Genesis 7:4 - Хӑнты Перевод Библии

⁴ ԓапәт хӑтәԓ хӑщты йўпийән ԋӑԓйаӈ хӑтәԓ пӑ ԋӑԓйаӈ ат Ма мўва йэрт шошәмԓәм; мўвән уԓты ԓыԓәӈ ŏтәт, хŏйтат Ма тыйәԓтсәм, хŏԓ пӑратԓәԓам».

Genesis 7:4 ပူးပေါင်းရင်းမြစ်များ

Genesis 2:5

кӑмән хŏрпи хӑр мўв варәс пӑ кӑмән хŏрпи хӑр мўв тŏрән хŏԓна ӑт энмәс, Турәм Куща мўва йэрт хŏԓна ӑт китыԓыйәс, пӑ мўв хӑр ԓэщатты хŏйат ӑнтом ус, щишән.

Genesis 6:13

Щӑԓта Турәм Ной пеԓа йастәс: «Ма кашәӈ ԓыԓәӈ ŏт хŏԓтԓэм, мўв ԓыв эԓтайэԓ ԉикәӈ верәтән тэкнәс; щишән, Ма ԓывиԓаԓ пӑратԓәԓам.

Genesis 6:17

Пӑ щӑԓта, Ма ун йик мўва партԓәм, турәм иԓпийән уԓты ԓыԓәӈ ŏтәт хŏԓ пӑратты урәӈән; мўвән уԓты ŏтәт хŏԓ пӑрԓәт.

Genesis 6:3

Щӑԓта Турәм Куща йастәс: «Ма ԓыԓэм век хун хŏйатәт хŏща уԓ, хŏйатәт пӑрԓәт, нупәтԓаԓ сот хус тӑԓ ат уԓ».

Genesis 6:7

Турәм Куща йастәс: «Мўвән уԓты Ма тыйәԓтәм хŏйат рутэм, хŏйатәт эԓты ўйман, йош войәт, ваӈкәтԓыты, ущиԓыты, хухәтԓыты войәт, пӑ тŏхԓәӈ войәт унты хŏԓ хŏԓтԓыԓам, ԓывиԓаԓ тыйәԓтмем урәӈән Ма нŏпсэм шӑкәс, щишән».

Genesis 7:10

Ԓапәт хӑтәԓ хӑщәм йўпийән, ун йик мўва йŏхтәс.

Genesis 7:12

щӑԓта ԋӑԓйаӈ хӑтәԓ пӑ ԋӑԓйаӈ ат мўва йэрт щошийәс.

Genesis 7:17

Щӑԓта ԋӑԓйаӈ хӑтәԓ сыс мўвән йик эптәс, шек ар йиӈка йис пӑ йикән ковчег хоп нŏх хўвәтса, ԓўв мўв нўмпийа нŏх эԓԓәс.

Genesis 7:3

тŏхԓәӈ войәт эԓты ищи кӑтәнән ԓапәт пўш кашәӈ вой сыр эԓты, ху войәт пӑ нэ войәт, йэԓԓы мўв ԓŏватән вой сыр шавиты урәӈән,

Genesis 8:10

Щӑԓта ԓўв па ԓапәт хӑтәԓ ԓавԓәсәс пӑ голубь ковчег хоп эԓты па ким эсәԓсәԓы.

Genesis 8:12

Ԓўв хŏԓна ԓапәт хӑтәԓ ԓавԓәсәс, щӑԓта голубь па ким эсәԓсәԓы; ԓўв хŏщайәԓ голубь йŏхԓы ӑт йŏхтәс.

Genesis 8:2

Мўв пӑтыԓы тӑха йиӈкәт лӑп пентатсәт пӑ йик шошмәм опәԉ овәт тухратсәт пӑ йэрт турәм эԓты сŏхнәс.