1 John 2:17 - Bible Inzootna Kathar

¹⁷ Manmasituol khat-um miring ngai imanuom rakipchu alamangsik eii; takkha Pathian lungdou katho inmani ngaichu kumsoot inringsik eii.

1 John 2:17 ပူးပေါင်းရင်းမြစ်များ

Matthew 21:31

Hiwa inni ngai karra tu-inme apa lungdou leikatho?”” “Upapa eii,”” tia inmani'n inleimasang. Jisu'n inmani diang aleimasang, “Kei'n nangni diang inthiangnga kiti hi eii: rampar kakhoom ngaili zool-inthai ngai'n Pathian Rengram tiang ningma insa ah insisik eii.

Matthew 24:35

Marwaan li nuoipil chu lamangsik eii, takkha kei kachong ngaichu angtikniteii mangnuni.

Matthew 7:21

“Kei diang “‘Pumi, Pumi’’ kanati mi rakip in marwaan rengram kha luutnunu, takkha marwaanna kaom ka-Pa lungdou akatho ama bitkhan aluutsik eii.

Mark 3:35

Tu e-innum Pathian lungdou katho ngaikha ka-u kanai, kanu khat-um kasar ngaikha in eii.””

John 4:14

Takkha kei'n kapesik tuikha ka-in ama khachu woikhat inlet-ah tuikaraal omnuni. Kei'n amadiang kapesik tui khan amadiang tuiring inchangta kumsoot ringna kha esik eii.””

John 6:58

Hiwahi eii, marwaan makheiya kajuo waipool kha; ningpi ningpu ngai'n inleibak suonuk inleithi ka-ang emak, hiwa waipool kabak miring khachu kumsoot ringna aneisik eii.””

John 7:17

Tu ka-ang mi'n Pathian lungdou thosik-ah akadang inchu, ama'n kei minchunahi Pathian makheiya kajuobe emakli kei katheinuo ta kirilbe tikha ajetsik eii.

Rome 12:2

Ajarchu ningtaksa kha manmasituol omchan kajui min-emaru, takkha ningmalung pumpui mintharnook inlang intei etaru. Khawakha e-inchu Pathian lungduoa angme ama athana, rokna, khat-um puui tungnakha jetjeiningte.

1 Corinthia 7:31

halli manmasituolle inlop mi ngai'n manmasituol injetmak angnga omrasu. Ajarchu hiwa manmasituol hi alaheksik eii.

Colossia 1:9

Hiwa jarra, keini'n nangni jarra kinjetniya inphut, keini'n nangni sik-ah Pathian kani inchatmung. Ratha inapeii lungsing lungwar khat-um jetna theina rakip khan Pathian lungdou kha nangnidiang siprase kintia Pathian diang kinni.

Colossia 4:12

Nangni mi ka-eii khat-um Christa Jisu suok-um ka-eii Epaphras in anaminpaak. Nangni'n Pathian lungdou khan kacheet-ah ningngirnasik, akachang khat-um kacheet-ah ka-ngamna ning enasik inchatlekleiya Pathian diang ananipi. Col 1:7; Philem 23

1 Thessalonia 4:3

Nangni inthiangsik khat-um zool-inthaiya inphut pum-inthiang inthiang sik hi Pathian imanuom kha eii.

1 Thessalonia 5:18

angrakip-ah minpaakru. Hiwahi Christa Jisu diang nangni sik-ah Pathian lungdou kha eii.

Hebrew 10:36

Pathian lungdou kha thona sik-ah khat-um angme ama chong-inkhitna kha ralaangnasik ah nangni kadeikaraat sik hi arei ejei.

James 4:14

Nangni ringkhuo hi ziingnga ang esikme tihi jetmakchu! Nangni hapkhatliai sik-ah inlarliya kamangrit ziingkhum ka-ang kha ning-eii. Chongil 27:1

1 Peter 1:5

Hiwarakip ngaihi nangnisik eii, inngamna dungjuiya sanminring nasik beiya Pathian ranak in katha tak-ah ida kha, ahekna nikhuoni khan malarnasik beiya insuukchak-ah omjei.

1 Peter 4:2

Halli atuun makheiya nangni'n ninglaringsik ringkhuo hi Pathian lungduo nuoiya ningring sikjei, khat-um manmasi ngai imanuom ringkhuoa ringnutunjei.