Luke 24:47 - Хӑнты Перевод Библии

⁴⁷ Ԓўв нэмәԓән мирәта хŏԓ, Иерусалим вош эԓты питщәман, кӑрэк эԓты шӑшән керԓәты пӑ йŏрэмәты щир сыйәӈа пŏтәртты мосәԓ.

Luke 24:47 ပူးပေါင်းရင်းမြစ်များ

Genesis 12:3

Ма, нӑӈена йӑм йасәӈ йастәты ŏтәта, йӑм мӑԓәм, пӑ нӑӈен мўԓты ŏтәт мўԓԓәԓам; нӑӈ хўватэн мўв ԓŏватән уԓты мирәт хŏԓ йӑмән мӑԓайәт».

Luke 13:34

Иерусалим! Иерусалим! Турәм йасәӈ туты икет веԓты пӑ Турәмән нӑӈ хŏщайэн китәм ŏтәт кевән щӑх сэкты вош! Мўй арат пўш Ма нӑӈ ԋаврэмԓан йӑха ӑкәтты утщисԓам, хŏты тŏхԓәӈ вой пŏшәхԓаԓ тŏхәԓԓаԓ иԓпийа ӑкәтԓәԓы, туп нын ӑт ԓӑӈхасты!

Acts 10:43

Ԓўв эԓтэԓ хŏԓ Турәм айкеԓ туты хŏйатәт аԉԓәт, кашәӈ Ԓўвеԓа эвәԓты ŏт Ԓўв нэмәԓән кӑрэк йŏрэмәты щир мŏщатәԓ».

Acts 11:18

Щит хуԓәтмеԓ йўпийән, ԓыв иԓ ромәпсәт пӑ Турәм ишәксэԓ, пŏтәртман: «Таӈха, па рут хŏйатәта па Турәм кӑрэк эԓты уԓәпса пеԓа керԓәты щир мӑс».

Acts 13:46

Щиӈәԋща Павел пӑ Варнава такан йастәсӈән: «Нынана оԓәӈән Турәм йасәӈ пŏтәртты мосәс, туп хŏты нын Турәм йасәӈ пўӈԓа ушиԓԓән пӑ нынан нын и пўша уԓәпсайа ӑт рӑхтыйа верԓәԓән, щишән, мўӈ па рут йох пеԓа йастәԓув».

Acts 2:38

Петра пӑ ԓывиԓаԓа йастәс: «Кӑрэкԓән эԓты шӑнша керԓаты, пӑ нын эԓтан кашәӈ ŏт Иисус Христос нэм хўватән йиӈка ат ԓŏӈәԓтыса кӑрэкәт йŏрэмәты урәӈән; пӑ Йэмәӈ Ԓыԓ мойԓәпсайа ўйаԓән.

Acts 20:21

Ма иудейәта па, грекәта па такан йастыԓысәм, ԓыв кӑрэк эԓты шӑшән керԓәман, Турәм пеԓа ат керԓәсәт пӑ мўӈ Турәм Кущайэва Иисуса Христоса ат эвәԓсәт.

Acts 26:18

ԓывиԓаԓа сэмԓаԓ пел пўшты, ԓыв пӑтлам эԓты нŏви пеԓа ат ӑӈкәрмәсәт пӑ хиԋ йур эԓты Турәм пеԓа, пӑ Мӑнэма эвәԓты верән кӑрэк йŏрэмәты щир пӑ йэмәӈа пайтәм мŏхет кўтән уԓты щир ат мŏщатсәт'.

Acts 26:20

туп оԓәӈән Дамаск пӑ Иерусалимән уԓты мŏхета, йухәт Иудея ԓŏватән уԓты мŏхета пӑ па рут мира пŏтәртсәм, ԓыв кӑрэк эԓты шӑшән ат керԓәсәт пӑ Турәм пеԓа ат керԓәсәт, кӑрэк эԓты шӑшән керԓәты арат ԓӑт тӑйты верәт верман.

Acts 28:28

Щиӈәԋща, нынана ԓэр ат питәԓ, Турәм нŏх пайәтты щир па рут мира китса: ԓыв щи хуԓԓэԓ».

Acts 3:19

Щиӈәԋща, кӑрэкԓән эԓты шӑнша керԓаты пӑ Турәм пеԓа ӑӈкәрматы, нын кӑрэкԓән нŏх ат ушисайәт,

Acts 4:12

Турәм иԓпийән хŏйатәта мийәм па нэм ӑнтом, мўй щирән мўӈ нŏх пайтәсты верәтсув ԓуԓән».

Acts 5:31

Ԓўвеԓ Турәм Ԓўв йошәԓән Кущайа пӑ Нŏх пайәтты Ŏта пŏтсәԓы Израильа кӑрэк эԓты шӑнша керԓәты щир пӑ кӑрэк йŏрэмәты щир мӑты урәӈән.