Luke 6:27 - Хӑнты Перевод Библии

²⁷ "Нынана, Мӑнэм хуԓәтты ŏтәта, пŏтәртԓәм: нынан нўрмәԓтты хŏйатԓән мосман тӑйаԓән, йӑм вер вераты щи хŏйатәта, хŏйән нын ԉикән этԓайты,

Luke 6:27 ပူးပေါင်းရင်းမြစ်များ

Luke 23:34

Иисус пӑ пŏтәртәс: "Ащи, ԓывиԓаԓ нўра аԓ ўйи, мўй верԓәт, ӑт уйәтԓәт". Пос вŏщкиман, Ԓўв сŏхԓаԓ ортԓысԓаԓ.

Luke 6:22

Нын щўԋԓәԓты, хун хŏйатәтән ԉикән этты питԓайты, хун нŏмәс кимпийән тӑйты питԓайты, пӑ ԋэрты питԓайты, нэмԓән нўрәӈа айәԓты питԓайәт, Хŏйат Пŏха эвәԓман урәӈән.

Luke 6:35

Туп нынан нўрмәԓтты хŏйатԓән мосман тӑйаԓән, йӑм вер вераты пӑ, нэмәԓты йŏхԓы ӑт хоӈәтман, артнайа мийаты; щишән нынан мойԓәпса вŏԓаӈ питәԓ, пӑ Нўм Турәм ԋаврэма уԓты питԓәты; Ԓўв кўш йӑм ӑт нумты хŏйатәт пеԓа, кўш ԉикәӈ хŏйатәт пеԓа и хŏрпийа сӑмәӈ.

Luke 8:15

Йӑм мўва питәм ԓат сэмәт хŏрпет тухәԓ хŏйатәт, хŏй йасәӈ хуԓмеԓ йўпийән йӑм пӑ вещкат сӑмԓаԓән шавиԓэԓ, пӑ щи йасӈеԓ ун йӑм вер верәԓ"; Щит йастәмаԓ йўпийән, Ԓўв такан йастәс: "Хŏй хуԓты пӑԓ тӑйәԓ ки, ат хуԓәԓ!"

Luke 8:18

Щӑԓта, вантаты, хŏты нын хуԓәтԓәты: хŏй тӑйәԓ, щита па мӑты питԓа, хŏй ӑт тӑйәԓ, щит эԓты, мўй тӑйты нумәсәԓ, щитәԓ па нŏх ўԓа.

Luke 8:8

тухәԓ ԓат сэмԓаԓ йӑм мўва рӑкәтсәт пӑ энәммеԓ йўпийән, йӑм арат ӑкәтса, иԓ йовԓәм ԓат сэм эԓты сот пўш ар". Щи пŏтәр пŏтәртмаԓ йўпийән, Ԓўв такан йастәс: "Хŏй хуԓты пӑԓ тӑйәԓ ки, ат хуԓәԓ!"

Acts 10:38

Хŏты Турәм Назарет эԓты уԓты Иисус Йэмәӈ Ԓыԓән пӑ йурән ԋŏсәтсәԓы. Пӑ Ԓўв йӑм верман пӑ хŏԓ хŏйатәт, хŏй хиԋән катәԓман усайәт, тўмтака верман, йӑӈхәс, Турәм Ԓўв пиԓәԓән ус, щишән.

Acts 16:28

Туп Павел сыйәӈ тўрән такан йастәс, пŏтәртман: «Нӑӈена нэмәԓтты атәм аԓ вера, мўӈ хŏԓ тӑта уԓԓув».

Acts 7:60

Пӑ, шашӈәԓаԓ иԓ морәтман, сыйәӈ тўрән ўваԓтәс: «Турәм Куща! Ԓывиԓаԓа тӑми кӑрека аԓ нуми». Щӑԓта, щит йастәмаԓ кемән, пӑрәс.