Luke 9:22 - Хӑнты Перевод Библии

²² йастәс: "Хŏйат Пŏха мосәԓ ар шук туты, уна уԓты икетән, Турма йир верты хŏйатәт ŏх икетән, Закона утәԓтәты икетән вана ӑт ўты вер уԓ, пӑ пӑратты вер уԓ, щӑԓта хуԓмет хӑтәԓән нŏх ԓыԓәӈԓәты верәԓ уԓ".

Luke 9:22 ပူးပေါင်းရင်းမြစ်များ

Genesis 3:15

пӑ щӑԓта нӑӈ пӑ нэ, нын кўтәнән атмащ уԓты щир верԓәм, нӑӈ энмәԓты ŏтԓан пӑ ԓўв энмәԓты ŏтԓаԓ кўтән йэԓԓы ищи атмащ уԓты щир пŏнԓәм; хŏйат нӑӈен ŏхен эԓты веԓты питԓәԓы, нӑӈ пӑ ԓўвеԓ кўр йŏтԓаӈ эԓты пŏрэмәԓэн».

Luke 17:25

Туп оԓәӈән Ԓўвеԓ ар шук туты мосәԓ пӑ ин уԓты хŏйатәтән вана ӑт ўты вер уԓ.

Luke 24:26

Христоса мўй ӑнта щиты шук туты мосәс пӑ Ԓўв хутԓәты–вŏрԓәты щирәԓа ԓŏӈты?"

Luke 24:44

Пӑ ԓывиԓаԓа йастәс: "Тӑм щит, мўй эԓты Ма нынана пŏтәртысәм, хун нын пиԓәнән уԓмемән, иса щит питты верәԓ уԓ, мўй Ма эԓтэм Моисей Закон йасӈәт хŏща, Турәм йасәӈ туты хŏйатәт хŏща пӑ Псалмәт хŏща хӑшман уԓԓа".

Luke 24:7

"Хŏйат Пŏх кӑрэкәӈ хŏйатәт йоша мӑты вер уԓ, щӑԓта пернайа сэкты вер уԓ, пӑ хуԓмет хӑтәԓән нŏх ԓыԓәӈԓәты верәԓ уԓ".

Luke 9:44

"Тӑм йасӈәт нын нŏпсәна пŏнаԓән: Хŏйат Пŏх хŏйатәт йоша мӑԓа".