Genesis 48:13 - Хӑнты Перевод Библии

¹³ Щӑԓта Иосиф пŏхӈәԓаԓ кинтак ўсԓы, Ефремәԓ йӑм пеләк йошәԓа, Израиль пӑрта пеләк йош шŏма, Манассияйәԓ пӑ пӑрта пеләк йошәԓа, Израиль йӑм пеләк йош шŏма, пӑ ԓўв хŏщайәԓ вана тусԓы.

Genesis 48:13 ပူးပေါင်းရင်းမြစ်များ

Genesis 41:51

Иосиф оԓәӈ пŏхәԓ нэмән мӑсԓы: Манассия, щиты ԓўв пŏтәртәс: «Шукащты верԓам пӑ ащем хот тэԓ Турәм мӑнэма йŏрэмәты ԋотсәԓы».

Genesis 46:20

Египет мўвән Иосиф хŏща Манассия пӑ Ефрем сэма питсәтән, Асенефа, Илиополь вош Потифер нэмпи йир верты хŏйат эвийән, сэма пайәтсайтән.

Genesis 48:12

Иосиф ԓынан ԓўв шаншŏхԓаԓ эԓты йэԓшәк тусԓы пӑ ԓўв йэԓпеԓән мўв унты, ŏх пŏнман, иԓ ԋўрәс.

Genesis 48:14

Израиль пӑ йӑм пеләк йошәԓ Ефрем ŏха пŏтсәԓы, кўш щитәԓ айшәк ус, пӑрта пеләк йошәԓ пӑ Манассия ŏха пŏтсәԓы. Номәс тӑйман йошӈиԓаԓ щиты, пеләтман, пŏтсәԓы, кўш Манассия оԓәӈ пŏх ус.