Luke 8:1 - Хӑнты Перевод Библии

¹ Щи йўпийән Иисус вошәт куртәт хўват, Турәм эԓты сыйәӈа пŏтәртман, Йӑм айкеԓ Турәм Хон Уԓәпса эԓты тўвман, йӑӈхәс. Ԓўв пиԓәԓән кӑтхŏщйаӈ утәԓтәты йохԓаԓ усәт,

Luke 8:1 ပူးပေါင်းရင်းမြစ်များ

Luke 1:80

Ԋаврэмийэ щи сыс энмәԓтыйәс пӑ ԓыԓәԓ-нŏпсәԓ такамтыйәс, таԓ шитам тӑхайәтән Израильәԓ хŏща эттаԓ унты ус.

Luke 20:1

Щи хӑтԓәтән и пўш, хун Ԓўв хŏйатәт Турәм Хотән утәԓтәс пӑ Йӑм айкеԓ эԓты сыйәӈа пŏтәртәс, Турма йир верты хŏйатәт ŏх икет пӑ Закона утәԓтәты икет, уна уԓты икет пиԓән Ԓўв хŏщайәԓа вана хӑтсәт

Luke 4:18

"Турәм Куща Ԓыԓ Ма хŏщайэм уԓ; Ԓўв Мӑнэм, куԋарәта Йӑм айкеԓ йастәты урәӈән, ԋŏсәтсәԓы, пӑ Мӑнэм, сӑмԓаԓ рӑкнәм хŏйатәт тўмтака верты урәӈән, китсәԓы, ԋӑрэмәм хŏйатәта хŏԓт сŏхәнты вер пӑ сэмԓы хŏйатәта – сэмәӈа йиты вер аԉты китсәԓы, шукатты хŏйатәт хŏԓт эсәԓты китсәԓы,

Luke 9:6

Ԓыв мӑтсәт, пӑ куртәт сӑхат кашәӈ тӑхайән Йӑм айкеԓ тутԓыман пӑ мушәӈ хŏйатәт йӑмәԓтман йӑхсәт.

Acts 10:38

Хŏты Турәм Назарет эԓты уԓты Иисус Йэмәӈ Ԓыԓән пӑ йурән ԋŏсәтсәԓы. Пӑ Ԓўв йӑм верман пӑ хŏԓ хŏйатәт, хŏй хиԋән катәԓман усайәт, тўмтака верман, йӑӈхәс, Турәм Ԓўв пиԓәԓән ус, щишән.

Acts 13:32

Пӑ мўӈ нынана Йӑм Айкеԓ йастәԓув: ащиԓува аԉәм вер, Турәм мўӈева тӑԓаӈа версәԓы, ԓыв ԋаврэмԓаԓа, Иисус нŏх ԓыԓӈатман,