1 John 3:2 - Bible Inzootna Kathar

² Minriang kaom kasap ngai, tuun Pathian sangai kha eini ni-ejei, takkha eini angme nilahong esik tihi tuun la-inthiarmak, takkha Christa juo-inlar nikhan eini ama ni-angsik itihi eini'n nijet, ajarchu eini'n ama kha apum tak-ah nimusik eii.

1 John 3:2 ပူးပေါင်းရင်းမြစ်များ

Matthew 5:8

“Malung inthiang ngaikha rawaan intha; ajarchu inmani'n Pathian kha inlamusik eii.”” Minpkla 24:3,4

Luke 17:30

Miring sapa juo-inlarna nikhuo nikhan num khawa angnga akasuok sik eii.””

Luke 20:36

Ajarchu inmani kha woikhat thinunujei, ajarchu inmani kha marwaan tirton ngaile in-angjei, halli thiya inphut karing sa ngaikha in-e jarra Pathian sangai inejei.

John 1:12

Takkha, ama ramingnga inngamna-ah ama karalaang miring rakipdiang, Pathian sangai enasik ama'n ranak apeii.

John 11:52

inmani sikbit emak, takkha inchekchaiya kaom Pathian mi ngaikha inkhat bit-ah aheikeichun nasik eii.

John 17:24

“Pa Pathian! nang in keidiang ninapeii ngaikha, kei omnakhan inmani-um keile kin-om suomzoot, ajarchu nang in keidiang ninapeii kei lurna lianna kha inmani innum murasu, ajarchu manmasituol injir ma-ah nang in kei kha nanaminriang.

Rome 8:16

Pathian Ratha'n eini Rathale injomma einihi Pathain sangai ni-eii tia sakhi nanchangpi.

Rome 8:18

Ajarchu atuunlaiya poongna nideihi eini diangnga anamalarpisik lurlianna khale minkhisik-ah rahoi kasuok emak tihi kei'n kangaidon.

Rome 8:19

Pathian sangai juominlar sikkha ama kutbool rakip in inngaakchak ah inom.

Rome 8:29

Khat-um Pathian in ikoisuok mi ngai khachu ama asapa ka-ang enasik-ah ikhoithensuo ejei, khawa jarra ama sapa kha kangamna ngai rakip karra mansakhet esik eii.

1 Corinthia 13:12

Ajarchu tuun nimu hichu aziingna-ah meengsial ni in-en ka-ang eii, takkha meel li meel nila-inmusik eii. Tuunchu kei'n huui katungnga lajetmong, takkha kei huui katungnga inajet angnga kei'n huui katungnga kalajetsik eii.

1 Corinthia 15:49

Dialdook-ah inbool mipa ramil eini'n nilei angnga, marwaan makheiya mipa ramil kha eini'n nileisik kha eii.

1 Corinthia 2:9

Takkha, hintia lei-injiajei, “Tuteii mit-in inlamumak, tuteii kuor-in inlajetmak, manmasi tuteii malung innun i-ngaidonmak, kha Pathian'n ama kaminriang ngaisik-ah aminsuuk pijei.”” Isa 64:4

2 Corinthia 3:18

Eini rakip chu maikhumleiya Pumi lurna kha niminwar kha eii; khawa lurna Pumi ah inphut akajuo Ratha takkhan ama kapuo-ah apha rakip sik-ah nimeel naminthuulpi ejei.

2 Corinthia 4:17

Ajarchu hiwa lekteii phabongkhat sikbit ah poongna nidei hin eini sik-ah, poongna neek-ah ngaksik kaom khat-um hektik kaboi lurna kha aheichoisik eii.

Galatia 3:26

Nangni Christa Jisu le inchunna suungnga ngamna jarra nangni rakip Pathian sangai ning ejei.

Galatia 4:6

Nangni asa ngai ning-ekha malarnasik, Pathian in Asapa Ratha kha nimalung suungnga ajuotirra, khawa Ratha khan, “Pa, Kapa,”” tia akoi.

Philippia 3:21

Halli Ama'n angrakip phurgaihi ama wairoonna nuoiya nada matorna Ranak kha inliingnata eini ngairakip taksa kajeimak kathisik hi, ama lurlianna taksa angnga anaboolsik eii.

Colossia 3:4

Nangni ringkhuo ka-eii, Christa juo-inlar phakhan, nangni um lurna lianna khan amale ning-inlarsik eii.

Hebrew 9:28

Khawale in-ang rip-ah, Christa kha-um mi katamtak manu ngai kakhai sik-ah woikhat bit-ah na-inphalpi ejei. ama woini huuina alajuo inlarsik eii, khachu Manu chungnga chuonkathosik emakjei, takkha ama kangaakchak ah kaom ngai kasanring sik-ah ejei. Isa 53:12

2 Peter 1:4

Khawa jarra hiwa kutchoi ngaihin ajar eya hiwa nuoipilchung manuomna hin mangna sik-ah inphut nangni'n ningsuokthei nasik khat-um Pathian omchan kha tum ningchang theinasik, hinthoa ama'n einidiang chong inkhitna kalokkhet khat-um amankatam kutchoi ngaikha anapejei.

1 John 2:28

Tuunchu kiminriang kasa ngai, amadiang inchat lekleiya omru, ajarchu ama'n inlarra ajuo nikhuo khan eini'n ama maikuungnga kachi khat-um injak ommaknasik.

1 John 2:7

Minriang kaom kasap ngai, kei'n nangnidiang kimajia hiwa chongpeii hi akathar kha emak; inphutna makheiya nangnidiang kaomjei amaruo chongpeii kha eii. Amaruo chongpeii khachu nangni'n ningjetjei chongpui kha ejei. Jn 13:34

1 John 3:1

Enru Pa Pathian in einihi angtuk inaminriangme! Ama minriangnahi hituk lokjarra einihi Pathian sangai tia anakoi, halli inthiangnga eini ama sangai ni-eii. Hiwa jarra manmasituol in eini najetmu ajarchu Pathian kha jetmu. Jn 1:12

1 John 3:10

Pathian sali Seitan sa inthenjek nakha hi eii: akadik kathomak emakli a-u anai kaminriangmak inmani ngaikha Pathian sangai emu.

1 John 3:21

Kiminriang kasap ngai, eini malung khan anamapur mak-inchu, eini'n Pathian maikuungnga kangirsik-ah kachi ommakjei.

1 John 5:1

Jisu hi Messiah eii tia kangamna miring kha Pathian sa eii; halli Pa Pathian kaminriang miring khan asapa kha-um aminriang.

Chongmalar 2:28

kei innum khawa miring padiang ziingtiang Sorpa arsi kha kapesik eii.

Chongmalar 22:4

Inmani ngai'n ama meel kha inmusik eii, halli ama raming kha inmani ngai machalla injiasik eii.