Luke 7:22 - Хӑнты Перевод Библии

²² Щӑԓта Ԓўв щиты йŏхԓы йастәс: "Мӑнаты пӑ Иоанна пŏтәртаты, мўй ватсәты, хуԓсәты: сэмԓы хŏйатәт сэмәӈа йиԓәт, нохты хŏйатәт йӑма шушиԓыԓәт; ԓайӈәӈ ԋўлмәӈ хŏйатәт сыстама йиԓәт, пӑԓԓы хŏйатәт хуԓԓәт, пӑрәм хŏйатәт нŏх ԓыԓӈатԓайәт, пӑ нўша хŏйатәта Йӑм айкеԓ эԓты сыйәӈа пŏтәртԓа;

Luke 7:22 ပူးပေါင်းရင်းမြစ်များ

Luke 4:18

"Турәм Куща Ԓыԓ Ма хŏщайэм уԓ; Ԓўв Мӑнэм, куԋарәта Йӑм айкеԓ йастәты урәӈән, ԋŏсәтсәԓы, пӑ Мӑнэм, сӑмԓаԓ рӑкнәм хŏйатәт тўмтака верты урәӈән, китсәԓы, ԋӑрэмәм хŏйатәта хŏԓт сŏхәнты вер пӑ сэмԓы хŏйатәта – сэмәӈа йиты вер аԉты китсәԓы, шукатты хŏйатәт хŏԓт эсәԓты китсәԓы,

Luke 7:21

Щи пŏрайән Иисус ар сыр муш пӑ кӑши эԓты, кўԉ сŏх эԓты йӑмәԓтәс, пӑ мŏԓты кем сэмԓы хŏйатәта ватты щир мойԓәс.

Luke 7:23

Щит ŏйәӈ, хŏй мӑнэма эвәԓты нŏх ӑт вŏԓыйәԓ".

Acts 26:18

ԓывиԓаԓа сэмԓаԓ пел пўшты, ԓыв пӑтлам эԓты нŏви пеԓа ат ӑӈкәрмәсәт пӑ хиԋ йур эԓты Турәм пеԓа, пӑ Мӑнэма эвәԓты верән кӑрэк йŏрэмәты щир пӑ йэмәӈа пайтәм мŏхет кўтән уԓты щир ат мŏщатсәт'.

Acts 8:7

Катәԓман уԓәм ар хŏйат эԓты кўԉ сŏхәт такан щӑлыман, ким этыԓысәт, ар пеләк щащԓы питәм ŏтәт пӑ нохты хŏйатәт тўмтака йўвиԓысәт.