Luke 22:52 - Хӑнты Перевод Библии

⁵² Иисус Ԓўвеԓ ԋӑрэмәты ӑктәщәм Турма йир верты хŏйатәт ŏх икета пӑ Турәм Хот шавиты кущайәта пӑ уна уԓты икета, йастәс: "Ищи мӑтты нын хорахщи йэщаԓт аԓты кешэӈ пӑ йущәӈ йўхи тэԓән этсәты, Мӑнэм ўты урәӈән.

Luke 22:52 ပူးပေါင်းရင်းမြစ်များ

Luke 22:37

нынана пŏтәртԓәм: пӑ тӑм хӑншәм ŏт Ма хŏщайэм йэтшәптәты мосәԓ: "Хŏрахщэт пеԓа Ԓўв ԓўӈәтман ус"; Ма йушем щи йэтшәԓ".

Luke 22:4

Ԓўв щи мӑнәс, пӑ Турма йир верты хŏйатәт ŏх икет пиԓән па Турәм Хот шавиты кущайәт пиԓән пŏтәртәс, хŏты Иисус ԓыв йошԓаԓа мӑты.

Luke 22:51

Щи пўԉаӈ Иисус йастәс: "Хӑйаԓән, мета". Пӑ митху пӑԓа хӑнәмтыман, ԓўвеԓ йӑмәԓтэмәсԓы.

Luke 22:53

Кашәӈ хӑтәԓ Ма нын пиԓәнән Турәм Хотән уԓԓысәм, нын Ма пеԓайэм йош нŏх ӑт аԓмиԓысты, ин пӑ нын пŏрайән пӑ хиԋ йура уԓ".

Acts 5:26

Щиӈәԋща Турәм Хот шавиты йох куща ԓӑӈкәр йохԓаԓ пиԓән ԓынан ӑнта йур-вевән тусэԓ, мир эԓты пӑԓсәт, кевән ӑт ат сэксайәт, щишән.