Jonah 1:3 - Хӑнты Перевод Библии

³ Туп Иона нŏх ԓойәс пӑ Фарсис вош пеԓа Турәм Куща эԓты хӑԋемәты урәӈән, хŏнтас. Иоппия воша йŏхтәс, Фарсис пеԓа мӑнты паршәӈ ун хоп уйтәс, ŏх сŏхәптәс пӑ хопа ԓэԓәс, ԓыв пиԓэԓән Фарсис унты мӑнты, Турәм Куща эԓты шӑшән хŏнтаты урәӈән.

Jonah 1:3 ပူးပေါင်းရင်းမြစ်များ

Genesis 3:8

Щӑԓта Турәм Куща сый хуԓтмәстән, хŏты Ԓўв щи ŏйәӈ-щўԋәӈ тӑхайән хӑтәԓ йоләх сӑмән шушиԓыйәс; Адам нэӈәԓ пиԓән Турәм Куща эԓты йўхәт кўтән хӑԋэмәстән.

Genesis 4:16

Щӑԓта Турәм Куща эԓты Каин мӑнәс пӑ Едэм эԓты хӑтәԓ этты пеләкән Нод мўвән уԓты питәс.

Jonah 1:10

Щӑԓта хŏйатәт шек такан пӑԓтамәсәт пӑ ԓўвеԓа йастәсәт: «Мўй урәӈән нӑӈ щиты версэн?» Хŏйатәт ŏша пайәтсэԓ, Турәм Куща эԓты ԓўв хŏнтаԓ, хŏты ԓўв ԓывиԓаԓа йастәс.

Jonah 4:2

Щӑԓта Турәм Куща пеԓа ԓўв пойәкщәс пӑ йастәс: «Турәм Куща! Щит эԓты щи ма пӑԓсәм, хун ма ма мўвемән хŏԓна усәм? Щи урәӈән Фарсис пеԓа ма хŏнтасәм, ма уйәтсэм, Нӑӈ, Турәм, йӑм сӑмәӈ, щаԉаӈ, арпуш умщәӈ, хўв ԓавԓәсты верәтԓән, шука пайәтты йасӈен китты ӑт кашащԓән.

Luke 9:62

Иисус ԓўвеԓа йастәс: "Нэмәԓты хŏйат, хŏй йошәԓ мўв шўкатты ŏта пŏнмаԓ йўпийән пӑ йŏхԓы ӑӈкәртыйәԓ, Турәм Хон Уԓәпсайа ӑт рӑхәԓ".

Acts 15:38

Туп Павел щит пӑтән ўты ӑт ԓӑӈхас, хŏй Памфилияйән ԓынан хӑйсәԓы пӑ ԓынана мийәм вер тӑԓаӈа верты ӑт ԋотәс.

Acts 26:19

Щишән, Агриппа хон, ма турәм хӑр вантәпса эԓты йŏвра ӑт керԓәсәм,

Acts 9:36

Иоппия вошән и утәԓтәты нэ ус, нэмәԓ Тавифа - щит «газель»; ԓўв сӑмәӈ верәтән тэкәнман уса пӑ ар йӑм вер верәс.

Acts 9:38

Лидда пӑ Иоппия вош ԉэпән ванән ус, утәԓтәты йох Петра щита уԓты хуԓмеԓ кемән, ԓўв хŏщайәԓ кӑт хŏйат китсайтән, ԓўвеԓ вохты, ԓыв хŏщайэԓ йŏхәтты ԓўв ӑт ат рŏнәс.

Acts 9:42

Тӑм вер Иоппия ԓŏватән иса уйәтты питса, пӑ ар хŏйат Турәм Кущайа эвԓәс.

Acts 9:43

Пӑ йӑм арат хӑтәԓ ԓўв Иоппия вошән и мŏԓты Симон ԋўки верты ики хŏща ус.