Luke 7:16 - Хӑнты Перевод Библии

¹⁶ Хŏйатәт пӑԓщәмән йŏхәтсайәт, пӑ ԓыв Турәм вŏԓаӈа айәԓтты питсәт, пŏтәртԓәт: "Вŏԓаӈ, ун Турәм йасәӈ туты хŏйат этәс, мўӈ кўтэвән уԓ! Турәм мирәԓ хŏща ԋотты йŏхтәс!"

Luke 7:16 ပူးပေါင်းရင်းမြစ်များ

Luke 1:65

Щиӈәԋща ԓывиԓаԓ керәтман уԓәм хŏйатәт пӑԓщәмән йŏхәтсайәт, пӑ ин щи вер эԓты кев пеләк Иудея мўв ԓŏватән пŏтәртты питса.

Luke 1:68

"Турәм Куща - Израиль Турәм ат ишәкԓа, Ԓўв Израиль мирәԓ хŏща йŏхтәс пӑ хŏԓт пайтәсты щир мӑс,

Luke 19:44

нӑӈ пӑтэн унты шўкатԓайән, ԋаврэмԓан па нӑӈ ԓыпенән пӑратԓайәт, пӑ нӑӈ ԓыпенән омәсты и хот ӑт хӑщәԓ, мўйа нӑӈ хŏщайэн Турәм йŏхтыԓыйәм пŏра ӑт мŏштәсэн, щи урәӈән!"

Luke 2:20

Тащ шавиты икет йŏхԓы йŏхәтсәт, Турәм вŏԓаӈа айәԓтман пӑ ишәкман, мўй хуԓсәт пӑ ватсәт, щит иса ԓывиԓаԓа йастәман ус, щи урәӈән.

Luke 24:19

Щӑԓта Ԓўв ԓынан ищмәсԓы: "Мўй эԓты?" Ԓын Ԓўвеԓа пŏтәртсәԓән: "Назарет эԓты уԓты Иисус пиԓән мўй ус, Турәм йасәӈ туты хŏйата ус, верән пӑ йасәӈән Турәм хŏща, аратәԓ мир хŏща йурәӈ ус.

Luke 5:26

Щиӈәԋща вантәм хŏйатәт пӑԓщәмән йŏхәтсайәт, ԓыв Турәм вŏԓаӈа айәԓтсәт пӑ, пӑԓман, пŏтәртсәт: "Тӑмхӑтәԓ унты ӑт вантыԓыйәм верәт мўӈ ин щи ватсув!"

Luke 5:8

Щит шийаԓәмаԓ кемән, Иисусән Петрайа айәԓтәм Симон Иисус шашӈән хŏща рӑкнәс пӑ йастәс: "Турәм Куща, ма эԓтэм йэԓ мӑна, ма кӑрэкәӈ хŏйат".

Luke 7:15

Пӑрәм пŏх нŏх опсәс пӑ пŏтәртты питәс; Иисусән ԓўв аԋԏеԓ йоша катԓәптәса.

Luke 7:39

Хун Иисус вохәм фарисей щит шийаԓәс, нумәсэмәс: "Тӑм йӑна Турәм йасәӈ туты хŏйат ки ус, Ԓўв ԓуԓән уйәтсәԓы, хŏй, мўй хŏрпи нэ Ԓўв хŏщайәԓ хӑныԓыйәԓ, щит кӑрэкәӈ нэ".

Luke 8:37

Гадара вош ԉэп мўвән уԓты хŏйатәт хŏԓ Иисус пўӈԓа мӑнты партсэԓ, шек ун пӑԓщәмән йŏхәтсайәт, щишән. Ԓўв хопа ԓэԓәс пӑ йŏхԓы мӑнты питәс.

Luke 9:19

Ԓыв йŏхԓы йастәсәт: "Иоанн йиӈка ԓŏӈәԓтыты хŏйат йўкана, тухԓәтән пӑ – Илия йўкана; па хŏйатәт пӑ йастәԓәт, катра пŏрайән уԓәм Турәм Йасәӈ туты икет эԓты и мӑтты ŏт нŏх ԓыԓәӈԓәс".

Acts 5:5

Щи йасӈәт хуԓмаԓ кемән, Анания щӑх рӑкнәс; пӑ щит хуԓәнтәм ŏтәт хŏԓ ун пӑԉщәмән йŏхәтсайәт.

Acts 7:37

Тӑми щи Моисей, хŏй Израиль пŏхәта йастәс: 'Турәм айкеԓ туты хŏйат нынана Турәм Куща нын Турмән нын хӑнам йохԓән кўт эԓты ма итэмән мӑԓ; Ԓўвеԓ хуԓәнтаты'.