Luke 13:14 - Хӑнты Перевод Библии

¹⁴ Щи пўԉаӈ Иисус пеԓа йэмәӈ йасӈа утәԓтәты хот куща, Иисус шаббат хӑтәԓән хŏйат йӑмәԓмаԓ урәӈән, ўшмащман мир пеԓа йастәс: "Рупәтты кеша хут хӑтәԓ уԓ; щи пŏрайән йӑмәԓтыты йŏхтыԓыйаты, ӑнта шаббат хӑтәԓән".

Luke 13:14 ပူးပေါင်းရင်းမြစ်များ

Luke 6:11

Ԓыв пӑ пӑԓщәм ԉикән йŏхәтсайәт, кўтԓаԓән пŏтәртсәт, а мўй хŏты Иисус верты.

Luke 6:7

Закона утәԓтәты икет пӑ фарисейәт Иисус ватман тӑйԓэԓ, шаббат хӑтәԓән хŏйат тўмтака верԓәԓы мўй ӑнтом, Ԓўв хŏщайәԓ нўр этәԓтәты урәӈән.

Luke 8:41

Щӑԓта, Ԓўв хŏщайәԓа Иаир нэмпи ики, Турәм йасӈа утәԓтәты хот куща, йŏхтәс; Иисус кўрӈән хŏща хŏмта иԓ шаншатман, Ԓўвеԓ ԓўв хотәԓа ԓŏӈты вохсәԓы;

Acts 13:15

Закон пӑ Турәм айкеԓ туты хŏйатәт нэпекәт ԓўӈтәм йўпийән иудейәт пойәкщәты хот кущайәт ԓынана йастәты китсәт: «Хӑнам йохӈән! Нын мир пеԓа нŏмәс такапты йасәӈ тӑйԓәтән ки, пŏтәртатән».

Acts 18:17

Грекәт хŏԓыйэ иудейәт пойәкщәты хот куща Сосфен ԋӑрэмәсэԓ пӑ ԓўвеԓ сўт верты хот йэԓпийән сэксэԓ; туп Галлион щит эԓты йэша нэш ӑт нумисыйәс.

Acts 18:8

иудейәт пойәкщәты хот куща Крисп пӑ хŏԓ ԓўв йŏԓән тӑйты мŏхиԓаԓ пиԓән Турәм Кущайа эвԓәс, пӑ Коринф мŏхәт эԓты ар хŏйат, хуԓәтман, эвәԓсәт пӑ йиӈка ԓŏӈәԓтыԓысайәт.