Luke 2:39 - Хӑнты Перевод Библии

³⁹ Хун Иосиф пӑ Мария верәт иса версәԓән, Турәм Куща закон xўват, ԓыв Галилея мўва, Назарет вошеԓа йŏхԓы йŏхәтсәт.

Luke 2:39 ပူးပေါင်းရင်းမြစ်များ

Luke 1:26

Хун Елизавета xутмет тыԓәщ ўшән уԓмаԓән, Турәм Гавриил нэмпи ангел Галилея мўвән уԓты Назарет воша эви xŏща китсәԓы. Щи эви Иосиф xŏща уртыса, Иосиф Давид рут эԓты уԓ. Эви нэмәԓ: Мария.

Luke 1:6

Ԓын кинәӈтак Турәм йэԓпийән тўӈа–щира усӈән, Турәм Куща партәпса йасӈәт пӑ мŏрт щира верәт сыстама версәӈән.

Luke 2:4

Щи урәӈән Иосиф па Галилея мўвән омәсты Назарет вош эԓты, Иудея мўва Давид ики воша, Вифлеема, мӑнәс. Ԓўв Давид хот пӑ рут эԓты ус,

Luke 2:51

Щиты Ԓўв аԋԏеԓ-ащеԓ пиԓән Назарет воша йŏхԓы йŏхтәс; пӑ ԓынана хуԓәтман ус. Щи йастәм йасәӈԓаԓ xŏԓыйэ аԋтеԓән сӑмән шависайәт.

Luke 4:16

Иисус Назарета, энмәм вошәԓа, йŏхтәс, пӑ шаббат хӑтәԓән, Ԓўв уԓтаԓ иты, Турәм йасӈа утәԓтәты хота ԓŏӈәс, пӑ щита Йэмәӈ Нэпек эԓты сыйәӈа ԓуӈәтты ԓойәс.

Luke 4:23

Иисус ԓывиԓаԓа йастәс: "Нын, уйәтман, Мӑнэма щимәщ йасәӈ йастәԓты: ”Ԉэккар, Нӑӈен Нӑӈ йӑмәԓты!”, хŏԓна: ”Тӑта Нӑӈ вошенән па щит вера, мўй, мўӈ хуԓмевән, Капернаум вошән версән”".