Luke 7:39 - Хӑнты Перевод Библии

³⁹ Хун Иисус вохәм фарисей щит шийаԓәс, нумәсэмәс: "Тӑм йӑна Турәм йасәӈ туты хŏйат ки ус, Ԓўв ԓуԓән уйәтсәԓы, хŏй, мўй хŏрпи нэ Ԓўв хŏщайәԓ хӑныԓыйәԓ, щит кӑрэкәӈ нэ".

Luke 7:39 ပူးပေါင်းရင်းမြစ်များ

Luke 12:17

пӑ ԓўв щирәԓән нумәсәԓ: "А мўй мӑнэм верты? Энмәм ԓэтәтԓам хŏԓта пŏнты?"

Luke 15:2

Фарисейәт пӑ щӑԓта Закона утәԓтәты хŏйатәт ўшмащсәт, пŏтәрԓәт: "Тӑм Хойат кӑрэкәӈ мŏхәт вана ўԓԓы пӑ ԓыв пиԓԓаԓән ԓэԓ!"

Luke 16:3

Щишән щи хŏйат ԓўв турмәԓән нумәсыйәԓ: "Хŏты нэриты? Ма кущайэм хот шавиты пӑ ԓэщатты верэм нŏх ўԓԓы; мўв хирты йур ӑт тӑйԓәм, ԓэтŏт вохты йэԓәмԓайәм;

Luke 18:4

Туп ԓўв хўв ӑт кашащәс. Йухәт иԓта нŏпсәԓән йастәс: "Турәм эԓты ма кўш ӑт пӑԓԓәм пӑ хŏйатәт эԓты ӑт йэԓәмԓайәм,

Luke 3:8

Кӑрэк эԓты шӑшән керԓәм щирән йӑм верԓәнән аԉаԓән, xŏты йўx йӑм ԓэвпәс энмәԓтԓәԓ. Аԓ тӑйаты тӑмәщ нŏмәс, йастыман: "Мўӈ ащев – Авраам!" Нынана йастәԓәм, Турәм тӑм кев шўкәт эԓты Авраама ԋаврэмәт верты верәтәԓ.

Luke 7:16

Хŏйатәт пӑԓщәмән йŏхәтсайәт, пӑ ԓыв Турәм вŏԓаӈа айәԓтты питсәт, пŏтәртԓәт: "Вŏԓаӈ, ун Турәм йасәӈ туты хŏйат этәс, мўӈ кўтэвән уԓ! Турәм мирәԓ хŏща ԋотты йŏхтәс!"

Luke 7:37

Щи вошән и уԉԋайа уԓты нэ ус, Иисус фарисей хотән ԓэты вер хуԓмаԓ кемән, нŏви кев эԓты верәм, эпԓәӈ миро вŏйән пŏнәм, ващ турпи пўт тус.

Luke 7:38

Щӑԓта, ԓўв шӑш пеләк сӑхат Иисус кўрнат шŏма шаншәха омәсман пӑ хоԓԓәман, Ԓўв кўрԓаԓ сэмйикән ŏвӈәԓтты пӑ ŏхсŏхԓаԓән нŏх мухты питсәԓы. Ԓўв кўрԓаԓ мосәԓтәсԓы пӑ эпԓәӈ миро вŏйән ԋŏсәтсәԓы.

Luke 7:40

Ԓўв пеԓайәԓ Иисус йастәс: "Симон! Ма нӑӈена мŏԓты йастәты верэм уԓ". Ԓўв йастәс: "Пŏтәрта, Утәԓтәты Ху".