Luke 8:15 - Хӑнты Перевод Библии

¹⁵ Йӑм мўва питәм ԓат сэмәт хŏрпет тухәԓ хŏйатәт, хŏй йасәӈ хуԓмеԓ йўпийән йӑм пӑ вещкат сӑмԓаԓән шавиԓэԓ, пӑ щи йасӈеԓ ун йӑм вер верәԓ"; Щит йастәмаԓ йўпийән, Ԓўв такан йастәс: "Хŏй хуԓты пӑԓ тӑйәԓ ки, ат хуԓәԓ!"

Luke 8:15 ပူးပေါင်းရင်းမြစ်များ

Luke 11:28

Туп Ԓўв йŏхԓы йастәс: "Щўԋәӈ щит, хŏй Турәм йасәӈ хуԓәԓ пӑ щиты верәԓ!"

Luke 6:45

Сӑмәԓ йӑм хŏйат сӑмәԓән шавиты йӑмәԓ этәԓтәԓ, ԉикәӈ хŏйат сӑмәԓән тӑйты ԉикәԓ этәԓтәԓ, хŏйат тэԓәӈ сӑмәԓ эԓты ԓўв ўӈԓәԓ пŏтәртәԓ".

Luke 8:14

Пуԓән кўта рӑкнәм ԓат сэмәт хŏрпет тухәԓ йасәӈ хуԓты хŏйатәт, туп ԓыв айән-айән кашәӈ хӑтәԓ верԓаԓән, тащәӈ пӑ каш хŏрпи уԓәпсайән йŏхи пайәтԓайәт, пӑ щи йасәӈ нэмәԓтыйа ӑт йиԓ.

Luke 8:16

Нэмәԓты хŏйат тўт сун ўщәтмаԓ йўпийән, хŏшамән лӑп ӑт пŏнԓәԓы, мўй пӑ иԓ ӑт хӑԋатԓәԓы, хŏԓна пӑ тўт акԓа нŏх опсәԓԓәԓы, ԓŏӈты хŏйатәта нŏви ат ныса.