Luke 5:30 - Хӑнты Перевод Библии

³⁰ Фарисейәт пӑ Закона утәԓтәты икет Иисус утәԓтәты йохԓаԓ пеԓа ўшмащсәт пӑ пŏтәртсәт: "Мўйа нын налог ӑкәтты хŏйатәт пӑ кӑрэкәӈ хŏйатәт пиԓән и йӑха ԓэԓты, йищԓәты?"

Luke 5:30 ပူးပေါင်းရင်းမြစ်များ

Luke 18:11

Фарисей, утща щира ԓойман, ԓўв турмәԓән шитаман пойәкщәс: "Йэшәк Турәм! Пумащипа Нӑӈена йастәԓәм, ма ӑнта щимәщ, ӑнта па хŏйатәт хŏрпи - ԓоԓмахәт, хорахщет, пакрасԓәты ŏтәт, мўй пӑ тӑм налог ӑкәтты ики иты:

Luke 19:7

Пӑ хŏԓыйэ, щит ватман, ўшмащты питсәт: "Ԓўв кӑрэкәӈ хŏйат хŏща мойԓәты ԓŏӈәс!"

Luke 5:17

И хӑтәԓән, хун Иисус хŏйатәт утәԓтәс, щита Галилея пӑ Иудея куртәт эԓты, Иерусалим вош эԓты па йŏхтәм фарисейәт пӑ Закона утәԓтәты икет омәссәт; Турәм Куща йур мушәӈ хŏйатәт тўмтака верты верән этԓыйәс.

Luke 5:21

Фарисейәт пӑ Закона утәԓтәты икет щит хуԓмеԓ кемән нумәсты питсәт, пŏтәртԓәт: "Хŏй щит, Хŏй Турма ӑт рӑхты йасӈәт йастыйәԓ? Турәм тўмпийән хŏй верәтәԓ хŏйата кӑрэкәт йŏрэмәты?"

Luke 7:34

Хŏйат Пŏх йŏхтәс: ԓэԓ пӑ йищәԓ; пӑ йастәԓты: ’’Тӑта щи хŏйат, хŏй ԓэԓ пӑ ўна йищәԓ, налог ӑкәтты хŏйатәт пиԓән, кӑрэкәӈ хŏйатәт пиԓән ԓухса уԓ’’.

Luke 7:39

Хун Иисус вохәм фарисей щит шийаԓәс, нумәсэмәс: "Тӑм йӑна Турәм йасәӈ туты хŏйат ки ус, Ԓўв ԓуԓән уйәтсәԓы, хŏй, мўй хŏрпи нэ Ԓўв хŏщайәԓ хӑныԓыйәԓ, щит кӑрэкәӈ нэ".

Acts 23:9

Щи ԓŏват ун ўв сый тыйәс; щӑԓта тухәԓ фарисейәт эԓты уԓты Закона утәԓтәты икет, нŏх ԓойман, ўра ворԓәт, йастәман: «Нэмәԓты атәм ŏт мўӈ тӑм хŏйат хŏща ӑт уйәтԓув; ԓыԓ мўй пӑ ангел ԓўв пеԓайәԓ пŏтәртыйәс ки, Турәм йэщаԓт уԓты мўӈ ӑт питԓув».