Luke 7:13 - Хӑнты Перевод Библии

¹³ Ими шийаԓәмаԓ кемән, Турәм Куща сӑмәԓ хощты питәс, щаԉа ўсԓы пӑ ԓўвеԓа йастәс: "Аԓ хоԓԓа!"

Luke 7:13 ပူးပေါင်းရင်းမြစ်များ

Luke 10:1

Тӑм йўпийән, Турәм Куща па ԓапәтйаӈ утәԓтәты хŏйат пирыйәс, пӑ ԓывиԓаԓ кӑтәнән Ԓўв йэԓпеԓән кашәӈ воша пӑ кашәӈ тӑхайа китсәԓы, хŏԓта Ԓўв йӑхты ўтщийәс,

Luke 11:1

Имŏԓты ишән, хун Иисус и тӑхайән пойәкщәс, пӑ нŏх вŏԓымаԓ йўпийән, и утәԓтәты хуйәԓ Ԓўвеԓа йастәс: "Турәм Куща! Мўӈев пойәкщәты утәԓты, хŏты Иоанн утәԓтәты йŏхԓаԓ утәԓтәс".

Luke 11:39

Туп Турәм Куща ԓўвеԓа йастәс: "Нын, фарисейәт, анԓән-сунԓән эԓтыԓаԓ сыстапԓәԓән, нын ԓыпиԓән аратэԓән тармәт пӑ ԉикәӈәт.

Luke 12:42

Турәм Куща пӑ йастәс: "Хŏй вещкат пӑ ŏшәӈ хот шавиты пӑ ԓэщатты хŏйат, кущайән митйохԓаԓ нўмпийа пŏнԓа, мŏрт пŏрайән мŏрт арат ԋаԋ ортты урәӈән?

Luke 13:15

Турәм Куща ԓўвеԓа йŏхԓы йастәс: "Кӑт вешпи ŏт! Нын эԓтайән кашәӈ ŏт шаббат хӑтәԓән ԓўв мисәԓ, мўй пӑ оселәԓ ԓойты тӑхайәԓ хŏща мўй хŏԓт ӑт эӈхиԓыԓԓы пӑ йищәԓтәты мўй ӑт тутԓиԓԓы?

Luke 17:5

Щӑԓта апостоләт Турәм Кущайа йастәсәт: "Мўӈ эвәԓты верэв арамты!"

Luke 17:6

Турәм Куща йастәс: "Нын горчица ԓат сэм ԓŏват эвәԓты вер тӑйсәты ки, пӑ тӑм смоква йўха йастәсты: мўв эԓты нŏх лакәптыйа пӑ щарса опсанта", ԓўв ԓуԓән нынана хуԓәнтәс.

Luke 18:6

Турәм Куща йастәс: "Хуԓԓәԓән, ӑнтом вещкат сўт ики мўй пŏтәртәԓ?

Luke 19:8

Закхей пӑ, ԓойман, Турәм Кущайа йастәс: "Турәм Куща! Тӑйты хот тэԓэм и шупәԓ нўша хŏйатәта мӑԓэм, пӑ хŏй эԓты мŏԓтас усәм ки, щита ԋӑԓ пўш аратән йŏхԓы мӑԓэм".

Luke 22:61

Щи пŏрайән Турәм Куща, йŏхԓы карэмәман, Петра пеԓа ӑӈкәрмәс. Петра щиӈәԋща Турәм Куща йасӈәт нумәԓмәсԓы, хŏты Ԓўв ԓўвеԓа йастәс: "Щищкурэк ўваԓтты йэԓпийән, нӑӈ Мӑнэм уйәтты верен хуԓәм пўш лӑп ўратысэн".

Luke 24:3

Щӑԓта, ԓыпийа ԓŏӈмеԓән, ԓыв Иисус, Турәм Куща, мотавтәԓ щита ӑт уйәтсэԓ.

Luke 24:34

Ԓыв пŏтәртсәт, мӑтты Турәм Куща йӑна нŏх ԓыԓәӈԓәс пӑ Симон хŏща этәс.

Luke 7:12

Хун Ԓўв вош пушас ова вана йŏхтәс, вош эԓты пӑрәм хŏйат ким этәԓтәса, икиԓы хӑщәм ими туп тӑйәм и пŏхәԓ ус. Ши ими пиԓән вош эԓты ар хŏйат шушәс.

Luke 7:14

Вана шушман, Иисус ԓэԓтŏта йошәԓән хӑнәмтыйәс; ӑпа тўвәм мŏхет иԓ ԓойсәт. Щӑԓта Иисус йастәс: "Энәмты пŏх, нӑӈена йастәԓәм, нŏх ԓойа!"

Luke 7:19

Кӑт хŏйатӈәԓаԓ вана вохман, Иисус хŏща китсәԓы, иԋщәсты: "Нӑӈ мўй Щит, Хŏй йŏхәтты верәԓ уԓ, мўй пӑ па Ŏт ԓавәԓты мосәԓ?"

Luke 8:52

Хŏԓыйэ эви урәӈән хоԓԓәсәт, ирӈәԓтысәт. Туп Иисус йастәс: "Аԓ хоԓԓаты; ԓўв ӑнта пӑрәс – ԓўв ŏԓәԓ".