eii.

Rome 10:11

Chong inthiang in ati, “Atu ka-ang amadiang angamna inchu angtikseng injakna penunujei. ”” Isa 28:16

Ephesia 1:4

Ajarchu ama'n manmasituol aboolmaklai amadiang inthiang khat-um kachok omlekleiya ama maikuungnga ami ka-esik ah eini inakadang kha ni-ejei. Minriang jarra

Ephesia 2:20

Tirton ngaili Pathian chongkachoi ngai'n innmun inleideeng halli inleideeng innmun chungnga insak inn kha nangni ning eii halli akil miliya in-ong lungpui kha Christa Jisu kha eii.

2 Timothy 3:16

Ajarchu Chong inthiang rakip hi Pathian phuuksaan khanna eii, akatuun kha minchunasik, akamasial kha rakooknasik, akatuunmak kha mintuunnasik, halli akadik ringkhuo minchuna jarra nemna kaom kha eii.

1 Peter 2:4

Mi ngai'n innahiaijuon anemna kaboi karing lungpui nangni kha Pumi diang ningheiwa inchu, Pathian in nangni hi kalurtheiya i-nakadang mi ning-ejei.

1 Peter 2:8

Khat-um aleiilaak inthiang chong in ati, “Hiwa lunghi miringngai kaminsuisik eii, halli inmani ngaikha minba nasik lung um a-eii.”” Inmani'n insuina ajarchu inmani'n inthiang chong kha leingamnamu, hiwahi inmani sik ah Pathian lungdou eii. Isa 8:14-15

2 Peter 1:20

Mansakhet-ah, nangni'n hiwahi ngaidonru, Chong-inthiang suungnga Pathian chongkachoi ngai ileiril chong ngaihi tu inkhat innum apumtak in malet matornuni.

2 Peter 3:16

Ama chemajia rakip ah hiwa chong jarhi ama'n amajia. Ama chemajia suungnga intak lekkhat kha om, khawa ngaikha akajet tungmak khat-um malung kangirmak mi ngai'n aleiilak Pathian-chong mun ngaikha katuunmak tiang inril angnga akatuunmak tiang inrilsik eii. Khawajarra intheinuo-ah mangnasik inhei-inchoi.