1 John 5:10 - Bible Inzootna Kathar

¹⁰ Khawa jarra Pathian Sapa diang kangamna inmani ngai'n hiwa sakhi hi inmalung suungnga om; takkha Pathian kangamnamak inmani ngai'n Pathian maleisei karil inmin-eii, ajarchu Pathian in Asapa jarra iril ngaikha inmani'n ngamnamu.

1 John 5:10 ပူးပေါင်းရင်းမြစ်များ

John 3:16

Ajarchu Pathian in manmasituol kha hituk aminriang khachu Asapa inkhatbit kha ama'n anapeii, amadiang kangamnatak miring khan thina mununi takkha kumsoot ringna kha amusik eii.

John 3:18

Amadiang ngamna kanei mi ngaichu chongtan omnuni; takkha amadiang ngamna keneimak mi ngaichu chong atansuojei, ajarchu Pathian Sapa inkhatbit ramingkha ngamnamu.

John 3:33

Takkha ama sakhi kakeiluut miring khan Pathian hi adik tia jetnabi ada.

John 5:38

halli nangni'n ama chongkha ningmalungnga reiimakchu, ajarchu ama ijuotir miringkha ngamnamakchu.

Chuontho 8:37

Philip in aleiti, “Nang in namalung pumpuiya na-ngamnajei inchu baptize thocha.”” “Kei kangamna jei,”” tia ama'n aleimasang, “Jisu Christa hi Pathian Sapa eii tihi kei'n kangamnajei.””

Rome 8:16

Pathian Ratha'n eini Rathale injomma einihi Pathain sangai ni-eii tia sakhi nanchangpi.

Galatia 4:1

Takkha tuun anuoi kata-ah. Apa karei rakip kaluosik sapa kha angrakip hi ata e-innum, asiin laiseng chu suok inkhat le in-angrip.

Galatia 4:6

Nangni asa ngai ning-ekha malarnasik, Pathian in Asapa Ratha kha nimalung suungnga ajuotirra, khawa Ratha khan, “Pa, Kapa,”” tia akoi.

Colossia 3:3

Ajarchu nangni ningthijei, halli nangni ringkhuo kha Christa le Pathian diang om.

Hebrew 3:12

Ulenai ngai, akaring Pathianna inphut nangni tu inkhat nuktiang kirmak nasik, khatuk malung kathamak khat-um kangamnamak nangni karra ommak nasik insingtheiru.

2 Peter 1:19

Khawajarra Pathian chongkachoi ngai'n inleiril chongkhan kheella eini namin-ngamna eii. Hiwahi Khuowar maklaiseng aziingna munna kawar sariakmei khat-um nangni malung suungnga akawar ziingtiang sorpa ka-ang kha eii, khawajarra nangni'n khawa khan katha-ah malung-minluutsik eii.

1 John 1:10

Eini'n manu thomung niti inchu ama kha maleisei katho nimin eii halli ama chong kha einidiang ommak.

1 John 5:1

Jisu hi Messiah eii tia kangamna miring kha Pathian sa eii; halli Pa Pathian kaminriang miring khan asapa kha-um aminriang.

Chongmalar 12:17

Saraikhuo khan numeisanu chungnga araangtheiya ama tu-suon ngai rakip chungnga raal katho aleisi, inmani ngai khachu Pathian chongpeii ngai kajui khat-um Jisu'n imalarpi akadik kha kangamna ngaikha in-eii.

Chongmalar 2:17

Nangni ningkuor indou inchu, Ratha khan koisuok ngaidiang iti ngaikha rangairu! “Raal kamator inmani ngaidiang kei'n inphuumma kaom manna lekkhat ngaikha kapesik eii. Halli kei'n inmani rakip ngaidiang lungngoi kapesik eii, lungngoi chungnga raming kathar injia, raming kha tuteii innum jetmu, aka-ralaang ngai inbit injet.”” Suok 16:14,15; 16:33,34; Jn 6:48-50; Isa 62:2; 65:15

Chongmalar 2:28

kei innum khawa miring padiang ziingtiang Sorpa arsi kha kapesik eii.