Luke 1:32 - Хӑнты Перевод Библии

³² Ԓўв ԓӑтәӈ питәԓ, пӑ Нўм Турәм Пŏха айәԓты питԓа; Турәм Куща Ԓўвеԓа Давид ащеԓ хон омәсты тӑха мӑԓ.

Luke 1:32 ပူးပေါင်းရင်းမြစ်များ

Luke 1:15

Турәм Куща хŏща ԓўв ԓӑтәӈа питәԓ, ўна пӑ па кўтрәӈ ŏт йищты ӑт питәԓ, пӑ хŏԓна аԋԏеԓ хŏща пӑтлам хотән уԓман Йэмәӈ Ԓыԓән тэкәнԓа,

Luke 1:35

Ангел йŏхԓы йастәс: "Йэмәӈ Ԓыԓ Нӑӈ хŏщайэн эсԓәщәԓ пӑ Нўм Турәм йурән йŏхәтԓайән, щишән сэма пайәтты йэмәӈ Ԋаврэмийэн Турәм Пŏха айәԓтты питԓа.

Luke 1:76

Нӑӈ ищи, ԋаврэмийэ, Нўм Турәм йасәӈ туты хŏйата нэмәтԓайән, Турәм Куща йэԓпийән мӑнты питԓән: Ԓўв кешайәԓа йуш ԓэщатты урәӈән,

Luke 3:16

Иоанн ԓывиԓаԓа йастәс: "Ма нынан йиӈка ԓŏӈәԓтыԓԓам, туп ма киԋщайэм Йурәӈ Ŏт йŏxәтәԓ. Мӑнэм хŏԓна Ԓўв кўр ԓумтәм пушәх кеԓәԓ нŏх эхты йэм, ӑт рӑхәԓ; Ԓўв нынан Йэмәӈ Ԓыԓа пӑ тўта ԓŏнәԓтты питԓәԓы.

Luke 6:35

Туп нынан нўрмәԓтты хŏйатԓән мосман тӑйаԓән, йӑм вер вераты пӑ, нэмәԓты йŏхԓы ӑт хоӈәтман, артнайа мийаты; щишән нынан мойԓәпса вŏԓаӈ питәԓ, пӑ Нўм Турәм ԋаврэма уԓты питԓәты; Ԓўв кўш йӑм ӑт нумты хŏйатәт пеԓа, кўш ԉикәӈ хŏйатәт пеԓа и хŏрпийа сӑмәӈ.

Acts 16:17

Павел йўпийән пӑ мўӈ йўпевән шушман, ԓўв ўвәс, пŏтәртман: «Тӑм хŏйатәт – Нўм Турма рупитты йохәт, мўӈева нŏх пайтәсты йуш аԉԓәт».

Acts 2:30

Турәм айкеԓ туты хŏйата уԓмаԓән пӑ уйәтман, Турәм так йасәӈ мийман, ԓўвеԓа йастәс, ԓўв ўрәԓ-ԓантәԓ эԓты Христос хŏйата тыйәԓтԓәԓы пӑ ԓўв хон омәсты тӑхайәԓа опсәԓтԓәԓы,

Acts 2:36

Щишән Израиль хот тэԓ такан ат уйәтԓәԓы, Тӑм Иисус, Хŏй нын пернайа сэксәԓән, Турәм Ԓўвеԓ Турәм Кущайа пӑ Христоса пŏтсәԓы!»

Acts 7:48

Туп Нўм Ащи ӑнтом йошән опсәм хотәтән уԓ, хŏты Турәм айкеԓ туты хŏйат пŏтәртәԓ: