1 John 2:28 - Bible Inzootna Kathar

²⁸ Tuunchu kiminriang kasa ngai, amadiang inchat lekleiya omru, ajarchu ama'n inlarra ajuo nikhuo khan eini'n ama maikuungnga kachi khat-um injak ommaknasik.

1 John 2:28 ပူးပေါင်းရင်းမြစ်များ

Matthew 16:27

Ajarchu Miring Sapa in Apa lurna lianna khan ama marwaan tirton ngaile inruoiya ajuosik eii, halli khawa phakhan ama'n mi rakip ama chuonleitho dungjuiya atum apesik eii. Matt 25:31; Minpkla 62:12; Rom 2:6

Matthew 16:28

Kei'n nangni diang inthiangnga kiril eii, hiwa hinna tuun kangirra kaom lekkhat chu Miring Sapa in Reng eya ijuo inmu makma thinunu.””

Mark 8:38

Mi inkhat in kei jarra khat-um kei minchuna hi hiwa Pathian kajetmak khat-um akachok khanghin injak inchu, Miring Sapa innum apa lurna khat-um inthiang marwaan tirton ngaile ajuoni khan ama innum khawa miring chungnga injaksik eii.””

Luke 17:30

Miring sapa juo-inlarna nikhuo nikhan num khawa angnga akasuok sik eii.””

Rome 9:33

Chong inthiang in hinthoa lei injia, “Enru, Kei'n Zionna lungkha kada, khawakhan mipui ngai insuina sik-ah kibool eii, Halli khawa lungpui'n inmani kha purna apesik eii.”” Takkha amadiang kangamna inmani khachu malung kakoi omnunijei. Isa 28:16

1 Corinthia 1:7

Nangni'n eini Pumi Jisu Christa inlarsik kha ningngaak le inruoiya nangni'n Pathian kutchoi kamusik iteii inngamsamna ommakjei;

1 Corinthia 15:23

Takkha mi rakip ama ama pha-ah aminringsik eii: Christa in mansakhet-ah, halli ama diangnga kaom mi ngai'n Christa juonikhan inringsik eii.

Ephesia 3:12

Ama diangnga inphut khat-um amadiang ngamna jarra eini'n Pathian diang ngamna khat-um nilungdouwa luutmatorna nimu kha eii.

Colossia 3:4

Nangni ringkhuo ka-eii, Christa juo-inlar phakhan, nangni um lurna lianna khan amale ning-inlarsik eii.

1 Thessalonia 2:19

Nipumi Jisu ajuopha ama maikuungnga, kinraal matorna jarra kin in-orna, kinrokna khat-um kin-inngamna kha nangni jarra eii, nangni hi aleiilak ngaineek ah akatasam emakchu.

1 Thessalonia 3:13

Eini Pumi Jisu ami ngai rakiple inruoiya ajuopha, eini Pathian khat-um Nipa maikuungnga nangni inthiang le puikatung enasik hinthoa ama'n nangni naminngarsik eii.

1 Thessalonia 5:23

Kadai kanape Pathian ama khan, nangni kha angrakip-ah naminthiang rase, halli eini Nipumi Jisu Christa ajuopha khan. Ningratha, ningringphuuk, khat-um ningtaksa pumpui kha inthiangnga nadarase,

1 Timothy 6:14

khawa khachu eini Pumi Jisu Christa ajuo inlarna nikhuo emaklaiseng chongpeii hi kamasial emakli noonkuung kape elekleiya juiro.

2 Timothy 4:8

Tuunchu matorna chuonthoman akatuun renglukhu kha kei sik-ah anangaak chak-ah omjei; khawa nikhuo khan chongtan katuun Pumi khan anapesik ejei. Khawa kha keisik bit emak, takkha ama juo-inlar nasik kha riangwai tak-ah kangaak rakip diang apesik eii.

Titus 2:13

Inthang Pathian, Nakatanpa Jisu Christa kul ra-aangle kajuosik rawaan katha Nikhuo ka-ngaak ngaikha ni eii.

Hebrew 9:28

Khawale in-ang rip-ah, Christa kha-um mi katamtak manu ngai kakhai sik-ah woikhat bit-ah na-inphalpi ejei. ama woini huuina alajuo inlarsik eii, khachu Manu chungnga chuonkathosik emakjei, takkha ama kangaakchak ah kaom ngai kasanring sik-ah ejei. Isa 53:12

1 Peter 1:7

Nangni thosik danchu ingamna hi kadik eii tia minmusik, tichu minmangthei ka-eii soonna hi-um meiya inrouwa in-en inle nangni inngamna kha soonna neek ah kathadoom kha-um madan inta in-ensik eii, khawakha e-inchu nangni ngamna khan deimatorna neiningte. Halli Jisu Christa juoinlarni nangni'n minpaakna, lurlianna khat-um kayana kha muningte.

1 Peter 5:4

Halli akaliankhet keelngam kakhaalpa ajuo kaalkhan nangnidiang kachuoi kaboi lurna renglukhu kha ningmusik eii.

1 John 2:1

Kei kasa ngai, nangni'n manu ningthomak nasik kei'n hiwahi nangnidiang kimajia eii; takkha tu ka-ang miring khan manu atho inchu, eini rathuulla Pa Pathian diang kanarilpi akadik inkhat om, khachu Jisu Christa.

1 John 3:2

Minriang kaom kasap ngai, tuun Pathian sangai kha eini ni-ejei, takkha eini angme nilahong esik tihi tuun la-inthiarmak, takkha Christa juo-inlar nikhan eini ama ni-angsik itihi eini'n nijet, ajarchu eini'n ama kha apum tak-ah nimusik eii.

1 John 3:21

Kiminriang kasap ngai, eini malung khan anamapur mak-inchu, eini'n Pathian maikuungnga kangirsik-ah kachi ommakjei.

1 John 4:17

Chongtanna nikhuo nikhan eini'n kachi ommaknasik, minriang kha einidiang pui mintung; eini'n kachi omnuni ajarchu manmasituolla eini ringkhuo hi Christa ringkhuole in-ang.

1 John 5:14

Eini'n Pathian maikuungnga kachi ommak, ajarchu ama lungdou dungjuiya angrakip nini inchu, ama'n anarangaipi.

Chongmalar 1:7

Enru, suumphai le inruoiya ama ajuojei! Mi rakip in ama inmusik eii, kaseiya ama kasun ngai innum inmusik eii. Nuoipil chungnga kaom mi rakip in ama chungnga insirna inneisik eii. khawa takkha erase! Amen. Dan 7:13; Zech 12:10; Matt 24:30; Mk 13:26; Luk 21:27; Jn 19:34,37; 1 Thes 4:17