Luke 5:21 - Хӑнты Перевод Библии

²¹ Фарисейәт пӑ Закона утәԓтәты икет щит хуԓмеԓ кемән нумәсты питсәт, пŏтәртԓәт: "Хŏй щит, Хŏй Турма ӑт рӑхты йасӈәт йастыйәԓ? Турәм тўмпийән хŏй верәтәԓ хŏйата кӑрэкәт йŏрэмәты?"

Luke 5:21 ပူးပေါင်းရင်းမြစ်များ

Luke 3:8

Кӑрэк эԓты шӑшән керԓәм щирән йӑм верԓәнән аԉаԓән, xŏты йўx йӑм ԓэвпәс энмәԓтԓәԓ. Аԓ тӑйаты тӑмәщ нŏмәс, йастыман: "Мўӈ ащев – Авраам!" Нынана йастәԓәм, Турәм тӑм кев шўкәт эԓты Авраама ԋаврэмәт верты верәтәԓ.

Luke 5:17

И хӑтәԓән, хун Иисус хŏйатәт утәԓтәс, щита Галилея пӑ Иудея куртәт эԓты, Иерусалим вош эԓты па йŏхтәм фарисейәт пӑ Закона утәԓтәты икет омәссәт; Турәм Куща йур мушәӈ хŏйатәт тўмтака верты верән этԓыйәс.

Luke 5:22

Иисус, ԓыв нŏмәсԓаԓ ŏша пайәтмаԓ кемән, йŏхԓы ԓывиԓаԓа йастәс: "Мўйа щиты нумәсԓәты?

Luke 7:49

Ԓўв пиԓәԓән пӑсан сурыйән опсәм мŏхет нумәсты питсәт: "Хŏй тӑм, кӑрэкәт пӑ йŏрэмәԓ?"