Genesis 50:5 - Хӑнты Перевод Библии

⁵ ащем ма эԓтэм йасәӈ ўс, щиты пŏтәртәс: ‘Ма пӑрты хӑтԓэм ванамәс; Ханаан мўвән ма ԓэщатәм хŏшапәӈ кевемән мӑнэм шавийи’. Ин пӑ мӑнэм эсԓы йӑхты пӑ ащем лоттәты, пӑ щӑԓта йŏхԓы йŏхәтты».

Genesis 50:5 ပူးပေါင်းရင်းမြစ်များ

Genesis 3:19

шӑк йик кўтән ԋаԋэн ԓэты питԓэн, мўва иԓ питтэн унты, хŏԓща нӑӈ ўйман уԓԓән, нӑӈ мўв хиш пӑ мўв хиша па йиԓән».

Genesis 48:21

Щӑԓта Израиль Иосифа йастәс: «Щи, ма пӑрты хӑтԓэм йŏхтәс; Турәм нын пиԓанән питәԓ пӑ ащиԓән мўва нынан йŏхԓы туԓԓы;

Genesis 50:24

Щӑԓта Иосиф йайԓаԓа йастәс: «Ма пӑрты хӑтԓэм ванамәс, нын хŏщайән Турәм йŏхәтәԓ пӑ нынан тӑм мўв эԓты щи мўва туԓԓы, мўй эԓты Ԓўв Авраама, Исаака пӑ Иакова йасәӈ мӑс».

Genesis 50:4

Хоԓԓәп хӑтԓәт хӑщәмән, фараон ԓӑӈкәр хŏйатәт пеԓа Иосиф йастәс: «Йӑм сэмән ма пеԓайэм ватԓәты ки, тӑмиты фараона йастаты:

Genesis 50:6

Фараон йастәс: «Йӑӈха пӑ ащен лотты, хŏты ԓўв нӑӈена партәс».