Genesis 49:29 - Хӑнты Перевод Библии

²⁹ Щӑԓта Иаков ԓывиԓаԓа щиты партсәԓы, ԓывиԓаԓа щиты йастәс: «Ма ма мирэм хŏща мӑнԓәм; ащиԓам ŏԓты хŏшапәӈ кевән мӑнэм лоттаԓән, щит Ефрон хет ики мўв хӑр хŏща,

Genesis 49:29 ပူးပေါင်းရင်းမြစ်များ

Genesis 15:15

нӑӈ пӑ йӑмән ащиԓан хŏща мӑнԓән, нуптэн йӑма уԓман иԓ лоттәԓайән;

Genesis 23:16

Авраам Ефрон пиԓән кашащәс пӑ Ефрона Авраам щел ŏх пусмекԓәс пӑ мӑс, мўй арат ԓўв, хет мир хуԓәтман, йастәс, щел ŏхән ԋӑԓсот сикль, вŏсйох тынасты щирән.

Genesis 23:17

Щиты Ефрон мўв хӑр, Махпела хŏща, Мамре пўӈәԓән, щи тӑха пӑ щита уԓты хŏшапәӈ кев, керәтман энәмты йўхәт пиԓән,

Genesis 23:20

Щиты хет йох эԓты мўв хӑр Авраам йоша питәс, пӑ щита уԓты хŏшапәӈ кев, ԓўв мŏхиԓаԓ лоттәты урәӈән па.

Genesis 23:9

ԓўв мўв хӑрәԓ сыԓән Махпела хŏща уԓты хŏшапәӈ кев, лоттәты урәӈән, мŏрт тынән мӑнэма нын ватман ат тыныԓԓы».

Genesis 35:27

Щӑԓта Иаков Исаак ащеԓ хŏща йŏхтәс, Мамре, Кириаф-Арба хŏща, щит Хеврон, хŏта Авраам пӑ Исаак па мўв эԓты йŏхтәм ŏтәта усәт.

Genesis 35:29

Пирщамәм пӑ йӑмәс уԓмаԓ йўпийән, Исаак пӑрәс, пӑрәм ŏтԓаԓ хŏща мӑнәс; Исав пӑ Иаков пŏхӈиԓаԓән иԓ ԓэщатса.

Genesis 47:30

ащиԓам пиԓән мӑнэм ŏԓты урәӈән; Египет мўв эԓты мӑнэм тўви пӑ ԓыв ŏԓты хŏшапәӈ кевеԓән мӑнэм лотты». Иосиф йастәс: «Нӑӈ йасӈен щирән верԓэм».

Genesis 49:28

Тӑм Израиль кӑтхŏщйаӈ сыр рут; щиты ԓывиԓаԓа ащеԓ ики йастәс; ԓывиԓаԓ йӑмән мӑсԓы, кашәӈ ŏтәԓ ԓўв йўкан йӑмән мӑсԓы.

Genesis 49:33

Щитәԓән, пŏхԓаԓа партәм йасәӈԓаԓ Иаков вŏԓәтсәԓы, кўрԓаԓ ŏԓттӑхайа пŏтсәԓы, пӑ пӑрәс, пӑ опращԓаԓ хŏща мӑнәс.

Genesis 50:12

Щиты Иаков пŏхәт ԓўв партәм верәԓ версэԓ:

Genesis 50:13

Ханаан мўва пŏхԓаԓән ԓўв туса пӑ Мамре шŏма Махпела мўв хӑр хŏща уԓты хŏшапәӈ кев ԓыпийән шависа. Щи хŏшапәӈ кев мўв хӑр пиԓән Авраам Ефрон хет ики эԓты лоттәты урәӈән ԓутәс.