Luke 18:43 - Хӑнты Перевод Библии

⁴³ Щӑԓта ԓўв ищи мŏхты сэмәӈа йис пӑ Ԓўв йўпеԓән мӑнәс, Турәм вŏԓаӈа айәԓтман; пӑ мир хŏԓ щит ватман, Турма ишәк йасӈәт йастәты питсәт.

Luke 18:43 ပူးပေါင်းရင်းမြစ်များ

Luke 13:17

Хун Ԓўв щит пŏтәртмаԓән, хŏԓыйэ, Ԓўв пиԓәԓән ӑт кашащәм мŏхет, йэԓәпсайәт; пӑ мир иса Ԓўв хŏԓ вŏԓаӈ верԓаԓ эԓты амтәтԓыйәс.

Luke 19:37

Хун Ԓўв Элеон кев пай эԓты иԓ ŏхәԓты тӑхайа ванамәс, хŏԓ аратәԓ утәԓтәты йохԓаԓ, ԓыв вантәм ар йӑм йурәӈ верԓаԓ урәӈән, амәтман, сыйәӈ тўрән Турәм ишәкты питсэԓ,

Luke 4:39

Ԓўв щи ими хŏща ԋўрман, муш нŏх вŏԓыты партсәԓы; ин ими мушән хӑйса. Ԓўв ищи мŏхты нŏх ԓойәс, пӑ мŏхета пӑсан омәсты питәс.

Luke 5:26

Щиӈәԋща вантәм хŏйатәт пӑԓщәмән йŏхәтсайәт, ԓыв Турәм вŏԓаӈа айәԓтсәт пӑ, пӑԓман, пŏтәртсәт: "Тӑмхӑтәԓ унты ӑт вантыԓыйәм верәт мўӈ ин щи ватсув!"

Luke 9:43

Иса хŏԓ Турәм ун йурәԓ эԓты туп ӑԓ пакнысысәт. Хун пӑ хŏԓыйэ Иисус верты верәт эԓты ӑԓ пакнысысәт, Ԓўв утәԓтәты йохԓаԓа йастәс:

Acts 11:18

Щит хуԓәтмеԓ йўпийән, ԓыв иԓ ромәпсәт пӑ Турәм ишәксэԓ, пŏтәртман: «Таӈха, па рут хŏйатәта па Турәм кӑрэк эԓты уԓәпса пеԓа керԓәты щир мӑс».

Acts 26:18

ԓывиԓаԓа сэмԓаԓ пел пўшты, ԓыв пӑтлам эԓты нŏви пеԓа ат ӑӈкәрмәсәт пӑ хиԋ йур эԓты Турәм пеԓа, пӑ Мӑнэма эвәԓты верән кӑрэк йŏрэмәты щир пӑ йэмәӈа пайтәм мŏхет кўтән уԓты щир ат мŏщатсәт'.

Acts 4:21

Ԓыв пӑ, ԓынан пӑԓтаптәман эсәԓсэԓ, ар хŏйат уԓәм пӑтыйән, ԓынан йŏвәртты щир ӑт уйәтсәт; тыйәм вер урәӈән хŏԓыйэ Турәм ишәксәт, щишән.