1 Peter 1:19 - Bible Inzootna Kathar

¹⁹ Khawa khachu noonkuung kaommak khat-um kapop kaommak keelngamteii angnga aman katam Christa inpesuokna kha eii,

1 Peter 1:19 ပူးပေါင်းရင်းမြစ်များ

Matthew 20:28

hile in-angrip ah Miring Sapa kha sepa inthosik ah akajuo kha emak, takkha sepa kathosik halli mi rakip ngai kasanring sik ah aringkhuo kape ijuo eii.””

Matthew 26:28

“Ajarchu khawa chong-inkhitna, manu rakip ngaidamnasik ah akasar kei kathisen kha eii. Suok 24:8; Jer 31:31-34

John 1:29

Khawa ziingkhuo warra Jisu'n amadiang iheiwa kha John in aleimuwa, aleiti, “Enru, Pathian Keelngamteii, manmasituol pumpui manu karoonsuopa!

John 1:36

Ama'n Jisu ihongkha aleimuwa aleiti, “Enru, Pathian Keelngamteii!””

Chuontho 20:28

Ama thisen tak-ah inaracho Pathian koisuok ngaikha kawaisik; nangni chungnga khat-um keelngam rahooi rakip chungnga ka-ensuisik malung minluutru, ajarchu Ratha Inthiang in nangni kha aka-ensuisik anadajei.

Rome 3:25

Pathian in Christa hi minpaamleiya kanathipi sik-ah anapejei, ama thisen sarna jarra ngamna kha niralaangsik eii. Ama'n hiwa ithohi Pathian kadik kha minmuzoot jarra eii, ajarchu ama malung inkeikirna khan akatheng manu nileitho rakip-ah narachaak makjei.

Ephesia 1:7

Ajarchu Christa thisen khan eini inakatan kha eii khachu, eini manu ngaikha inara-ngaidam kha eii. Pathian riangwai kha angtuk akalokme, Col 1:14

Colossia 1:14

amadiang eini manu ngai ngaidamna, nakatanna kha nimu. Eph 1:7

1 Peter 1:2

nangnikha Jisu Christa juinasik khat-um ama thisenkhan insuthiangnasik Nipa Pathian in ileijetmasa lungsing dungjuiya inakadang khat-um ama Ratha khan inthiang tia inabool mikha ning ejei. Riangwai khat-um kadai kha nangnidiang kasip erase.

1 Peter 3:18

Khawale inruoiya Christa'n manu sik-ah woikhatbit nathipijei, Nangnikha Pathian diang nakeiruoi nasik-ah katha mi khan manu karoon ngai rathuulla nathipi halli ama kha taksa ah inleithat han ratha ah aminringjei.

1 John 1:7

Takkha eini'n warkhan niring inchu, ama'n warkhan i-om keengnga, eini inkhatli inkhat ni-inchun halli Asapa Jisu thisen khan manu rakip makheiya inphut anaminthiang.

1 John 2:2

Christa hi eii eini manu ngaidamna sik-ah nanphalpi kha, eini sikbit emak takkha manmasituol pumpui manu sik ah eii.

Chongmalar 1:5

khat-um ngamna kaom sakhi ka-eii, akathi karra akaring masa, manmasituol reng rakip chungnga wai roonna kaom Jisu Christa diangnga inphut riangwai li kadai kha nangni chungnga omrase. Ama'n eini anaminriang, halli ama thisen khan manu ah inphut eini kha anakatan, Isa 55:4; Minpkla 89:27

Chongmalar 14:1

Hiwa thengnga kei'n kalei-en, khawa phakhan Keelngamteii khan Zion chingbungnga ngirra aleiom; ama le inruoiya kangir mi ngaikha ama raming khat-um Apa raming kha inmachalla injia, miring ngai teelramol khachu lakhkhat le lising soommili leimili (144,000) in-eii. Ezek 9:4; Chonglar 7:3

Chongmalar 14:5

Inmur makheiya maleisei rilmu; kadikmak iteii thomu. Zeph 3:13

Chongmalar 5:6

Khawa tisuoli kei'n akaring khouring mili khat-um upa ngai'n inkahiil reng in-ongna mun laicheiya Keelngamteii ngirra kaom inkhat kaleimu. Keelngamteii kha inleithat angnga kaleimu. Keelngamteii kha araki sari khat-um amit sari indou, khawa ngaikha manmasituol pumpuiya injuotir Pathian ratha sari ngaikha in-eii. Isa 53:7; Zech 4:10

Chongmalar 5:9

Inmani ngai'n laa kathar kha inleisak: “Larik kha kaleisik ah nang rahoi na-eii halli madanna ngaikha makoili kamalong sik-ah nang rahoi na-eii. Ajarchu nang kha innaleithat, halli nang thisen khan zaat rakip, chong rakip, phungli zaat rakip, halli manmasi miring rakip makheiya inphut Pathian sik-ah mi narachojei. Minpkla 33:3; 98:1; Isa 42:10

Chongmalar 7:14

“Kei jetmong, ocha, nang'n najet,”” katia kei'n kaleimasang. Ama'n keidiang aleiti, “Inmani ngaihi poongna kangarkhet makheiya kahongsuok mi ngaikha in-eii. Inmani'n inpuondiar inchuol kha Keelngamteii thisen khan insop minthiangnga inminbangjei. Dan 12:1; Matt 24:21; Mk 13:19