Luke 11:32 - Хӑнты Перевод Библии

³² Нинэвия вошәӈ хŏйатәт ищи, сўт вертыйән, ин тӑм уԓты мир пиԓән нŏх ԓойԓәт, пӑ ԓывиԓаԓ сўтытԓыԓаԓ. Ԓыв Иона йастәм Турәм йасӈәт хуԓәтман, кӑрэкԓаԓ эԓты шӑшән керԓәсәт. Ин тӑта пӑ нын пиԓәнән Щит, Хŏй Иона эԓты вŏԓаӈшәк.

Luke 11:32 ပူးပေါင်းရင်းမြစ်များ

Jonah 3:4

Щӑԓта Иона вош хўват шушты питәс, ий хӑтәԓ мўй арат верәтәԓ мӑнты, ԓўв сыйәӈа пŏтәртәс, йастыман: «Хŏԓна ԋӑԓйаӈ хӑтәԓ - пӑ Ниневия вош шўкатԓа!»

Jonah 3:5

Ниневия вошәӈ хŏйатәт Турма эвәԓсәт, вўщԓәты йасәӈ версәт, ԓӑтәӈ ŏтԓаԓ эԓты ԓӑтԓы ŏтԓаԓ унты уԓттӑхты хир хŏрпи сŏха ԓумәтԓысәт.

Jonah 4:9

Турәм Иона пеԓа йастәс: «Нӑӈ мўй йӑна щи лыптәӈ пухращ урәӈән нŏпсэн шӑкәс?» Ԓўв йастәс: «Шек нŏпсэм шӑкәс, хӑԓты унты!»

Luke 11:31

Нўм мўв нэ хон, сўт вертыйән, ин тӑм хŏйат рут пиԓән нŏх ԓойәԓ пӑ ԓывиԓаԓ сўтытԓәԓы, ԓўв Соломон мўтра йасӈәт хуԓәтты урәӈән, мўв кимәԓ эԓты йŏхтыԓыйәс. Ин тӑта пӑ нын пиԓәнән Щит, Хŏй Соломон эԓты вŏԓаӈшәк.