Luke 1:41 - Хӑнты Перевод Библии

⁴¹ Хун Елизавета Мария эԓты ўща йасәӈ хуԓмәс, сӑмәԓ иԓпийән тӑйты ԋаврэмәԓ ԋŏхԓыйәс. Щи кемән Елизавета Йэмәӈ Ԓыԓән тэкәтса,

Luke 1:41 ပူးပေါင်းရင်းမြစ်များ

Genesis 25:22

Пŏхӈәԓаԓ пӑтлам хотән пŏткатты питсәтән, пӑ ԓўв йастәс: «Щиты ки питәԓ, мўйа мӑнэма щит?» Пӑ Турәм Куща иԋщәсты мӑнәс.

Luke 1:15

Турәм Куща хŏща ԓўв ԓӑтәӈа питәԓ, ўна пӑ па кўтрәӈ ŏт йищты ӑт питәԓ, пӑ хŏԓна аԋԏеԓ хŏща пӑтлам хотән уԓман Йэмәӈ Ԓыԓән тэкәнԓа,

Luke 1:40

Захария хота ԓŏӈәс пӑ Елизавета пиԓән ўща верәс.

Luke 1:42

пӑ ԓўв такан йастәс: "Нӑӈ имет кўтән йӑмән мийәм нэ, сӑм иԓпенән тӑйты ŏтыйэн ищи йӑмән мийәм!

Luke 1:44

Ванта-са: хун ма нӑӈ ўща верты сыйэн хуԓмәсәм, щи пŏрайән ԋаврэмем сӑмем иԓпийән амәтман ԋŏхԓыйәс.

Luke 1:67

Щӑԓта Захария, Иоанн ащи, Йэмәӈ Ԓыԓән тэкәтса, Турәм эԓты хуԓәм йасәӈԓаԓ пŏтәртты питәс:

Luke 4:1

Иисус, Йэмәӈ Ԓыԓән тэкәнман, Иордан йŏхан эԓты йŏхԓы мӑнәс, пӑ щи Ԓыԓән хӑр пӑ таԓ мўва тўвман уса.

Acts 2:4

Пӑ хŏԓыйэ Йэмәӈ Ԓыԓән тэкәтсайәт, щӑԓта па йасӈәтән пŏтәртты питсәт, хŏты Ԓыԓ ԓывиԓаԓа пŏтәртты щир мӑс.

Acts 4:8

Щиӈәԋща Петра, Йэмәӈ Ԓыԓән тэкәнман, ԓывиԓаԓа йастәс: «Мир кущайәт пӑ Израиль ун икет!

Acts 6:3

Пӑ щӑԓта, хӑнам йох, нын кўтән эԓты ԓэрамтәм йӑм, Йэмәӈ Ԓыԓән пӑ ŏшән–щащән тэкнәм, ԓапәт хŏйат пирыйаты: ԓывиԓаԓ тӑм вер верты ԓощәԓтәԓув.

Acts 7:55

Стефан пӑ, Йэмәӈ Ԓыԓән тэкәнман уԓман, турәм хӑр пеԓа ӑӈкәрмәс, Турәм хутԓәты–вŏрԓәты щир пӑ Иисус, Турәм йӑм пеләк сӑхат ԓойтаԓ шийаԓәс,

Acts 9:17

Анания мӑнәс пӑ хота ԓŏӈәс, йошӈиԓаԓ ԓўв эԓтэԓ пŏнман, йастәс: «Савл хӑнам ху! Йушән, хŏԓща нӑӈ шушсән, нӑӈ хŏщайэн этԓыйәм Турәм Куща Иисус, мӑнэм китсәԓы, нӑӈ сэмәӈа ат йисән пӑ Йэмәӈ Ԓыԓән ат тэкәтсайән».