Genesis 47:6 - Хӑнты Перевод Библии

⁶ Египет мўв нӑӈ йэԓпенән: ащен пӑ йайԓан мет йӑм мўвән уԓты мийаԓән; Гесем мўвән ԓыв ат уԓԓәт; щӑԓта вер йӑма уйәтты хŏйатәт ԓыв кўтэԓән уйәтԓән ки, ма тащԓам вантыты хŏйатәт ԓыв эԓтыԓаԓ пŏна».

Genesis 47:6 ပူးပေါင်းရင်းမြစ်များ

Genesis 13:10

Иордан йŏхан ԉэп мўвәт Лот ики хŏԓ ватсәԓы пӑ кащаԓәсԓы, щи мўв Сигор унты йикән йӑма пŏшԓа, Турәм Куща ŏйәӈ-щўԋәӈ тӑха иты, Египет мўв иты. Щит щи йэԓпийән ус, хун Турәм Куща Содом пӑ Гоморра вошӈән шўкатсәԓы.

Genesis 13:9

мўй арат мўв нӑӈ йэԓпенән ӑт уԓ? Кӑтна мӑнԓәман: нӑӈ ки шӑнша, ма венша; нӑӈ ки венша, ма пӑ шӑнша».

Genesis 20:15

Щӑԓта Авимелех йастәс: «Тӑта щи, ма мўвем нӑӈ йэԓпенән; уԓа, хŏта нӑӈена ԓэщаԓәԓ».

Genesis 34:10

щӑԓта мўӈ пиԓэвән уԓаты; тӑм мўв нын йэԓпанән, касԓыйаты пӑ тӑм мўвән уԓаты, пӑ нынана тӑйты йŏра мўва ԓутаԓән».

Genesis 45:10

Гесем мўв щуӈән нӑӈ уԓты питԓән; ма пўӈԓэмән ванән нӑӈ питԓән, нӑӈ пŏхԓан па, нӑӈ пŏхԓан пŏхәт па, ай пӑ ун войԓан, пӑ иса, мўй нӑӈ тӑйԓән;

Genesis 46:34

нын щиты йастаты: ‘Мўӈ, нӑӈ митйохԓан, айтэԓән ин тӑм унты вой энмәԓтман усув, опращԓув иты’; щишән, нын Гесем мўвән уԓты хӑйԓайты. Египет хŏйатәт ош шавиты хŏйатәт ӑт шӑктәԓԓаԓ, ԓывиԓаԓа щит ўкщәм».

Genesis 47:11

Иосиф ащеԓ пӑ йайԓаԓ Египет мўвән уԓты хӑйсәԓы, Египет мет йӑм мўвән, Раамсес мўвән, ԓывиԓаԓа мўв щуӈ тӑйты мӑсԓы, хŏты фараонән партса.

Genesis 47:16

Иосиф йастәс: «Тащԓән ты воштаԓән, войԓән сӑхат ԋаԋән мӑԓԓам, ŏхԓән ки хŏԓасәт».

Genesis 47:4

Щӑԓта ԓыв фараона йастәсәт: «Мўӈ тӑм мўва уԓты щира йŏхәтсув, тащ ԓапәтты мўв ӑнтом урәӈән, Ханаан мўвән шек ԓэԓԓы йӑт йŏхтәс; щишән, митйохԓан Гесем мўвән уԓты эсԓаԓән».

Genesis 47:5

Фараон Иосифа йастәс: «Ащен пӑ йайԓан нӑӈ хŏщайэн йŏхәтсәт;