Genesis 50:24 - Хӑнты Перевод Библии

²⁴ Щӑԓта Иосиф йайԓаԓа йастәс: «Ма пӑрты хӑтԓэм ванамәс, нын хŏщайән Турәм йŏхәтәԓ пӑ нынан тӑм мўв эԓты щи мўва туԓԓы, мўй эԓты Ԓўв Авраама, Исаака пӑ Иакова йасәӈ мӑс».

Genesis 50:24 ပူးပေါင်းရင်းမြစ်များ

Genesis 12:7

Щӑԓта Турәм Куща Аврам хŏща этәс пӑ йастәс: «Йэԓԓы уԓты ԋаврэмԓана тӑм мўв Ма мӑԓэм». Ԓўв хŏщайәԓ этԓыйәм Турәм Куща урәӈән щита йирасты нŏрәм верәс.

Genesis 13:15

хŏԓ ватты мўвԓан Ма нӑӈена пӑ нӑӈ ԋаврэмԓана веккеша тӑйты мӑԓԓам;

Genesis 13:17

мӑна, щи мўв хўватәԓ, ўтатәԓ хŏԓ йӑӈхи, Ма ԓўвеԓ нӑӈена мӑԓэм».

Genesis 15:18

Щи хӑтәԓән Турәм Куща Аврам пиԓән йастантәпса верәс, йастәман: «Тӑм мўв йэԓԓы уԓты ԋаврэмԓана Ма мӑԓэм, Египет йŏхан эԓты Евфрат ас унты:

Genesis 15:7

Щӑԓта ԓўвеԓа йастәс: «Ма Турәм Куща, Ма нӑӈен Халдея мўвән уԓты Ур нэмпи тӑха эԓты ты тусэм, тӑм мўв нӑӈена тӑйты мӑты урәӈән».

Genesis 15:8

Авраам пӑ йастәс: «Вŏсху Турәм Куща! Мўй щирән ма мŏштәԓэм щи мўв мӑнэма питты вер?»

Genesis 17:8

ин нӑӈ па мўвәӈ хŏйат иты уԓты Ханаан мўвен нӑӈена пӑ нӑӈ йўпенән рутәмты ԋаврэмԓана хŏԓ мӑԓэм, веккеша тӑйты мӑԓэм; пӑ ԓывиԓаԓа Турма уԓты питԓәм».

Genesis 21:1

Турәм Куща, йастымаԓ щирән, Сарра пеԓа щи арат йӑм ус пӑ, хŏты ԓўвеԓа йастыԓыйәс, щиты версәԓы.

Genesis 26:3

тӑм мўвән уԓа, Ма нӑӈ пиԓэнән питԓәм, пӑ йӑмән нӑӈен мӑԓэм, нӑӈен пӑ йэԓԓы уԓты ԋаврэмԓана тӑм мўвәт мӑԓәм пӑ Авраама, нӑӈ ащена, мийәм йастәпсайэм Ма тӑԓаӈа верԓэм;

Genesis 28:13

Щӑԓта Турәм Куща щита хомтэпән ԓойәԓ пӑ пŏтәртәԓ: «Ма Турәм Куща, Авраам ащен Турәм, пӑ Исаак Турәм. Мўвен, хŏта нӑӈ ŏԓԓән, Ма нӑӈена пӑ йэԓԓы уԓты ԋаврэмԓана мӑԓэм;

Genesis 3:19

шӑк йик кўтән ԋаԋэн ԓэты питԓэн, мўва иԓ питтэн унты, хŏԓща нӑӈ ўйман уԓԓән, нӑӈ мўв хиш пӑ мўв хиша па йиԓән».

Genesis 35:12

Авраама пӑ Исаака мийәм мўв Ма нӑӈена мӑԓэм, нӑӈ тыхԓэна тӑм мўв па мӑԓэм».

Genesis 46:4

Ма нӑӈ пиԓэнән Египет мўва мӑнԓәм, Ма нынан йŏхԓы па туԓԓам. Иосиф ԓўв йошәԓән нӑӈ сэмԓан лӑп петԓәԓы».

Genesis 47:29

Израиль пӑрты хӑтԓаԓ ванамәс, Иосиф пŏхәԓ вохсәԓы пӑ ԓўвеԓа йастәс: «Йӑм сэмән ма пеԓайэм ватԓән ки, йошен ма пещ иԓпема пŏныԓыйи пӑ йасәӈ мийа, нӑӈ мӑнэм щаԉәтԓэн пӑ ӑт ԓэпәԓԓэн, Египет мўвән мӑнэм ӑт лоттәԓэн,

Genesis 48:21

Щӑԓта Израиль Иосифа йастәс: «Щи, ма пӑрты хӑтԓэм йŏхтәс; Турәм нын пиԓанән питәԓ пӑ ащиԓән мўва нынан йŏхԓы туԓԓы;

Genesis 50:5

ащем ма эԓтэм йасәӈ ўс, щиты пŏтәртәс: ‘Ма пӑрты хӑтԓэм ванамәс; Ханаан мўвән ма ԓэщатәм хŏшапәӈ кевемән мӑнэм шавийи’. Ин пӑ мӑнэм эсԓы йӑхты пӑ ащем лоттәты, пӑ щӑԓта йŏхԓы йŏхәтты».